LUNGFÂKNÂK 3:38 - Bawm Common Language Bible Version

³⁸ A thupêk lakah chun a ṭha mi leh a sia mi anna bang cho.

LUNGFÂKNÂK 3:38 ပူးပေါင်းရင်းမြစ်များ

2 SAMUEL 16:10

Lalchem nih Abisai leh a unaupa Joab sinah, “Hi hi nan rangah zei me a pawi, nanmah tlûnah â sei lo, LALPA nih hawlhsiat barh ding hen a titir mi asi chun zei rangah a ti âunih a ti kho lai?” a ti.

JOB LASUIBU 2:10

Job nih a sâng le, “Nang hi zeikhawm theihlo pet hen thu na sim,” a ti. Pathian nih zei thil ṭha mawh hawng kan pêk chun kan a lâwm, thil sia a hawng tlung liauah kan simsiat kho lai mazei? Hi bang zawng tuar khawmsele Job nih Pathian a simsiat lo thlo.

SAM 75:7

Pathian chu, lâirêltu, mi zeimaw mi rangah mawhtirtu leh midang rangah thawsuaktirtu chu asi.

THUFING LASUIBU 29:26

Mikip nih lâirêltu duhkâng hen um an duh le, sikhawmsele, Pathian sin cho ah repnâk chu na tawng kho.

THUSIMTU 7:14

Na rang thil zeizawng a tluang chun a lâwm le, nawknâk a hawng tlung chun, Pathian nih lawksawngnâk leh lawmhnâk hi a tlungtir mi vevê asi ti theih rawh, a nehnûnah zei a hawng tlung awt nawlh ti na theih loh.

ISAI 45:7

Chêu leh mûi khawm ka siam vevê; malsâwmnâk leh siatnâk khawm ka tlungtir mi an si vevê. Kei LALPA nih chubang thil zawzawng ka ti mi asi.

JEREMIA 32:42

“An tlûnah siatnâk ka tlungtir mi hâwi hen thil ṭha ka tiamh na mi zawzawng ka pêk na lai.

AMOS 3:6

Mi tla ningṭihnâk umlo thlo hen khuapi ah râltuk tâwtawrâwt an tum dah tâwn ma? LALPA fial mi silo hen khuapi ah siatnâk a tlung tâwn ma?