LUNGFÂKNÂK 3:32 - Bawm Common Language Bible Version

³² Ngaihsia tak hen hawng kan umtir kho. Sikhawmsele, hawng kan dâwtnâk chu a fâk thlo asi ti theih chia asi.

LUNGFÂKNÂK 3:32 ပူးပေါင်းရင်းမြစ်များ

2 Lal 13:23

Sikhawmsele LALPA nih a dâwt na le, an lakah khua a ruat. LALPA nih veih dep ding a siang na lo le, a ṭangpi na. Abraham, Isak leh Jakob sinah a thutiam ruangah a mi tla chu a philh dah na lo.

SAM 103:11

Tual tlûn leiah vân a sâng mi hâwi hen, amah zahtu rangah a dâwtnâk a rokual.

SAM 30:5

A thinrunhnâk chu sâwtlotê kar asi le, a ṭhatnâk chu damkar zawng rang asi. Zân ah chun mitthli luang khawmsele, zînglei ah chun lâwmnâk a hawng tlung.

SAM 78:38

Sikhawmsele Pathian nih a mi le tla tlûnah khua a ruat. An sual a ngaihdam le, a veih na loh. Vei tam tak a thinthawknâk a lêt hen â sûm.

EXODUS 2:23

Kum tam tak nûnah Aigupta lalchem chu a thi le, sikhawmsele Israel tla chu an sal sinâk ruangah rûm leh âi hen an um le, ṭangpi deih hen an âu. An âu hâu chu Pathian sinah a tleng rawh.

EXODUS 3:7

Churawhchun, LALPA nih a sinah, “Ka mi tla Aigupta ram ah an nehsawh na zia ka muh le, anmah rangah Aigupta sal vêngtu tla lakah mi ruangsuah na ding hen an âu hâu khawm ka theih. An tuar zia tla ka theih le,

ISAI 27:8

LALPA nih a mi tla chu sal ah kaltir na hen a rêp na. Saklei mi thli ṭhalo hen a put ving na.

ISAI 54:7

“Sâwtlotê kar chu ka nan mâk le; dâwtnâk fâk tak hen ka nan lâk nawlh lai.

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

LUNGFÂKNÂK 3:22

LALPA dâwtnâk leh khuaruatnâk chu tlawlh dahlo hen a um vima.

HOSEA 11:8

“Israel, zeitin kan mâk kho na lai? Zeitin hen kan kaltâk kho na lai? Admah ka râwk mi hâwi hen kan râwk na hen Zeboim ka ti mi hâwi hen kan tikho na lai ma? hâwi ti ding hen ka thinlung ah a um lo. Ka nan dâwt na nâk a fâk tuktarâi:

NAHUM 1:12

Hi hi LALPA nih a mi Israel sinah thu a sim mi chu asi: “Asiria ni tla chu chak hen tam menza na khawmsele, vei leh tlâu dep hen an um lai. Ka mi tla nganfâk kan pêk na le, sikhawmsele kan pêk na lai lo rawh.

LUK 15:20

A thawk le, a pa sinah a kal rawh. “Chuvachun, lât takah a um liauah a pa nih a muh le, thungâi a siherh le, a fûk phêt le, an ir anna tawnh le, a châwchawk chiam.

LÂIRÊL 10:16

Churawhchun, ramdang pathian chu kaltâk hen LALPA chu an sawnh rawh; chun Israel tuarnâk ruangah chun a lawksawng rawh.