LUNGFÂKNÂK 3:26 - Bawm Common Language Bible Version

²⁶ Churuangah ruang hawng kan suah ding mi lakah felfê tak hen amah kan ngâk chun kan rangah a ṭha chem asi.

LUNGFÂKNÂK 3:26 ပူးပေါင်းရင်းမြစ်များ

GENESIS 49:18

“LALPA, na ruangsuahnâk ka ngâk.

2 CHRONICLES 20:17

Râltuknâk hi nannih nih do lo hen nan um mun ah ngâk ko u. LALPA nih nehnâk an pêk na ding mi chu nan muh lai. Nannih Jerusalem leh Juda ah mi minung tla, dâwk lah ule, ṭih lah u. Râltuk ding hen kal ule, nan sinah LALPA a um lai!” a ti.

SAM 119:166

LALPA, ruang na ka suah ding ka ngâk ko, thu na ka pêk mi tla chu ka ti.

SAM 119:174

LALPA! him ding hen na ṭangpinâk ka duh a! Na dân thu ah lâwmnâk ka tawng.

SAM 130:5

LALPA ṭangpinâk chu thinlung thawk tak hen ka ngâk le, a thu ka sirsanh.

SAM 37:34

LALPA lakah lungum le, a thupêk tla zûl rawh; ram an pêk mi hen thangṭhat an lawhtir lai, chun misual tla nar an si mi na muh lai.

SAM 37:7

LALPA thilti chu felfê tak hen ngâk le, Mi le sul-le-lam tluang ruangah na thasia lah le, Misual tla an thilsual tum lakah an dingchangnâk ruang khawm ah.

SAM 52:9

Pathian, na thilti ruangah chun lâwmthu kan simh kumza lai le; na mi le tla mâika ah chun na ṭhat zia ka sim lai.

SAM 54:6

LALPA, lâwm tak hen bâwlnâk na sinah ka hawng ap lai; na ṭha ruangah na sinah lâwmthu ka sim lai.

SAM 62:2

Amah cho nih hawng ka hum le; amah chu hawng ka vêngtu asi, neh hen ka um dah lai loh.

SAM 73:28

Kei lam chu, na kiangah um hi thungâi chê ka ti le, LALPA, Chungnungchem zauhkhenhnâk ting ding leh a thilti phuang ding hen.

SAM 92:1

LALPA, na sinah lâwmthusim leh Chungnungchem Pathian nangmah chawnglawmhnâk la sak chu a ṭha a!

EXODUS 14:13

Mosi nih a sâng na le, “Lâu rîlmâl lah u! Nan um mun ṭhial lo hen dîr ule, tusûn ah LALPA nih ruang an suah na ding mi nan muh lai; hi Aigupta minung tla hi turî rawh chun nan muh na awtlo rawh asi.

EXODUS 14:14

Nan rangah LALPA nih an do piak na awt, nannih nih zeikhawm nan ti ding a herh lo,” a ti.

ISAI 30:15

LALPA zahkâi, Israel Pathian thenhlimh nih, mi zapi tla sinah thu a sim le: “Hawng kîr ule, keimah lakah dâisip hen hawng a ngauh u. Chu tikah nan chak hen nan him lai,” a ti. Sikhawmsele, nan êl.

ISAI 30:7

Aigupta nih a ṭangpi na mi chu zeikhawm asi lo. Churuangah Aigupta chu ‘Rûlpi Tûr nei lo’ ti hen min telê ka phuah,” a ti.

ISAI 7:4

Râlring zet hen dâisip um ding hen va simh, ningṭih hen a thinlung a nawktir lah seh. Lalchem Rezin leh a mi tla leh Lalchem Pekah chu ṭhianṭhunh panih mei nih a muat mi khû tluk hen khawm ṭihnung an kâi lo.

JEREMIA 14:22

Phun tla milem pakhat khawm nih ruah a sûrtir kho lo, vân khawm nih a mah thu hen a sûrtir kho lo. LALPA, kan Pathian nangmah lakah lungumnâk kan nei, hi bang thil tla titu chu nangmah lâwng na si ruangah.

LUNGFÂKNÂK 3:27

Seino kan si liauah hi hâwi hen felfê tak a um tum hi a ṭha chem asi.

HABAKUK 2:3

Chu rîn mi chu a hun tak a tlung lo rih ruangah siah ziar. Sikhawmsele a tik chu khulrang hen a hawng tlung lai. Tlâi dauh khawm asi kho, ngâk ko rih le; a hawng um ngelchel lai, a tlâi tuk lai lo.

GALATIA 4:18

Thu ṭha leikângah lam chun nan sinah ka um liau lâwng silo hen zei liau khawm ah ṭhanemsemsê ngâi hi a ṭha asi.

HEBRAI 10:35

Chun, lâwmman cherkhet tawng ding mi lakah nan lungnâk thlâu lah u.

HEBRAI 3:14

A bul ah lungnâk kan nei mi kha a dawngh tiang hen tleih thlirtu kan si chun Krist tingpitu tla kan hawng si.

1 PETER 1:13

Churawhchun, rianṭuan ding hen nan thinlung ah a tîm u. A ringrâwn ule, Jisu Krist a hawng a langh tikah malsâwmnâk a nan pêk na ding mi lakah nan lungumnâk zawzawng chu ngauh u.