LUNGFÂKNÂK 3:25 - Bawm Common Language Bible Version

²⁵ LALPA chu amah rinhsanhtu mikip sinah a ṭha.

LUNGFÂKNÂK 3:25 ပူးပေါင်းရင်းမြစ်များ

GENESIS 49:18

“LALPA, na ruangsuahnâk ka ngâk.

1 CHRONICLES 28:9

Churawhchun, Solomon sinah, “Ka fapa, na pa Pathian chu thinlung lungkhat leh duhnâk nei hen a rianṭuan ding hen kan simh asi. Anih nih kan thinlung dawn leh kan duh mi zawzawng a theih hep. A sinah na kal chun a nan pawm lai. Sikhawmsele na hertâk chun a nan kaltâk pawt lai.

2 CHRONICLES 15:2

a sinah, “Lalchem Asa, nang leh Juda leh Benjamin mi zawzawng nih ka thu ngâi u, a lakah nan um kar zawng chu nan sinah LALPA a um. Amah nan hâwl chun nan tawng lai le, sikhawmsele nan her tâk chun anih khawm nih an kaltâk na lai.

2 CHRONICLES 19:3

Chu hâwi si menza khawmsele na lakah ṭhatnâk tâwm a um, pathiannu lem zawzawng, Aserah chu na lawnh le, Pathian duhzia ti ding na tum.”

2 CHRONICLES 30:19

“LALPA, kan thlâktu Pathian, na ṭhatnâk ruangah hi bang minung tla hi dân hâwi hen thenhlimh hen um lah menza khawmsele, an thinlung tak hen nangmah sawnhtu an si ruangah ngaihdam na rawh,” ti hen.

2 CHRONICLES 31:21

Thil zeizawng Biakin leikângah mawh, dân zûl leikângah mawh, thinlung ah zumhkâi tak hen a ti mi leh a Pathian sinah a pêk mi ruangah dingchangnâk a nei.

Ezra lasuibu 8:22

Kawrsen rang tlûnah chuan mi murui kan kalnâk ah hawng kan vêng ding hen lal deih ding ka ningzak; a sinah kan Pathian nih amah rinhsanhtu âuzawng mal a sâwm na le, amah lawmhtirlotu leh hawitâktu lam chu âuzawng a rêp na ti hen ka simh rawh ruangah.

SAM 105:3

Amah tâ kan si ruangah a lâwm u; amah sawnhtu tla zawzawng a lâwm na seh.

SAM 119:2

LALPA thupêk zûltu chu an thaw a suak e, an thinlung zawzawng hen amah ê-aw ngâitu tla chu.

SAM 22:26

Mipâm tla nih an duh tâwk an ei lai le; LALPA sinah hawngtu tla nih chun amah chu an sawr lai. An sul-le-lam tluang kumza seh!

SAM 25:8

LALPA chu â rep hen a ṭha ruangah misual tla chu an kalnâk ding lampi a sîntir na.

SAM 27:14

Lungdawng lo hen LALPA chu zumh le, amah lakah a ngauh rawh. LALPA chu zumh rawh.

SAM 27:8

“Hawng le, hawng ka sawnh” na ti. Kei nih, “LALPA,

SAM 37:34

LALPA lakah lungum le, a thupêk tla zûl rawh; ram an pêk mi hen thangṭhat an lawhtir lai, chun misual tla nar an si mi na muh lai.

SAM 37:7

LALPA thilti chu felfê tak hen ngâk le, Mi le sul-le-lam tluang ruangah na thasia lah le, Misual tla an thilsual tum lakah an dingchangnâk ruang khawm ah.

SAM 39:7

LALPA, zei me ka lungum ding asi lai ne? Nangmah lakah ka lungum.

SAM 61:1

Pathian, ka au hâu hi theih le, ka thlachamnâk hi ngâi!

SAM 61:5

Pathian, ka thutiam tla chu na theih le; nangmah a nan zahtu tla tâ chu na ka pêk.

SAM 69:32

Nâuneh an si mi tla nih an muh tikah anna lâwm lai le; Pathian sawnhtu tla khawm fawrh hen an um lai.

SAM 71:14

Ka lungumnâk chu na sinah ka siah kumza lai le, ka nan sawr dadauh lai.

ISAI 25:9

Chu chu a hawng tlung tik chun, mikip nih, “Kan Pathian asi! Amah chu kan rinhsan le, ruang hawng kan suah rawh. Amah chu LALPA asi! Amah chu kan rinhsan le, tu chun ruang hawng kan suah ruangah kan lâwptlo hen kanna lâwm rawh,” an ti.

ISAI 26:9

Zân ah chun ka thinlung zawzawng hen ka nan ngâi le, tual leh a mi tla lâi na rêl liauah a dik zia an theih ver lai.

ISAI 30:18

Chu hâwi asi khawm ah LALPA lam chu nan lakah khua a ruat nget rih. Thil dik a ti kumza mi asi ruangah nan lakah lungkhamnâk a nei kumza. LALPA ngauhsantu tla chu an thaw a suak.

ISAI 40:31

Sikhawmsele, ṭangpitu ding ah LALPA lakah â ngauh mi nih chun chaknâk thar a tawng lai. Mupi hâwi hen thla hen an zuang lai le; an tek lai le, an dî lai lo; an kal lai le, an uai lai lo.

ISAI 55:6

Tuah a nâi tek liauah LALPA leiah a her ule, a sinah thlacham u.

ISAI 64:4

A lakah an lungumnâk siahtu tla rangah chubang hâwi thil titu nangmah hâwi mi Pathian khawm nih an muh hen an theih lo.

LUNGFÂKNÂK 3:26

Churuangah ruang hawng kan suah ding mi lakah felfê tak hen amah kan ngâk chun kan rangah a ṭha chem asi.

HOSEA 10:12

Nan rangah ‘Tual thar nâwn ule, rêpnâk phun hen malsâwmnâk ât ule, ka sinah nanna pumpêknâk a lang lai. Kei, nan LALPA sinah nan hawng ding hen a tik a tlung rawh le, a hawng lai le, nan tlûnah malsâwmnâk ka nan tawih lai,’ ka ti.

ZEPHANIAH 3:8

LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

JEM 5:7

Chun, ka unau tla, Lalpa hawng kal lânlo felfê tak hen um u, lo dâwngpu nih chun ruah masa leh madung chem chu a tawng lânlo felfê tak hen thlâi rah sung tak chu a ngâk tâwn.