LUNGFÂKNÂK 3:17 - Bawm Common Language Bible Version

¹⁷ Damnâk, thlangamnâk leh lâwmnâk ka philh hep.

LUNGFÂKNÂK 3:17 ပူးပေါင်းရင်းမြစ်များ

GENESIS 41:30

Chu nûnah chun pâm kum kum sarih a hawng tlung lai. Ram lakah pâmnâk a tlung ruangah kum ṭhat kum tla chu philh dep asi lai rawh.

JOB LASUIBU 7:7

“Pathian, ka nungnâk hi thaw cho asi le; ka lâwmnak tla hi a dawng chia rawh ti theihkumza.

SAM 119:155

Misual tla chu na dân thu an zûl duh lo ruangah ruangsuah hen an um lai lo.

ISAI 38:17

Ka ngaihsiatnâk chu thlangamnâk ah â chang lai. Ṭihnungkâi lakah mi ka nungnâk chu na hum le; Ka sualnâk zawzawng na ngaihdam rawh.

ISAI 54:10

Tlâng sâng leh tlâng tênâu tla chu â râwk kho. Sikhawmsele ka nan dâwtnâk chu zeiliau khawm a dawng lai lo; thlangamnâk ka thutiam chu ka theihkumza lai,” a ti. Churuangah LALPA a nan dâwttu nih a sim asi.

ISAI 59:11

Ningṭih kumza leh hamh hen kan um. Nehsawhnâk leh thil diklo lakah ruang hawng kan suah ding hen Pathian kan ngâi, sikhawmsele zeikhawm a hawng tlung lo.

JEREMIA 12:12

Ramkaro mun sâng tla pal hen rûn ding hen mi tla an hawng. Ram pumpi veih ding hen râltuknâk ka tlungtir le; âukhawm thlangam tak hen an um kho lo.

JEREMIA 14:19

LALPA, Juda chu na nawng thlo rawh mu? Zion mi tla chu na hua na mu? Zei rangah dam kho lo thlo ding hen nganfâk hi tluk na kan pêk? Thlangamnâk kan hâwl le, sikhawmsele thil ṭha zeikhawm a hawng tlung lo; dam ding kan lungum mi lakah ningṭihnâk lam a hawng um.

JEREMIA 16:5

“Mithi ulhnâk in khawm ah lût lah. Âu ruang khawm ah lungfâk lah. Ka mi tla chu thlangamhnâk hen mal ka sâwm na lai lo rawh, ka dâwtnâk leh khua ka ruatnâk khawm an lakah ka langh awtlo rawh.

JEREMIA 8:15

Thlangam ding leh dam ding tik kan lungum le, sikhawmsele zeikhawm asi lo rawh; chu ngâk hen ṭihnungkâi lehlam a tlung.

LUNGFÂKNÂK 1:16

“Churuangah asi ka mit ah mitthli tla a luang mi chu. Âukhawm nih thla an hawng ka ngamh hen lungiam an ka sak kho lo. Mêlma nih hawng ka neh le; ka mi tla nih zeikhawm an mâk lo.

ZEKARIA 8:10

Chubang hun lân chun minung mawh ran mawh âukhawm nih tikho ding hen an nei lo le, âukhawm an mêlma lakah mi him hen an um kho lo. Anmah leh anmah ka dotir na.