LUNGFÂKNÂK 3:11 - Bawm Common Language Bible Version

¹¹ Lampi ah hawng ka ṭhâwl le, hawng ka sâm dip le, hawng ka mâk thlo.

LUNGFÂKNÂK 3:11 ပူးပေါင်းရင်းမြစ်များ

JOB LASUIBU 16:7

Pathian na hawng ka uaitir dep rawh; ka dâwngsung tla chu thah hen na umtir na rawh.

SAM 143:4

Churuangah ka kawng a dawng le; lungdawngnâk fâk tak ka nei.

SAM 50:22

“Nang, mi lungkhung, hi hi ngâi; chu lo chun ka nan veih awt, âukhawm a nan humtu ding a um lai loh.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

JEREMIA 15:3

Kei, LALPA nih, thil ṭihnungkâi pali an sinah hawng tlung ding hen ka ruat rawh: tuknâk ah an thi lai le, ui nih an ruak a thiar lai le; va tla nih an ei na lai, an eibang chu ramsa tla nih an ei hep lai.

JEREMIA 19:8

Chubang hâwi siatnâk ṭihnungkâi chu hi khuapi tlûnah ka tlungtir lai le, a paltu zawng an thinlung a purh hen chê an ti lai.

JEREMIA 32:43

Mi nih hi ram hi ramsa leh minung khawm umlonâk ramkaro hâwi hen an um lai le, chu chu Babulon mi tla rangah pêk asi lai ti hen an sim. Sikhawmsele hi ram ah mi phâisen tla hi veikhat chu châwk nawlh asi lai.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

JEREMIA 6:8

Jerusalem mi tla, hi bang nawknâk tla hi nan rangah simhkannâk si seh, chu hâwi asi lo chun ka nan kaltâk lai le; ramkaro âukhawm umlonâk hâwi hen na khuapi ka umtir awt,” a ti.

LUNGFÂKNÂK 1:13

“Vân thawk hen mei a hawng thlâk mi nih ka sungah hawng ka duah. Ka rangah thang a tunh le, tual ah hawng ka siah. Churawhchun, nganfâknâk reh lo hen hawng ka kaltâk ving.

LUNGFÂKNÂK 3:10

Vawm hâwi hen hawng ka bawh le; chakeibaknei hâwi hen hawng ka nam.

DANIAL 7:23

Simhfiangnâk ka tawng mi chu hi hi asi: Sarâng pali tla chu lalram pali tual tlûnah a hawng um ding mi chu asi. Tual pumpi chu a mântîr hen a lamhbêk lai.

HOSEA 6:1

Mi tla nih, “LALPA sinah kan kîr lai, nganfâk hawng kan pêk khawmsele hawng kan damh ngelchel lai, hawng kan liamh khawmsele hawng kan tuam piak lai lo mazei?

MIKAH 5:8

Phun lakah a um rih mi tla chu chakeibaknei thing mun ah ei ding a hâwl mi hâwi mawh an tlawngnâk ah â sawk mi hâwi asi lai le, a nam na le, a sâm dip na le, sanh kho an silo rawh mi hâwi an si lai.

MATHAI 23:38

Zauhnik u, nan Pathian Biakin chu a karo hen mâk hen a um rawh.

THUPHUANG 18:19

Chun, an lû ah valeidip an phulh le, ngaihsia tak a ṭap bû hen, “Khuapi rokual tak chu a tlûn a pit! A neihnâk ruangah minei si mi tla leh tisumsumriat ah lawng neitu tla chu dârkar khat lak ko ah a tlâu rawh hi,” an ti.