LUNGFÂKNÂK 2:9 - Bawm Common Language Bible Version

⁹ A kulh kawtkâ tla chu nâwm nih a silh le, A kalhnâk tluan tla khawm a man ver. Lalchem leh milian tla khawm tu chun sal ah an um ver rawh. Dân sîntirnâk khawm a um lo rawh, Khuavâng tla khawm nih LALPA sinah mi muhnâk an nei lo rawh.

LUNGFÂKNÂK 2:9 ပူးပေါင်းရင်းမြစ်များ

2 Lal 25:7

Zedekiah mitmuh ah a fapa tla chu an thah na, churawhchun Nebukadnezar nih Zedekiah mit chu a chawih piak zek, rêng a khimh le, Babulon leiah a kalpi rawh.

2 CHRONICLES 15:3

Hun sâwt tak Israel mi tla chu Pathian dik nei lo hen bâwlpu anmah sîntirtu nei lo hen, dân nei lo hen an um.

NEHEMIAH 1:3

A thibang an ram leiah tlung mi tla chu thungâi anna hamh, an kiangkam ramdang minung um tla nih thungâi an zauhnawmh ti an ka simh. Jerusalem kulh khawm râwk chia hen a um nget ko rih le, a kulh kawtkâ khawm an duahnâk thawk hen remh asi lo rih ti an ka simh.

SAM 74:9

Kan singsiahnâk thenhlimh tla chu a vei rawh; khuavâng pakhat khawm an relh lo, hi hi zeitiang a sâwt awt âukhawm nih an theih loh,

ISAI 24:12

Khuapi chu râwk hen a um le, a kulh kawtkâ tla a chim.

JEREMIA 14:14

Sikhawmsele LALPA nih a sâng le, “Khuavâng tla nih ka min hen âwkrâwl thu an sim, mi tla chu Kei nih ka fial na mi an si lo, an sinah thu ka pêk na lo, kâ khat khawm an sinah thu ka sim lo. Langhnâk thu an sim mi khawm Kei thawk hen mi asi lo; an simkannâk tla an ruat mi khawm zeikhawm asi lo.

JEREMIA 23:16

LALPA Zeizawng tikho nih Jerusalem mi tla sinah, “Khuavâng thusim ngâi lah u; lungumnâk diklo hen an khattir na lai. Keimah thusim silo hen anmah thinlung thu an simh na mi asi.

JEREMIA 39:2

Zedekiah a lal mi kum leikhat a thla kuanâk ah khuapi kulh tla chu a râwk ver rawh.

JEREMIA 39:8

Chu kar chun lal in chu Babulon mi tla nih an duah le, mi zapi tla in khawm an duah le, Jerusalem kulh tla an chimh ver.

JEREMIA 51:30

Babulon kawrsen tla chu râltuk bâng hen, an kulh ah an um ziar rawh. An râlṭhatnâk a tlâu le, nunau hâwi an si rawh. Khuapi kulh kawtkâ tla a chim le, in tla chu mei nih a khangh rawh.

JEREMIA 52:14

kawrsen tla nih kulh an râwk.

LUNGFÂKNÂK 1:3

Juda mi tla chu bawmhtu nei lo sal an si rawh. In a mi chu zângran hen an kalpi. Mah ram silo mi ramdang ah an um. Suaknâk umlo hen mêlma tla nih an kulh dak na.

LUNGFÂKNÂK 4:15

Mi tla nih, “Kal ving! Nan nâwm tuk! Hawng ka tawngh lah u!” an ti. Churuangah phun tla lakah sawk lemang hen an um le, âukhawm nih an lawmh na lo.

LUNGFÂKNÂK 4:20

LALPA nih a thîm mi lalchem hawng kan rûntu lakah humtu ah kan rinhsanh mi kan nungnâk bulpi chu an tleih rawh.

EZEKIEL 12:13

Sikhawmsele, ka lên ka zâr lai le, chu lakah ka tângtir awt. Churawhchun, Babulon khuapi leiah ka put lai le, chunah chun khua muh lo hen a thi lai.

EZEKIEL 17:20

Sa kahtu lên ka zâr lai le, chu hen ka tleih awt. Ka lakah zumh a kâi lo ruangah Babulon leiah ka put lai le, chunah ka rêp awt.

EZEKIEL 7:26

Siatnâk lakah siatnâk dang a hawng tlung lai, tivatê dusah a luang mi thâwng ṭhalo a hawng tlê lai. Khuavâng tla sinah langhnâk an muh mi nan deih na lai. Bâwlpu tla khawm nih mi zapi tla sîntir ding zeikhawm an nei lai lo, upa tla khawm nih thu simh ding an nei lai lo rawh.

HOSEA 11:6

Râltuknâk nih an khuapi a phiat dep lai le, an khuapi kulh kawtkâ tla chu a râwk dip lai. Thil an ti mi ṭha chem ah an ruat ruangah ka mi tla an râwk na.

HOSEA 3:4

Chu hâwi hen Israel mi tla chu lal leh ruitu lo hen bâwlnâk leh lung thenhlimh phun mi nei lo hen milem leh thlalâk chamchawhnâk rangah umlo hen hun sâwt tak an um ding asi.

AMOS 1:5

Damaska kulh kawt tla chu ka râwk lai le, Aven Kuam ah um mi tla leh Betheden lâirêltu chu ka ṭhial ving awt. Siria mi tla chu Kir ram leiah sal ah put hen an um lai,” a ti.

DEUTERONOMY 28:36

“LALPA nih nanmah leh nan lalchem tla hen an thlâk natu um dah lonâk ramdang ah a nan kalpi ving na lai; chunah chun lung leh thing hen siam mi pathian tla rian nan va ṭuan lai.

DEUTERONOMY 28:63

LALPA nih nan sul-le-lam a tluang tir hen zantir na ding a duh mi hâwitê hen nan lakah an veih na ding leh siatnâk nan tlûnah tlungtir ding a duh rûl rawh. Nan umnâk ram ah mi an ṭhial ving na lai.

1 SAMUEL 28:6

Churuangah LALPA rangah zei hâwi ti ding asi awt ti hen a deih. Sikhawmsele LALPA nih a sâng lo thlo, mang lei hen khawm, Urim leh Thummim leh khuavâng mang hen khawm a sâng lo.