LUNGFÂKNÂK 2:6 - Bawm Common Language Bible Version

⁶ Amah kan sawnhnâk Biakin chu a mântir dip le, Ni thenhlimh leh Dinhni tla chu a dawngtir rawh. Lalchem leh bâwlpu tla nih a thinthawknâk chu bang cho hen an tuar.

LUNGFÂKNÂK 2:6 ပူးပေါင်းရင်းမြစ်များ

SAM 74:7

Na Biakin tla chu an râwk le, an duah hep; nangmah an sawnhnâk mun tla chu an nawmh.

SAM 76:2

Jerusalem ah in a nei le, Zion Tlângah a um.

SAM 80:12

A kulhnâk dâi tla zei rangah na râwk? A kiang kaltu zawng nih grep chu an fîr kho awt.

SAM 89:40

A khuapi kulh chu na râwk le, a kulhpi chu râwk dep hen na siah.

ISAI 1:13

Thil ap nan hawng put mi chu a thawt ko asi. Rimthâw nan duah mi rim khawm ka fih asi. Nan Thlathar Kût, nan Dinhni leh nan phung pumh ni tla nan sualnâk nih a râwk hep mi lakah ka tel kho lo.

ISAI 1:8

Jerusalem chu mâk hen a um le, khuapi hual mi lakah grep dûm ah vêngtu umnâk basâ mawh chawngma phâisen ah mi basâ vêngtu nei lo hâwi asi.

ISAI 43:28

Nan lâirêltu tla nih ka mun thenhlimh an nawmh. Churuangah kei khawm nih Israel tlûnah siatnâk ka tlungtir le, zauhnawmh ding hen ka mi tla chu ka umtir na,” a ti.

ISAI 5:5

“Hi hâwi hen ka grep dûm hi ka ti nik kher lai; a kiangah mi dâi ka awnh ver lai le, a kulh vâm tla ka râwk hep lai le, ramsa tla ka eitir na lai le, ka chîltir dip na lai.

ISAI 5:6

A tlûnah belh bua tul hen ka chawrhtir lai. A ngê tla khawm ka tan lai lo le, tual khawm ka rît awtlo; chu hâwi ding ngâk hen belh leh ling hen ka tuamtir pang awt. Vândâwm khawm a tlûnah ruah sûrtir lo ding hen ka khap awt,” a ti.

ISAI 63:18

Kannih, na mi thenhlimh tla hi, kan mêlma tla nih zeimaw tiang chu hawng kan nar ving le; na mun thenhlimh tla an lamhbêk rawh.

ISAI 64:11

kan Biakin, mun thenhlimh leh dawh tak, hawng kan thlâktu tla nih a nan sawrnâk chu mei hen râwk dep asi rawh. Mun kan duh tatak mi tla chu â râwk dep.

JEREMIA 17:27

Sikhawmsele, ka thu an zûl hen Dinhni chu thenhlimh tak hen an ulh ding asi. Chu ni ah chun Jerusalem kulh kawtkâ ah zei thilrit khawm an lûtpi ding asi lo, an lûtpi chun Jerusalem kulh kawtkâ chu mei hen ka duah awt. Mei nih chun Jerusalem ah lal in tla a khangh lai le, âukhawm nih mih kho asi lai lo,” a ti.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 45:4

“Sikhawmsele, Kei, LALPA nih ka dîrh mi chu ka siat le, ka phun rawh mi chu ka phâwi. Hi hi tual pumpi lakah ka ti awt.

JEREMIA 50:28

(Babulon thawk hen a tek mi tla chu Jerusalem ah an hawng le, LALPA, kan Pathian nih Babulon mi tla nih a Biakin ah thil an ti mi ruangah lawhbâ a sam na mi thu an sim.)

LUNGFÂKNÂK 1:4

Tu chu ni thenhlimh tla khawm ah âukhawm Pathian sawnh ding hen an hawng lo rawh. Nungâk lasaktu tla khawm nih an tuar le, Bâwlpu tla khawm an rûm mi ko rawh. Khuapi kulh kawtkâ tla chu a karo hen a um le, Zion chu ngaihsiatnâk ah a um rawh.

LUNGFÂKNÂK 4:16

LALPA nih anmah a âwva na lo rawh le; amah ngelchel nih a rektir ver na. Kan bâwlpu tla leh hawng kan ruitu tla chu a sunhsak na lo rawh.

LUNGFÂKNÂK 4:20

LALPA nih a thîm mi lalchem hawng kan rûntu lakah humtu ah kan rinhsanh mi kan nungnâk bulpi chu an tleih rawh.

LUNGFÂKNÂK 5:12

Hawng kan ruitu tla chu an tleih na le, an thlâi na; kan tarpa tla nih khawm zah an tawng lo.

EZEKIEL 17:18

A thutiam leh siat tleih a buar rawh. Hi bang thil zawzawng hi a ti rawh le, tu chun a suak lai lo rawh,” a ti.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

ZEPHANIAH 3:18

Kût ni khua ah mi tla anna lâwm mi hâwi hen,” a ti. LALPA nih, “Vânduainâk ah nehsawh hen nan um mi leh mualpho hen nan um mi chu ka dawnghtir hen ka lâk ving rawh.

MALAKI 2:9

Churuangah ka duh dân nan zûl lo ruangah leh ka mi tla nan sîntir na liauah mikip bang khap hen nan titir na lo ruangah Israel mi tla nanmah zauhnawmhtu ah ka siam rûl na bâk awt,” a ti.