LUNGFÂKNÂK 2:4 - Bawm Common Language Bible Version

⁴ Mêlma hâwi hen a chanhtiang hen hawng kan zâwn le; Kanna lâwmnâk leh hawng kan lawmhtirtu tla chu a thah hep na. Jerusalem ah hin a thinthawknâk a kâng mi chu kan tuar rawh.

LUNGFÂKNÂK 2:4 ပူးပေါင်းရင်းမြစ်များ

2 CHRONICLES 34:21

“Kal ule, Israel ram leh Juda ram ah mi leh ka rangah LALPA sinah thu va deih u. Hi lasuibu lakah sîntirnâk tla hi hâwl u. Hawng kan thlâktu tla nih LALPA thu zûl lo hen, hi lasuibu nih a sim hâwi hen thil an ti lo ruangah kan lakah LALPA chu a thinrun asi,” a ti.

2 CHRONICLES 34:25

An hawng ka duh lo le, pathian dang tla sinah bâwlnâk ap hen thil an ti mi zawzawng nih ka thin an runhtir. Jerusalem tlûnah ka thinthawknâk chu a reh ding asi lo.

JOB LASUIBU 19:11

Pathian chu ka lakah a thinthawk; a mêlma a hua mi hâwi hen hawng ka ti.

JOB LASUIBU 6:4

Zeizawng tikho Pathian nih a thalzum hen hawng ka sunh le, chu tûr chu ka taksa pum hen a khat. Pathian nih ṭihnung a kâinâk chu a tlar hen a siah.

SAM 37:14

Mipâm leh ṭangpi herh thah ding hen misual tla nih an nâmsâu an phâwi le, an chanhtiang an kâu. Thil dik titu tla thah ding hen khawm.

SAM 7:13

Thih khonâk riamnâm chu a lâk le, a chanhtiang thal zum hen a zâwn.

ISAI 42:25

Churuangah a thinthawknâk theih ding hen hawng kan siam le, siatnâk râltuk hawng kan tuartir. Mei hâwi hen Israel pumpi chu a thinthawknâk nih hawng kan khangh le, sikhawmsele, zei a hawng tlung ti khawm kan theih lo nget rih; chu lakah zeikhawm kan rangah theihnâk kan nei lo.

ISAI 63:10

sikhawmsele a lakah an hel le, a ngaih an siatir. Churawhchun, LALPA chu an mêlma ah â chang le, a do na rawh.

ISAI 63:6

Ka thinthawknâk hen phun tla chu ka lamh na le, ka râwk na. An nungnâk thisen chu tual tlûnah ka thlêt,” a ti.

JEREMIA 10:20

Kan puanin tla chu â râwk rawh; a rêngnâk ri khawm a chat rawh. Kan fa tla khawm an kal hep rawh, kan puanin zâr nawlhtu ding pakhat khawm a um lo rawh; a puanzâr thlâitu ding pakhat khawm an um lo rawh,” an ti.

JEREMIA 21:5

Ka chaknâk zawzawng hen, ka thinthawknâk leh ka thinrunhnâk leh ka lungsilonâk hen ka nan do awt.

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 36:7

LALPA nih a thinthawknâk leh a hehhârnâk ṭihnungkâi tak hen a ṭhih na mi asi ruangah an thilsual ti lakah mi chu LALPA lei anna her hen thla an cham lai mawh,” a ti.

JEREMIA 4:4

Nannih Juda mi leh Jerusalem mi tla, ka sinah thudân nan tuk mi chu kil thlir ule, kei nan LALPA lakah hawng a pêk u. Chu hâwi nan ti lo chun thilsual nan ti mi ruangah ka thinthawknâk nih mei hâwi hen an khangh na lai. A kâng lai le, âukhawm mihtu a um lai loh,” a ti.

JEREMIA 42:18

“LALPA, Israel Pathian nih, ‘Aigupta ram ah nan kal mi asi chun, ka thinthawknâk Jerusalem mi tlûnah ka tawih mi hâwi hen nan tlûnah ka thinrunnâk ka tawih lai. Minung mit muhnâk ah ṭihnungkâi rê hen nan um lai le; mi nih an zauhnawmh na lai le, nan min ah siatbarh ti nan si lai. Hi mun hi nan muh nawlh lai lo rawh,’ ” a ti.

JEREMIA 7:20

Churuang tak chun, Kei, LALPA Zahkâi nih, hi Biakin ah hin ka thinthawknâk fâk tak ka tawih awt. Ran tla tlûnah leh minung tla tlûnah khawm, thing leh thlâi tla tlûn khawm ah ka tawih awt. Ka thinthawknâk chu âukhawm nih a mih kho lo mi mei hâwi asi lai.

LUNGFÂKNÂK 1:13

“Vân thawk hen mei a hawng thlâk mi nih ka sungah hawng ka duah. Ka rangah thang a tunh le, tual ah hawng ka siah. Churawhchun, nganfâknâk reh lo hen hawng ka kaltâk ving.

LUNGFÂKNÂK 2:5

Mêlma hâwi hen LALPA nih Israel chu a veih rawh; A kulh leh a lal in tla chu râwk dep hen a mâk. Juda mi tla tlûnah ngaihsiatnâk dawnglo a tlungtir.

LUNGFÂKNÂK 3:3

Vuakfung hen khuaruat lo thlo hen hawng ka vuak nûnah hawng ka vuak nawlh.

LUNGFÂKNÂK 4:1

Kan ngûn a tlêu mi tla khawm a nawh rawh; Biakin lung tla khawm zawllâi ah rek thu hen a um.

LUNGFÂKNÂK 4:11

LALPA nih a thinthawknâk zawzawng chu a thlah dul; Zion ah mei a tih le, chu nih chun a khangh hep.

EZEKIEL 13:13

Tuah hi hi LALPA Zahkâi nih a sim mi asi: “Ka thinthawk ruangah thli chawp tak, ruah tukpi leh rial tla kulh râwktu ding hen ka hawng fial awt.

EZEKIEL 20:34

Ka nan rekrâwitir na nâk ram kip thawk hen ka nan pumh na tikah ka thiltikhonâk leh ka thinthawknâk ka nan zauhtir na lai.

EZEKIEL 22:22

Tangkasa â êrnâk mei nih a zawrtir mi hâwi hen Jerusalem ah an zawr lai le, chu tikah LALPA thinthawknâk an tuar mi an theih lai rawh,” a ti.

EZEKIEL 24:25

LALPA nih, “Tuah, thikho mi minung, Biakin bir tak anna zûm phahnâk leh anna lâwmnâk, an zauh zûn mi leh pal ding an duh mi chu ka lâk piak ving na awt. An fanu leh an fapa tla khawm ka lâk piak ving na lai.

EZEKIEL 36:18

Ram lakah mi an thah na mi ruangah leh milem hen ram an nawmh mi ruangah ka thinthawknâk fâk tak ka tawngtir na.

EZEKIEL 5:13

“Ka dî a riam lânlo chu, ka thinthawknâk leh ka thinrunnâk na tuar lai. Hi bang zawzawng a hawng tlung tikah nangmah zumh na kâilonâk ruangah ka thinthawknâk ka suah mi thu kei, LALPA nih na sinah ka sim mi asi ti na theih lai.

EZEKIEL 6:12

Lât takah um mi tla khawm damlo hen an thi lai; lam nâi ah um mi tla khawm tuknâk lakah an thi lai; chu lakah a thibang tla khawm sungvâng hen an thi lai. Ka thinthawknâk fâk tak chu an theih hep lai.

EZEKIEL 7:14

Tâwtawrâwt a hawng âwn le, mikip tîm zet hen an um. Sikhawmsele âukhawm râltuk ding hen an kal lo, mikip tlûnah Pathian thinthawknâk bang khap hen a tlung awt ruangah.

LEVITICUS 26:17

Ka nan hawitâk na lai le, neh hen nan um lai le, a nan hua natu nih nan tlûnah lâi an rêl lai; nan ṭih tuktarâi na lai le, âukhawm ṭhâwl lo hen nan tek lai.

NAHUM 1:2

LALPA Pathian nih heltu a sâithiam lo le, Amah dotu tla chu a rêp na, a thinthawknâk hen lehrûl a sam na.

NAHUM 1:6

A thinthawk tikah âu me him kho lai? A thinrunhnâk ṭihnungkâi lakah âu a âwl kho lai? A thinthawknâk meialh chu a thlêt le, lungpi tla a mâika ah valeidip hâwi hen an nek dip.

DEUTERONOMY 32:22

Ka thinthawknâk chu mei hâwi hen a alh lai le, tual tlûnah thil zeizawng a kâng lai. Laikulh tanglei tiang a va tleng lai le, tlâng tonâk bul tla a râwk lai.

1 SAMUEL 28:16

Samuel nih, “LALPA nih a nan kaltâk le, a mêlma na si rawh mi chu zei rangah na ka kawh êu?