LUNGFÂKNÂK 2:22 - Bawm Common Language Bible Version

²² Ka kiangkam ah ka mêlma tla chu Ningṭihnâk nuamsabut tuah ding hen na sâwm na le, Na thinthawk ni ah chun âukhawm an âwl kho lo. Ka fa ka châwm le, ka dâwt na mi an thah na.

LUNGFÂKNÂK 2:22 ပူးပေါင်းရင်းမြစ်များ

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

SAM 31:13

Ka mêlma tla nih an ka chawngawih mi ka theih le, ka kiangkam zawng chu ṭihnung a kâi. An ka do le, thah ding an ka tum.

ISAI 28:19

Zîng siar hen a nan vuak lemang na lai. A sûn a zân hen nan tuar lai. Pathian thawk hen thuchah thar kip nih ṭihnungkâi thar a hawng tlungtir lai.

JEREMIA 11:11

Churuang chun, tuah, Kei, LALPA nih, an lakah siatnâk ka tlungtir awt mi ka simhkan na le, an âwl rîlmâl lai lo. Ka sinah ṭangpi hawng ngiar na khawmsele, ka ngâi piak na ding asi lo.

JEREMIA 14:19

LALPA, Juda chu na nawng thlo rawh mu? Zion mi tla chu na hua na mu? Zei rangah dam kho lo thlo ding hen nganfâk hi tluk na kan pêk? Thlangamnâk kan hâwl le, sikhawmsele thil ṭha zeikhawm a hawng tlung lo; dam ding kan lungum mi lakah ningṭihnâk lam a hawng um.

JEREMIA 20:3

A thâituan ah rêng an hawng ka khimh mi hawng ka suah rawh chun a sinah, “LALPA nih na min ah Pasur a nan ti lai lo rawh. Min a nan pêk mi chu “Magor-Misaib” (Munkip Ṭihnungkâi) a nan ti lai rawh.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 44:7

“Churuang chun, Kei, LALPA Zeizawng tikho, Israel Pathian nih, zei rangah chubang thilsual chu nan ti ti hen tuah ka nan deih na. Mipa tla leh nunau tla, ngâksia leh fasêm tla, nan mi tla pakhat khawm âk lo ding hen an tlûnah siatnâk tlungtir nan duh mu?

JEREMIA 46:5

Sikhawmsele LALPA nih, “Zei ka muh ne?” a ti. Ningṭih hen dunglei ah anna her rawh. An kawrsen tla kîrtir hen an um le; lâunâk hen neh hen an um, an chelh rî hen an tek, dunglei rêng an hawng a her lo.

JEREMIA 6:25

Kan kiangkam ah kan mêlma tla râlthuam leh ṭih ruangah ram ah kan suak hen leh lampi khawm ah kan kal ngam lo,” an ti.

DEUTERONOMY 28:18

“LALPA nih siat a nan barh na lai le, fa tâwmtê, fâng tla tâwmtê, ranrual leh dawrâ tla tâwmtê cho an pêk na lai.