LUNGFÂKNÂK 2:21 - Bawm Common Language Bible Version

²¹ Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

LUNGFÂKNÂK 2:21 ပူးပေါင်းရင်းမြစ်များ

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

ESTHER 3:13

Lasui ṭhentu tla nih ram pumpi sungah ram ṭhen tla kip ah an kalpi. Chu thusuah lakah mi thu chu Adar thla ni leithum ni khat lakah Juda mi zawzawng upa ngâksia, nunau leh an fa tla thah hep na ding asi. Khuaruatnâk nei lo hen thah na hen an thilneih zawzawng khawm lâk hep ding asi.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

JEREMIA 11:22

Churuangah, LALPA Zeizawng tikho nih, “Ka rêp na lai! An tlangvâl tla chu râltuknâk ah an thi lai le, an fa tla chu buh ngei hen an thi lai.

JEREMIA 13:14

Churawhchun, uain dûr hâwi hen anmah tla a upa a ngâksia mi bang cho hen kuai dip hen anmah leh anmah ka khâwng na lai. Ka thah na ding mi chu pawi tinâk, lungkhamnâk leh khuaruatnâk nih a hawng ka kham lai lo,” a ti.

JEREMIA 18:21

Sikhawmsele, tu lam chu LALPA, an fa tla chu sungvâng hen thitir na le; annih tla lam chu râltuknâk ah thah na. Nunau tla chu an pasal leh an fa tla nih tlâu tâk na seh; mipa tla chu râi lakah thi tir na le, tlangvâl tla chu râltuknâk ah thah hen um na seh.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 4:31

Nunau nganfâk a ṭap mi hâwi leh nunau nih a fa tîr ring liauah a râk mi hâwi hen ṭap hâu ka theih. Jerusalem chu a thawsuah kho lo rê hen a râk le, a kut zo bû hen, “Ka vânduai a! Keimah thah ding hen an hawng ko rawh,” a ti.

JEREMIA 51:22

mipa leh nunau tla thah na ding hen, tar leh ngâksia tla thah na ding hen, mipa ngâksia leh nunau ngâksia thah na ding hen,

JEREMIA 6:11

An tlûnah na thinthawknâk nih kei lung khawm a fâktir bâk, LALPA, ka tuar kho lo rawh,” ka ti. Churawhchun, LALPA nih ka sinah, “Ka thinthawknâk chu khua dungah ngâksia tla tlûnah leh tlangvâl anna pûm mi tla tlûnah thlêt. Pasal leh nupi tla chu lâk ving hen an um lai le, a tar khen mi khawm zuah an si lai lo.

JEREMIA 9:20

Kei nih, “Nannih nunau tla, LALPA thu ngâi ule, a thusim leikângah nan nâ thlir u. Ulh ding dân nan fanu tla sîntir na ule, nan hâwi le tla mithi vûinâk la sak ding hen sîntir na u.

JEREMIA 9:21

Thihnâk chu kan langawtkawt ah a hawng lût le, kan lal in tla ah a va lût; khuadung ah ngâksia tla a thah na le, sumtuahnâk mun ah mi tlangvâl tla a thah na.

LUNGFÂKNÂK 1:15

“LALPA nih ka kawrsen chak chem tla chu a nihsanh na le; Ka tlangvâl tla veih ding hen kawrsen tla a hawng fial na. Grep sûrnâk ah sûr mi hâwi hen ka mi tla chu a veih na.

LUNGFÂKNÂK 1:18

“A thu ka ngâilo menza khawmsele LALPA chu a dik asi. Mun kip ah mi tla, ngâi ule; ka nganfâk tuar hi hawng ka zauh u. Ka tlangvâl leh nunau tla khawm sal ah an put hep na.

LUNGFÂKNÂK 1:4

Tu chu ni thenhlimh tla khawm ah âukhawm Pathian sawnh ding hen an hawng lo rawh. Nungâk lasaktu tla khawm nih an tuar le, Bâwlpu tla khawm an rûm mi ko rawh. Khuapi kulh kawtkâ tla chu a karo hen a um le, Zion chu ngaihsiatnâk ah a um rawh.

LUNGFÂKNÂK 2:17

LALPA nih ti ding hen a ṭhih na mi chu A dawnghnâk ah a ti taktê rawh. A lân thawk a hawng kan simhkan rawh hâwi hen Khuaruat lo hen hawng kan veih dep rawh. Niamh hen kan um mi lakah, kan mêlma tla chu Nehtu si hen a lawmhtir na rawh.

LUNGFÂKNÂK 2:2

LALPA nih khuaruatnâk nei lo thlo hen Juda ram khua kip chu a râwk le, An vêng mi ram lakah kulh tla chu siat hen a um. Lalram tlûnah leh a lâirêltu tlûnah mualphonâk a tlungtir.

LUNGFÂKNÂK 3:43

“Na kan ṭhâwl le na kan thah rawh; na thinthawknâk nih na khuaruatnâk a thuh ving.

EZEKIEL 24:21

Biakin nanna rinhsanh. Va zauh ding leh va pal ding khawm nan duh thlo le, sikhawmsele LALPA nih a nawmh awt. Chun nan in sungkhur ah a ngâksia dauh mi tla Jerusalem ah um rih mi tla chu râltuknâk ah thah hen an um lai.

EZEKIEL 5:11

“Ka Biakin chu thilsual zawzawng ti hen na nawmh le, thil fihnungkâi na ti ruangah khuaruatnâk tello thlo hen ka nan hâu lai ti hi Pathian nung, Kei LALPA Zahkâi thusim asi.

EZEKIEL 7:4

Na lakah khuaruatnâk nei hen ka nan zauh awtlo. Thil fihnungkâi na ti ruangah ka nan rêp awt, kei LALPA kasi ti na theih lai,” a ti.

EZEKIEL 7:9

Na lakah khuaruatnâk nei hen ka nan zuah awtlo. Thil fihnungkâi na ti mi ruangah ka nan rêp awt, a nan rêptu chu kei, LALPA kasi ti na theih lai rawh,” a ti.

EZEKIEL 8:18

Ka thinthawknâk fâk tak an tawng teh lai. Ka zuah na hen an lakah khua ka ruat ding asi lo. An hâu a fâk kho rirî hen ka sinah thla an cham lai le, sikhawmsele ka ngâi piak na ding asi lo,” a ti.

EZEKIEL 9:10

Sikhawmsele, anmah ka lungkham na awtlo rawh; midang lakah an ti hâwi hen an lakah ka ti awt,” a ti.

AMOS 4:10

“Aigupta ram ah a tlung mi hâwitê hen nan lakah râi ka hawng tlungtir. Nan tlangvâl tla râltuknâk ah ka thah na le, nan rang tla kan lâk piak ver na. Nan um mun ah ruak thû rim hen nan nârkua tla ka khattir. Chu khawm ah ka sinah nan hawng kîr lo nget rih.

AMOS 8:13

Chu ni ah chun nungâk leh tlangvâl ṭhisel tak men tîhâl ruangah an tlû lai.

ZEKARIA 11:6

(LALPA nih, “Tual tlûnah mi âukhawm ka lungkham na awtlo rawh, keimah tak nih an lâirêltu thu thu hen um na ding hen ka siah na awt. Chubang lâirêltu tla nih tual an râwk lai le, an thiltikhonâk lakah mi ka hum awtlo,” a ti.)

DEUTERONOMY 28:50

Upa, ngâksia âu lak khawm ah khuaruatnâk leh siherhnâk nei lo mi an si lai.

DEUTERONOMY 32:25

Râltuk ruangah zâwllâi ah thihnâk a tlung lai le; In ah ningṭihnâk a tlung lai. Tlangvâl leh nungâk tla an thi lai le, tarpa leh nausêm tla khawm zuah an si lai lo.

JOSUA 6:21

Nâmsâu hen khua lakah mi chu mikip mipa, nunau, ngâksia leh upa an thah na. Ranrual tla, dawrâ tla, sanatung tla khawm an thah na.

1 SAMUEL 15:3

Kal le, Amalek mi tla chu do na le, an neih zawzawng râwk piak phin na. Zei thil khawm zuah lah le, mipa tla, nunau tla, ngâksia tla, fasêm tla, ranrual tla, sangâwngsâu tla, sanatung tla an ektê hen thah hep na,” a ti.