LUNGFÂKNÂK 2:20 - Bawm Common Language Bible Version

²⁰ Aw! LALPA, zauhnik! Na tuartir na mi tla chu zauhnik! Nunau tla nih an dâwt mi an fa sa an ei! Bâwlpu leh khuavâng tla chu Biakin sung ah thah hen an um!

LUNGFÂKNÂK 2:20 ပူးပေါင်းရင်းမြစ်များ

2 CHRONICLES 36:17

Churawhchun, Babulon lal chu anmah a dotir na. An tlangvâl tla chu Biakin ah mi tiang a thah na. Âu lak khawm ah upa leh ngâksia, nunau, mipa, a dam leh damlo mi tlûnah khuaruatnâk a nei lo. Pathian nih a kut lakah a pêk hep na.

SAM 78:64

An bâwlpu tla chu donâk ah an thi le, numei tla chu lungfâk ding hen an siang na lo.

EXODUS 32:11

Sikhawmsele, Mosi nih LALPA a Pathian chu a ngiar le, a sinah, “LALPA, zei rangah na thiltikhonâk rokual tak hen Aigupta ram ah mi ruang na suah na mi tlûnah ti ti na thin a run?

ISAI 22:2

Khuapi sung mi minung tla zawzawng nih an hâu an suah le, lâwmnâk rihâu hen a khat. Na minung hi tuknâk ah thi mi tla chu râltuknâk ah an thi mi asi lo.

JEREMIA 19:9

Mêlma nih khuapi chu an kulh lai le, a mi tla thah ding an tum lai. Chu khua an hual mi chu ṭihnung a kâi tukah khuapi sungah mi tla chu anmah leh anmah anna ei lai le, an fa tla tiang an ei lai,” a ti.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LUNGFÂKNÂK 1:19

“Keimah lei ṭângṭawmtu tla ka kawh le, Sikhawmsele ṭangpi ding an ka duh lo. Bâwlpu tla leh ruitu tla chu khuapi zâwllâi ah an thi le, Chu tla chu nung ding hen buh hâwltu tla an si.

LUNGFÂKNÂK 4:10

Ka mi tla lakah siatnâk a hawng tlung mi nih lâunâk a tlungtir; dâwttu nu tla nih an fa tla chu ei ding ah an suang na.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

LUNGFÂKNÂK 4:16

LALPA nih anmah a âwva na lo rawh le; amah ngelchel nih a rektir ver na. Kan bâwlpu tla leh hawng kan ruitu tla chu a sunhsak na lo rawh.

EZEKIEL 5:10

A hawng um ding mi chu, Jerusalem ah an nu leh pa nih an fa tla an ei lai le, fa tla nih an nu leh an pa an ei lai. A dam lem mi tla chu mun kip ah ka rek na lai le, ka rêp na lai.

EZEKIEL 9:7

Pathian nih an sinah, “Biakin nawmh u. A kulh tla ruak hen khattir u. Ṭuan ding a dawmh u rawh!” a ti. Churawhchun, khuapi a mi minung tla thah anna dawmh rawh.

LEVITICUS 26:29

Nan sungvangh chu a fâk tuktarâi lai le, nan fa tla sa tiang nan ei lai.

DEUTERONOMY 9:26

Churawhchun, ‘LALPA sinah thla ka cham le, LALPA zahkai, na mi tla, na thiltikhonâk leh chaknâk hen Aigupta ram ah mi na suakpi na mi chu veih lah na.