LUNGFÂKNÂK 2:2 - Bawm Common Language Bible Version

² LALPA nih khuaruatnâk nei lo thlo hen Juda ram khua kip chu a râwk le, An vêng mi ram lakah kulh tla chu siat hen a um. Lalram tlûnah leh a lâirêltu tlûnah mualphonâk a tlungtir.

LUNGFÂKNÂK 2:2 ပူးပေါင်းရင်းမြစ်များ

JOB LASUIBU 2:3

LALPA nih Setan sinah,“Ka to-aw Job khi na muh ma?” “Amah hâwi hen mi ṭha leh zumhkâi tual tlûnah âukhawm an umlo, keimah hawng ka sawnh le, thilsual ti leikângah â thiamthih thlo. A san umlo thlo hen amah nganfâk na pêk ding hen hawng ka deih khawmsele, Job zumh a kâinâk chu a mahmun nget asi,” a ti.

SAM 21:9

A hawng lang tikah meialh fâk tak hâwi hen a veih na lai, LALPA nih a thinthawknâk hen a râwk na lai le, mei hen a veih na lai.

SAM 74:7

Na Biakin tla chu an râwk le, an duah hep; nangmah an sawnhnâk mun tla chu an nawmh.

ISAI 22:5

Tu hi ningṭih tik, neh tik leh tivakuam ah langhnâk lakah nawknâk LALPA Zeizawng tikho nih kan lakah a hawng fial mi tik chu asi. Kan khuapi kulh tla chu chim rel hen an dêng le, ṭangpi duh hen âu hâu nih tlâng tla a râwng.

ISAI 23:9

LALPA Zeizawng tikho nih a ruat mi asi. An thilti lakah anna zûm mi dawnghtir ding leh an mi zahkâi tla nâutir a tum mi asi.

ISAI 25:12

Moab kulh tla leh a kulh vâm, sâng tak tla chu a râwk lai le, nek dip hen a tlûtir lai.

ISAI 26:5

 zûm mi minung tla chu a nâutir na le; an umnâk khuapi bir tla chu a râwk piak hen a kulh tla a chimtir le, valeidip ah a mântir.

ISAI 27:11

Thing ṭeng tla chu a uai hen a kiak le, nunau tla nih tih ding ah an khawmh. Mi le tla nih theihthiamnâk zeikhawm an nei lo ruangah, Pathian an siamtu nih an lakah siherhnâk leh khuaruatnâk zeikhawm a langh lo.

ISAI 43:28

Nan lâirêltu tla nih ka mun thenhlimh an nawmh. Churuangah kei khawm nih Israel tlûnah siatnâk ka tlungtir le, zauhnawmh ding hen ka mi tla chu ka umtir na,” a ti.

ISAI 47:6

Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

JEREMIA 13:14

Churawhchun, uain dûr hâwi hen anmah tla a upa a ngâksia mi bang cho hen kuai dip hen anmah leh anmah ka khâwng na lai. Ka thah na ding mi chu pawi tinâk, lungkhamnâk leh khuaruatnâk nih a hawng ka kham lai lo,” a ti.

JEREMIA 19:15

LALPA Zeizawng tikho, Israel Pathian nih hawng ka simh mi thu zapi minung zawzawng ka simh na, “Ka thusim ngâi duh lo hen nan lung a khung ruangah, hi khuapi leh a kiangkam mi khua tênâu lakah rêpnâk zawzawng ka tlungtir lai ka ti mi chu ka hawng tlungtir awt, a ti,” ti hen.

JEREMIA 21:7

Sikhawmsele, nang leh na rianṭuantu tla leh tuknâk lakah thibang tla leh pâmnâk leh râi lakah thibang tla chu lal Nebukadnezar leh nangmah thah duhtu na mêlma tla kan tleihtir hep na lai. Nebukadnezar nih a nan thah lai. Anih nih chun âukhawm an zuah na lai lo, âu tlûn khawm ah khua a ruat hen pawi a ti ding asi lo. Kei, LALPA nih ka sim asi,” ti hen.

JEREMIA 5:10

Ka mi tla grep hâu piak na ding hen mêlma tla ka fial lai le, sikhawmsele veih lam chu ka veih dep na lai lo. Chubang ṭeng tla chu ka tâ an si lo ruangah thlangh ver na ding hen ka simh na lai.

LUNGFÂKNÂK 2:17

LALPA nih ti ding hen a ṭhih na mi chu A dawnghnâk ah a ti taktê rawh. A lân thawk a hawng kan simhkan rawh hâwi hen Khuaruat lo hen hawng kan veih dep rawh. Niamh hen kan um mi lakah, kan mêlma tla chu Nehtu si hen a lawmhtir na rawh.

LUNGFÂKNÂK 2:21

Upa, ngâksia bang cho hen khua lâi ah an thi le; Mêlma riamnâm hen tlangvâl leh nunau tla chu thah hen an um. Na thinthawk ni ah khuaruatnâk umlo thlo hen na thah na.

LUNGFÂKNÂK 2:5

Mêlma hâwi hen LALPA nih Israel chu a veih rawh; A kulh leh a lal in tla chu râwk dep hen a mâk. Juda mi tla tlûnah ngaihsiatnâk dawnglo a tlungtir.

LUNGFÂKNÂK 3:43

“Na kan ṭhâwl le na kan thah rawh; na thinthawknâk nih na khuaruatnâk a thuh ving.

EZEKIEL 5:11

“Ka Biakin chu thilsual zawzawng ti hen na nawmh le, thil fihnungkâi na ti ruangah khuaruatnâk tello thlo hen ka nan hâu lai ti hi Pathian nung, Kei LALPA Zahkâi thusim asi.

EZEKIEL 7:4

Na lakah khuaruatnâk nei hen ka nan zauh awtlo. Thil fihnungkâi na ti ruangah ka nan rêp awt, kei LALPA kasi ti na theih lai,” a ti.

EZEKIEL 7:9

Na lakah khuaruatnâk nei hen ka nan zuah awtlo. Thil fihnungkâi na ti mi ruangah ka nan rêp awt, a nan rêptu chu kei, LALPA kasi ti na theih lai rawh,” a ti.

EZEKIEL 8:18

Ka thinthawknâk fâk tak an tawng teh lai. Ka zuah na hen an lakah khua ka ruat ding asi lo. An hâu a fâk kho rirî hen ka sinah thla an cham lai le, sikhawmsele ka ngâi piak na ding asi lo,” a ti.

EZEKIEL 9:10

Sikhawmsele, anmah ka lungkham na awtlo rawh; midang lakah an ti hâwi hen an lakah ka ti awt,” a ti.

MIKAH 5:14

Na ram ah mi pathiannu Aserah chu ka thlûk lai le, na khuapi tla chu ka râwk lai.

MALAKI 1:4

Esau thlâk tla, Edom mi tla nih chun, “Kan khuapi tla chu râwk hen um khawmsele, kan dirh nawlh lai le, LALPA nih a hawng kan sâng nawlh lai,” an ti le, sikhawmsele LALPA nih, ‘Sak nawlh na ko seh, ka siat nawlh awt nget,’ a ti. Mi nih ‘Sualnâk ram leh LALPA thinrun kumzanâk phun,’ an ti lai.

MATHAI 18:33

ka nan zângfah hâwi khan nang khawm nih na to-aw hâwi chu na zângfah ding si lo mazei?’ a ti.

2 KORIN 10:4

kannih râlthuamnâk tla chu taksa mi asi lo le, kulhpi bir tak tla siatnâk ding hen Pathian zârah thiltikho tak asi dauh,

DEUTERONOMY 28:52

LALPA nan Pathian nih a nan pêk na mi ram lakah khua kip an do lai le, nan zumh chem mi khua kulh sâng tak tla a chim lai.

DEUTERONOMY 32:22

Ka thinthawknâk chu mei hâwi hen a alh lai le, tual tlûnah thil zeizawng a kâng lai. Laikulh tanglei tiang a va tleng lai le, tlâng tonâk bul tla a râwk lai.