LUNGFÂKNÂK 2:14 - Bawm Common Language Bible Version

¹⁴ Na khuavâng tla khawm nih âwkrâwl thu cho lo chu zeikhawm sim ding an nei lo; Na sualnâk langh lo hen an thusim nih a nan perpet. Rim ding a herh lo ti ruatnâk a nan neihtir na.

LUNGFÂKNÂK 2:14 ပူးပေါင်းရင်းမြစ်များ

ISAI 58:1

LALPA nih, “A fâk kho rirî hen âu le, ka mi Israel tla an sual thu simh na.

JEREMIA 2:8

Bâwlpu tla khawm nih ‘LALPA zeiah a um? ti hen an lam lêm lo. Ka bâwlpu tla khawm nih an hawng ka theih lo. Lâirêltu tla chu ka lakah an hel le; khuavâng tla khawm nih Baal min hen thu an sim le, milem zeikhawm silo mi an sawnh.

JEREMIA 20:6

Pasur, nang khawm na dâwngsung hen an tleih na lai le, Babulon ah an kalpi na lai. Chunah chun na thi lai le, na hâwi tla âwkrâwl tam tak na simh mi tla hen an vûi na lai,’ ” a ti.

JEREMIA 23:22

Ka dawn mi thil thup theih na mi sele chu ka thuchah zapi sinah an phuang lai le, an thilsual ti tla lêt hen an umdân diklo tla an bângtâk lai.

JEREMIA 23:36

Churuangah ‘LALPA thilrit’ ti thu an mang ding asi lo rawh, a san chu âuzawng nih a ti mi asi chun ka thuchah chu a sinah thilrit takah ka siam lai. Mi nih an Pathian, Pathian nung, LALPA Zeizawng tikho thu chu an râwk.

JEREMIA 28:15

Churawhchun, Hananiah chu hi hi ka simh le, “Hananiah, ngâinik! LALPA nih a nan fial mi asi lo, hi zapi minung rangah âwkrâwl thu na lungtir na mi asi.

JEREMIA 29:21

“LALPA Zeizawng tikho, Israel Pathian nih Kolaiah fapa Ahab leh Maaseiah fapa Zedekiah a min hen âwkrâwl thu an simh natu thâwngthâng a sim. Anih nih chun Babulon lalchem Nebukadnezar thiltikho tak, nan mitmuh ah thah natu ding mi kutah a pêk na ding mi thu a sim.

JEREMIA 37:19

Nangmah mawh ram mawh Babulon lalchem nih a nan do lai loh ti hen an simhtu na khuavâng tla tlûnah zei a hawng tlung rawh ne?

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

EZEKIEL 13:22

“Nan âwkrâwl thusim hen mi ṭha nganfâk pêk ding ka duh na lo mi tla, nan zerhtir ver na. Misual tla chu thilsual ti bâng ding mi leh an nungnâk hum hen um ding mi nan kham na.

EZEKIEL 22:25

Ruitu tla chu chakeibaknei nih ramsa an seh le, an rûm mi hâwi an si. Mi tla an thah na le, an tangka leh an thil-le-rî an tawng mi tla chu an lâk piak hep na le, an mi thah ruangah numei tam tak an um.

EZEKIEL 22:28

Khuavâng tla khawm nih, mi nih hawl hen kulh an nalh mi hâwi hen chubang sualnâk chu lang lo ding hen an pheh. Muhnâk diklo tla an muh le, simkannâk diklo tla an sim. LALPA Zahkâi thu simtu ah anna ruat le, sikhawmsele kei LALPA nih annih tla chu ka sawnh na lo.

EZEKIEL 23:36

LALPA nih ka sinah, “Thikho mi minung, Oholah leh Oholibah lâirêl piak ding hen na râlring rawh ma? Thil fihnungkâi an ti ruangah phiar na.

HOSEA 9:7

Rêpnâk ding ni chu a hawng tlung rawh. Mi nih an tawng ding mi an sual man chu an tawng rawh chu chu a tlung tikah Israel nih a theih lai. Hi “Khuavâng hi a â mi asi, hi thu theihtu minung hi a â mi asi,” nan ti. Nannih tla nih chun nan sual a fâk tuktarâi ruangah thungâi nan hawng ka hua.

MIKAH 2:11

Hi bang minung tla nih hin, âwkrâwl thu karo sim hen perpettu khuavâng, “Uain hâng nan rangah a luang ding mi thu ka sim,” ti hen thusimtu tla chu nan duh.

MIKAH 3:8

Sikhawmsele kei lam chu a thlarau leh a thiltikhonâk hen hawng ka khattir lai le, thildik theihnâk leh râlṭhatnâk, a mi Israel tla an sualnâk theihtir na ding hen hawng ka pêk.

ZEPHANIAH 3:4

Khuavâng tla nih zeikhawm pawisak an nei lo hen zumhkâilo hen an um le, bâwlpu tla nih thil thenhlimh an nawmh. Pathian dân chu anmah lâwknâk ah an mang.