LUNGFÂKNÂK 2:12 - Bawm Common Language Bible Version

¹² An nu tla sinah, ‘Ka sung a vâng, ka tî a hâl,’ ti hen an ṭap; Liamh mi hâwi hen zâwllâi ah an tlû. Dusah hen an nu pawm bû hen an thi.

LUNGFÂKNÂK 2:12 ပူးပေါင်းရင်းမြစ်များ

JOB LASUIBU 30:16

Tu lam chun ka thi awt rawh. Ka nganfâk rehnâk ding rêng a um lo.

SAM 42:4

A lânah mi zapi tla hen Pathian in leiah kan kal liau tla, zapi lâwptlo tla la sak leh Pathian sawr hen an âu mi tla ka theih zâwn chun ka thinlung a fâk tâwn.

SAM 62:8

Ka mi le tla, zeiliau zawng ah Pathian chu rinhsanh u. Kan himnâk asi ruangah nan lawksawngnâk zawzawng amah simh u.

ISAI 51:20

Khuadung a ken a pak ah na mi tla chu an uai tuk le an tlû; Sazuk a râltu lên nih a awh mi hâwi an si. Pathian thinrunhnâk an tuar.

ISAI 53:12

Churuangah zahkâinâk leh rokualnâk leh mi thiltikho tak sinâk ka pêk lai. Misual tla thi ding rûlah thi hen siang tak hen a nungnâk a pêk. Misual tla mun a luah le, ngaihdam an si khonâk ding hen thla a cham piak na,” a ti.

JEREMIA 5:17

Na buh leh na fâng tla an ei hep lai le; na fapa leh fanu tla an thah na lai. Na ranrual leh na ran tla an thah lai le, na grep zûn leh theipi tla an râwk lai. An kawrsen tla nih na sirhsanh mi kulhnei khuapi tla an râwk lai.

LUNGFÂKNÂK 1:11

A mi tla chu ei ding hâwl hen an rûm; Nung ding duh hen an thilneih hen buh an thleng. “LALPA, hawng ka zauhnik, ka hamh mi hi hawng ka muh rawh,” ti hen khuapi chu a ṭap.

LUNGFÂKNÂK 4:4

An fa le tla chu sungvâng leh tîhâl hen an thihtir na le; ngâksia tla nih buh an deih mi chu âukhawm nih an pêk na lai lo.

EZEKIEL 30:24

Churawhchun, Babulon lalchem kut tla chu ka chaktir lai le, a kut ah ka nâmsâu ka puttir awt. Sikhawmsele Aigupta lalchem bân chu ka khiak lai le, a mêlma tla mâika ah rûm hen a thi lai.