LUNGFÂKNÂK 2:11 - Bawm Common Language Bible Version

¹¹ Ka ṭapnâk ah ka mit khawm a dî le, Ka thinlung khawm a nawk, Ka mi tla siat leh râwknâk ruangah ngaihsia hen ka dî, Ngâksia leh fasêm tla chu khuapi zâwllâi ah an uai tep.

LUNGFÂKNÂK 2:11 ပူးပေါင်းရင်းမြစ်များ

JOB LASUIBU 16:13

A ker kip thawk hen chanhtiang fung zum hen hawng ka kah. Chu thalzum hen liam hen ka um le; chu khawm ah pawi tinâk a nei lo.

JOB LASUIBU 30:27

Dîtnâk leh nganfâk nih a ka thlêk dip; a ni ni hen ka tuar mi a zual dadauh.

SAM 119:82

“Zeitikah na ka ṭangpi awt?” ti hen ka nan deih liauah, na thutiam ngâk hen ka mit tla a dî.

SAM 22:14

Tual ah tî a tlê mi hâwi hen ka tha â zûk ver. Ka liahchân zawzawng khawm a pelh hep; ka thinlung chu khuailul hâwi hen a zawr.

SAM 31:9

LALPA, lawksawngnâk ah ka um ruangah ka lakah khuaruat le, ka ṭap tam ruangah ka mit tla a zê le, ka kâ a tlêk.

SAM 38:8

Ka dî hen ka râwk dep; ka thinlung a nawk le, nganfâk tuar hen ka rûm.

SAM 6:7

Ka mêlma ruangah ka ṭapnâk nih ka mit tla a hivâitir le; zângrah ka muh kho.

SAM 69:3

Ṭangpi deih hen âunâk ah ka dî thlo, ka rawm tla a fâk ver. Nangmah ṭangpi ding hâwl hen ka mit tla a hivâi ver.

ISAI 22:4

Ka mi le thi mi zawzawng tla ngaihsia tak hen ṭappi na ding hen tuah keimah lâwng hen hawngka kaltâk ko. Thla hawng ka ngamh ding a tum lah.

ISAI 38:14

Ka hâu khawm a dal hen a chak lo. Vaṭhu hâwi hen ka râm. Ka mit hen vânlei zauh ding khawm ka iam lo rawh. LALPA, hi lawksawngnâk lakah mi hi ruang hawng ka suah rawh.

ISAI 51:20

Khuadung a ken a pak ah na mi tla chu an uai tuk le an tlû; Sazuk a râltu lên nih a awh mi hâwi an si. Pathian thinrunhnâk an tuar.

JEREMIA 14:17

LALPA nih chun, ka lawksawng thu tla zapi sinah va sim ding hen thu hawng ka pêk le: “Ka mit ah mi mitthli chu a sûn a zân hen luang seh, ka mi tla chu anna liam zia a fâk ruangah leh fâk tak hen nganfâk pêk an si ruangah ka ṭap bâng lah seh.

JEREMIA 4:19

A fâk a! A fâk ka tuar kho lo. Ka lung a fâk a! Ka thinlung a fâk chiam e! Tâwtawrâwt hâu leh râltuk hâu ka theih le, ka dâisip kho lo.

JEREMIA 44:7

“Churuang chun, Kei, LALPA Zeizawng tikho, Israel Pathian nih, zei rangah chubang thilsual chu nan ti ti hen tuah ka nan deih na. Mipa tla leh nunau tla, ngâksia leh fasêm tla, nan mi tla pakhat khawm âk lo ding hen an tlûnah siatnâk tlungtir nan duh mu?

JEREMIA 8:19

Ngâinik u! Ram pumpi ah ka mi tla ṭap hâu ka theih, “Zion ah LALPA a um lo rawh na maw? Chunah chun Zion lalchem a um lo rawh na maw?” ti hen, LALPA, an lalchem nih a sâng le, “Zei rangah nan milem tla sawnh hen leh nan ramdang pathian tla zeikhawm silo mi sinah kûn hen ka thin nan ka thawktir?” a ti.

LUNGFÂKNÂK 1:11

A mi tla chu ei ding hâwl hen an rûm; Nung ding duh hen an thilneih hen buh an thleng. “LALPA, hawng ka zauhnik, ka hamh mi hi hawng ka muh rawh,” ti hen khuapi chu a ṭap.

LUNGFÂKNÂK 1:16

“Churuangah asi ka mit ah mitthli tla a luang mi chu. Âukhawm nih thla an hawng ka ngamh hen lungiam an ka sak kho lo. Mêlma nih hawng ka neh le; ka mi tla nih zeikhawm an mâk lo.

LUNGFÂKNÂK 1:20

“LALPA, ka lawksawngnâk leh ka thinlung fâk zia tla hi zauh! Ka sual ruangah ka thinlung a fâk rawh. Khua lâi tlângah thahnâk a um le; in sungah khawm thihnâk a um.

LUNGFÂKNÂK 5:17

Kan thinlung a ngawr le, kan mitthli tlâk ruangah fiang hen kan muh kho lo,

LUK 23:29

Ngâinik u, a ni a tlung awt! Chubang ni ah chun, ‘Nunau ching tla, nâu pâwi dahlonâk pâw tla, nâu din dahlo mi nûk tla chu an thaw a suak lai’ an ti lai.

1 SAMUEL 30:4

David leh a mi tla chu bâng lo hen uai tep rê hen an ṭap.