LUNGFÂKNÂK 2:10 - Bawm Common Language Bible Version

¹⁰ Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

LUNGFÂKNÂK 2:10 ပူးပေါင်းရင်းမြစ်များ

2 SAMUEL 13:19

Tamar nih vachâm a lû ah a phulh le, a kawrdawh a thlêk le, a kut hen a mêl a huh le, ṭap bû hen a kal vima rawh.

ISAI 15:3

Tual lâi ah zapi tla nih salâpuan anna aih le; khuapi kulh leh in tlûnah mi zapi tla chu an lungfâk le an ṭap.

ISAI 3:24

Rimthâw mang ding ngâk hen an rim lam a sia lai; tâisâwm ṭha sâwm ding ngâk hen rirual hen tâi anna sâwm lai; sam dawh nei ngâk hen an lû lam a kâwng lai; puan ṭha aih ngâk hen salâpuan anna aih lai. Anna dawhnâk chu ningzakkâi hen a hawng um lai.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 36:22

Churawhchun, Eliakim, Sebna, leh Joah nih an ngaihsia tukah an nipuan tla an thlêk le, an kal le, Asiria milian nih thu a sim mi chu lalchem sinah an va sim rawh.

ISAI 47:1

LALPA nih, “Babulon, na laltophah ah mi chu ṭum le, tual tlûnah valeidip lakah to rawh. Veikhat chu nungâk thenhlimh hâwi hen neh kho lo mi khuapi na si le, sikhawmsele na nêm hen na no kumza lai lo rawh! Tu chun sal na si rawh.

ISAI 47:5

LALPA nih Babulon sinah, “Mun king leh a mûinâk ah va to le; phun tla lalnu an ti lai lo rawh!

JEREMIA 8:14

Pathian mi tla nih, “Zei rangah kan to nget ko rih? Hawng u, kulhnei khuapi ah kan tek lai le, chunah kan thi ko lai. LALPA kan Pathian nih thi ding hen hawng kan mawhtir le; din ding hen tûr hawng kan pêk, a lakah kan sual ruangah.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

LUNGFÂKNÂK 1:4

Tu chu ni thenhlimh tla khawm ah âukhawm Pathian sawnh ding hen an hawng lo rawh. Nungâk lasaktu tla khawm nih an tuar le, Bâwlpu tla khawm an rûm mi ko rawh. Khuapi kulh kawtkâ tla chu a karo hen a um le, Zion chu ngaihsiatnâk ah a um rawh.

LUNGFÂKNÂK 3:28

Kan tuar liau khawm ah mah lâwng hen felfê tak hen dâisip hen kan to ding asi.

LUNGFÂKNÂK 4:16

LALPA nih anmah a âwva na lo rawh le; amah ngelchel nih a rektir ver na. Kan bâwlpu tla leh hawng kan ruitu tla chu a sunhsak na lo rawh.

LUNGFÂKNÂK 4:5

Buh-an thâw chem eitu tla chu khua lâi ah sungvâng hen an thi le; nuamchenhtu tla chu ei ding hâwl hen nâwmtâm an thâi.

LUNGFÂKNÂK 5:12

Hawng kan ruitu tla chu an tleih na le, an thlâi na; kan tarpa tla nih khawm zah an tawng lo.

LUNGFÂKNÂK 5:14

Upa tla khawm khuapi kulh kawtkâ ah an to lo rawh, nungâk tlangvâl tla khawm nih tumphung an tum lo rawh.

EZEKIEL 27:30

An ektê hen nangmah ruangah an lung a fâk tuktarâi le, An lû ah valeidip phulh hen vachâm lakah an rîl.

EZEKIEL 27:31

Nangmah ruangah an lû tla an mêt le, Salâpuan anna aih. An lung a fâk tuktarâi ruangah thungâi an ṭap.

EZEKIEL 7:18

Salâpuan anna aih lai le, an thir lai. An lû tla an mêt lai le, ningzakkâi tak hen an um hep lai.

JOEL 1:8

Nan nih zapi tla, nungâk, a pasal ding mi a thi ruangah a lungfâk le, a ṭap mi hâwi hen ṭap u.

AMOS 5:13

Churuang chun sualnâk ti liauah dâisip hen um chu thilti finghkâi tak asi!

AMOS 8:13

Chu ni ah chun nungâk leh tlangvâl ṭhisel tak men tîhâl ruangah an tlû lai.

AMOS 8:3

Chu ni ah chun lal in ah la saknâk mun chu âu nâk leh lungfâknâk mun a si lai. Mun kip ah mithi ruak a um lai. Dâisip hen an lawnh na lai,” a ti.

JONA 3:6

Ninevi khua lal khawm nih chu thu chu a theih rawh chun, a laltophah a mi chu a thawk le, a nipuan a lit le, salâpuan â aih le, vachâm lakah a to.

JOSUA 7:6

Josua leh Israel ruitu tla nih an ngaihsia tukah an puan tla an thlêk le, Thudântuk Bâwm kiangah chun tual ah an ngaihsia ti theihnâk ding hen an lû ah valei kawp buk hen zânlei tiang an rîl ko.

THUPHUANG 18:19

Chun, an lû ah valeidip an phulh le, ngaihsia tak a ṭap bû hen, “Khuapi rokual tak chu a tlûn a pit! A neihnâk ruangah minei si mi tla leh tisumsumriat ah lawng neitu tla chu dârkar khat lak ko ah a tlâu rawh hi,” an ti.