LUNGFÂKNÂK 1:20 - Bawm Common Language Bible Version

²⁰ “LALPA, ka lawksawngnâk leh ka thinlung fâk zia tla hi zauh! Ka sual ruangah ka thinlung a fâk rawh. Khua lâi tlângah thahnâk a um le; in sungah khawm thihnâk a um.

LUNGFÂKNÂK 1:20 ပူးပေါင်းရင်းမြစ်များ

JOB LASUIBU 30:27

Dîtnâk leh nganfâk nih a ka thlêk dip; a ni ni hen ka tuar mi a zual dadauh.

JOB LASUIBU 33:27

Zatlâng sinah, “Ka sual ngâk, ka diklo, sikhawmsele, Pathian nih hawng ka zuah.

SAM 22:14

Tual ah tî a tlê mi hâwi hen ka tha â zûk ver. Ka liahchân zawzawng khawm a pelh hep; ka thinlung chu khuailul hâwi hen a zawr.

SAM 38:8

Ka dî hen ka râwk dep; ka thinlung a nawk le, nganfâk tuar hen ka rûm.

THUFING LASUIBU 28:13

Na damsung ah na sualnâk na pheh chun, dingchangnâk na tawng lai lo. Phuang le, mâk le, Pathian nih na lakah khua a ruat lai.

ISAI 16:11

Moab ruangah ngaihsia hen ka rûm le, Kir Heres ruangah ka ngaih a sia.

ISAI 38:14

Ka hâu khawm a dal hen a chak lo. Vaṭhu hâwi hen ka râm. Ka mit hen vânlei zauh ding khawm ka iam lo rawh. LALPA, hi lawksawngnâk lakah mi hi ruang hawng ka suah rawh.

JEREMIA 14:18

Phâisen ah ka kal le, râltuknâk ah a thi mi ruak tla ka muh; khuapi ah ka va lût le, sungvâng hen a thi mi tla ka muh. Khuavâng tla leh bâwlpu tla nih an rian chu an ṭuan le, sikhawmsele zei an ti ti khawm an theih loh.”

JEREMIA 14:20

LALPA, na lakah thilsual kan ti, kanmah sual leh kan thlâktu sualnâk tla na sinah kan hawng phuang asi.

JEREMIA 2:35

‘Thilsual ka nei lo; ka lakah LALPA a thinthawk lai lo rawh,’ na ti. Sikhawmsele Kei, LALPA nih na sual mi na pheh ruangah ka nan rêp awt.

JEREMIA 3:13

Na sual mi leh LALPA na Pathian lakah na hel mi chu a pêk lam a pêk ko. Thing ring tang kip ah ramdang pathian tla sinah na dâwtnâk na pêk mi leh ka thupêk na ngâilo mi chu thutluang vâwr rawh. Kei, LALPA nih ka sim asi.

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

JEREMIA 4:19

A fâk a! A fâk ka tuar kho lo. Ka lung a fâk a! Ka thinlung a fâk chiam e! Tâwtawrâwt hâu leh râltuk hâu ka theih le, ka dâisip kho lo.

JEREMIA 48:36

“Thil zeizawng an neih tla a vei hep ruangah âunih mawh ruak vûinâk la, theikhang hen an sak mi hâwi hen Moab leh Kir Heres mi tla ruangah ka thinlung a fâk.

LUNGFÂKNÂK 1:11

A mi tla chu ei ding hâwl hen an rûm; Nung ding duh hen an thilneih hen buh an thleng. “LALPA, hawng ka zauhnik, ka hamh mi hi hawng ka muh rawh,” ti hen khuapi chu a ṭap.

LUNGFÂKNÂK 1:18

“A thu ka ngâilo menza khawmsele LALPA chu a dik asi. Mun kip ah mi tla, ngâi ule; ka nganfâk tuar hi hawng ka zauh u. Ka tlangvâl leh nunau tla khawm sal ah an put hep na.

LUNGFÂKNÂK 1:8

Zah a kâinâk chu a vei rawh. Takkaro leh mi zauhnawmh hen a um rawh. A rûm le, a ningzak tuk ah a mêl a thuh. Jerusalem chu sual ṭihnungkâi tak hen a nâwmtâmtir rawh.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

LUNGFÂKNÂK 2:11

Ka ṭapnâk ah ka mit khawm a dî le, Ka thinlung khawm a nawk, Ka mi tla siat leh râwknâk ruangah ngaihsia hen ka dî, Ngâksia leh fasêm tla chu khuapi zâwllâi ah an uai tep.

LUNGFÂKNÂK 5:16

Kan umsan mi zawzawng chu zeikhawm an mâk mi a um lo. Thilsual kan ti le, tu chun kan vânduai rawh.

EZEKIEL 7:15

Zâwllâi ah donâk a um le, in sungah damlonâk leh sungvângnâk a um. Âuzawng ram lakah suaktu chu donâk lakah an thi lai le, âuzawng khuapi sungah um mi tla chu damlonâk leh sungvângnâk an tuar lai.

DANIAL 9:5

“Thilsual kan ti le, thil diklo kan ti. Thu na kan pêk mi tla chu ti ding kan duh lo le, thil dik na hawng kan muhtir mi chu kan hertâk.

HOSEA 11:8

“Israel, zeitin kan mâk kho na lai? Zeitin hen kan kaltâk kho na lai? Admah ka râwk mi hâwi hen kan râwk na hen Zeboim ka ti mi hâwi hen kan tikho na lai ma? hâwi ti ding hen ka thinlung ah a um lo. Ka nan dâwt na nâk a fâk tuktarâi:

HABAKUK 3:16

Hi bang zawzawng ka theih le, ka thir, ka mûr tla lâu hen a thir. ka tak a zengzê ver, tanglei ah ka kê khawn a pelh. Hawng ka dotu tla Pathian nih a rêp na tik ding chu dâisiptê hen ka ngâk ziar awt.

DEUTERONOMY 32:25

Râltuk ruangah zâwllâi ah thihnâk a tlung lai le; In ah ningṭihnâk a tlung lai. Tlangvâl leh nungâk tla an thi lai le, tarpa leh nausêm tla khawm zuah an si lai lo.