LUNGFÂKNÂK 1:2 - Bawm Common Language Bible Version

² Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 1:2 ပူးပေါင်းရင်းမြစ်များ

JOB LASUIBU 6:15

Sikhawmsele, nannih ka hâwi tla, tivatê a luang mi ruah a sûr lo rawh chun a kang ving hâwi hen nan hawng ka perpet.

JOB LASUIBU 7:3

Thla tam tak chu a thawt hen ka um le, zân siar hen ka lakah ngaihsiatnâk a hawng tlung.

SAM 126:5

Ṭap bû hen an fachî vawrhtu tla nih chun lâwm bû hen fângzûn liauah an pumh lai!

SAM 31:11

Ka mêlma tla leh ka zâwlbâwm tla nih zauhnawmh hen an ka nehsawh. An ka muhtu zawng nih an ka ṭihṭanh le, khua lâi ah an ka muh khawmsele an ka tektâk ving.

SAM 6:6

Ngaihsia hen ka di le, ka ṭapnâk nih ka ihkhun a dâmtir; ka mitthli nih ka sanhtling a chiah.

SAM 69:21

Ka sung a vâng liauah tûr an ka pêk; ka tîhâl liauah uain thur an ka pêk.

THUFING LASUIBU 19:7

Mipâm chu a unau tla khawm nih an ṭangpi duh lo. Hâwikawmh a nei lo mi chu a chê lo. Zeikhawm neh ṭung lo hen hamh tak hen ti tum chu a ṭhalo.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 2:25

Israel, pathian dang tla ṭhâwl hen na kê dîttir hen na dang chârtir lah. Sikhawmsele nangnih chun, ‘Silo! ka hawng kîr kho lo. Ram dang mi pathian tla ka duh, anmah ka zûl na awt ko,’ ” na ti.

JEREMIA 3:1

LALPA nih, “Mi nih nupi a mâk hen, amah a kaltâk nûnah midang nupi asi rawh chun a lâk nawlh kho lai lo rawh. Chu nih chun ram chu a nawmh dep lai. Sikhawmsele, Israel, duh mi tam tak na nei le, tuah ka sinah hawng kîr ding na duh!

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 4:30

Jerusalem, na vânduai rawh! Zei rangah puansen hen na thuam? Zei rangah lungsung hen na thuam hen rawng na mit ah na buaih? Zeikhawm silo ding vângah dawh tak hen na siam? A nan duhtu tla nih an hua hen thah ding an duh rawh.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

LUNGFÂKNÂK 1:19

“Keimah lei ṭângṭawmtu tla ka kawh le, Sikhawmsele ṭangpi ding an ka duh lo. Bâwlpu tla leh ruitu tla chu khuapi zâwllâi ah an thi le, Chu tla chu nung ding hen buh hâwltu tla an si.

LUNGFÂKNÂK 1:21

“Âukhawm thlangamhtu umlo hen; ka rûm mi hi ngâi. Ka lakah siatnâk na hawng tlungtir mi ruangah Ka mêlma tla chu anna lâwm. Thu na tiam mi ni hawng tlungtir le; Ka tuar mi hâwi hen ka mêlma tla tuartir na.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

LUNGFÂKNÂK 2:11

Ka ṭapnâk ah ka mit khawm a dî le, Ka thinlung khawm a nawk, Ka mi tla siat leh râwknâk ruangah ngaihsia hen ka dî, Ngâksia leh fasêm tla chu khuapi zâwllâi ah an uai tep.

EZEKIEL 16:37

Hi ruang hin a lânah a nan duhtu tla zawzawng na duh mi leh na hua mi tla munkhat hen ka hawng tir na awt. Na kiangah hêl dak hen ka hawngpi na lai le, churawhchun na nipuan ka lît lai le, takkaro hen na um mi ka zauhtir na awt.

HOSEA 2:7

A duh na mi tla chu a ṭhâwl na lai le, sikhawmsele tleih ding hen a tawng na lai lo, a hâwl na lai le, sikhawmsele a tawng na lai lo. Churawhchun, “Ka pasal masa sinah ka kîr nawlh lai le, tu mi tla ngâk hen ka rangah a ṭha dauh lai,” a ti lai.

MIKAH 7:5

Na zâwlbâwm khawm zumh lah na le, na hâwi khawm rinhsan lah. Na nupi sinah thu na sim mi khawm a thiamthih.

THUPHUANG 17:13

Chun, chu parâ tla nih chun thurual hen sarâng chu an thiltikhonâk leh thuneihnâk an pêk rawh.

THUPHUANG 17:16

Chun, ki parâ leh sarâng na muh mi nih khan nunau â zuar mi chu an hua lai le, a thilneih tla an lâk piak lai le, takkaro hen an mâk lai le, a sa khawm an ei lai le, mei hen an duah hep lai.