LUNGFÂKNÂK 1:19 - Bawm Common Language Bible Version

¹⁹ “Keimah lei ṭângṭawmtu tla ka kawh le, Sikhawmsele ṭangpi ding an ka duh lo. Bâwlpu tla leh ruitu tla chu khuapi zâwllâi ah an thi le, Chu tla chu nung ding hen buh hâwltu tla an si.

LUNGFÂKNÂK 1:19 ပူးပေါင်းရင်းမြစ်များ

JEREMIA 2:28

“Nan rangah nan siam mi pathian tla zeiah an um? An tikho mi asi chun, nan lawksawng liauah ruang a nan suah na seh! Juda, khuapi tam tak na nei mi hâwi hen pathian tam tak na nei.

JEREMIA 30:14

A nan dâwt natu zawzawng nih a nan philh na rawh; nannih rerêng an sunhsak na lo rawh. Mêlma hâwi hen ka nan do na; nan sualnâk a tam tuk ruangah leh nan ṭhatlonâk a fâk tuk ruangah nan rêpnâk khawm a fâk khun.

JEREMIA 4:30

Jerusalem, na vânduai rawh! Zei rangah puansen hen na thuam? Zei rangah lungsung hen na thuam hen rawng na mit ah na buaih? Zeikhawm silo ding vângah dawh tak hen na siam? A nan duhtu tla nih an hua hen thah ding an duh rawh.

LUNGFÂKNÂK 1:1

Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

LUNGFÂKNÂK 1:11

A mi tla chu ei ding hâwl hen an rûm; Nung ding duh hen an thilneih hen buh an thleng. “LALPA, hawng ka zauhnik, ka hamh mi hi hawng ka muh rawh,” ti hen khuapi chu a ṭap.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 2:20

Aw! LALPA, zauhnik! Na tuartir na mi tla chu zauhnik! Nunau tla nih an dâwt mi an fa sa an ei! Bâwlpu leh khuavâng tla chu Biakin sung ah thah hen an um!

LUNGFÂKNÂK 4:17

Chim leh neng rê hen ṭangpi kan hâwl khawm ah a hawng tlung dahlo. Hawng kan pêk lo ding mi phun tla chu hawng kan ṭangpi ding hen kan ngâk.

LUNGFÂKNÂK 5:12

Hawng kan ruitu tla chu an tleih na le, an thlâi na; kan tarpa tla nih khawm zah an tawng lo.