LUNGFÂKNÂK 1:18 - Bawm Common Language Bible Version

¹⁸ “A thu ka ngâilo menza khawmsele LALPA chu a dik asi. Mun kip ah mi tla, ngâi ule; ka nganfâk tuar hi hawng ka zauh u. Ka tlangvâl leh nunau tla khawm sal ah an put hep na.

LUNGFÂKNÂK 1:18 ပူးပေါင်းရင်းမြစ်များ

1 Lal 13:21

Juda ram mi khuavâng sinah thu a sim, “LALPA nih hi hâwi hen thu a sim: “Thu ka nan pêk mi ngâilo hen na kîr le, din leh ei lo ding mi ngâilo hen na ei le;

Ezra lasuibu 9:13

Kan lakah kan sual ruangah leh diklonâk ruangah thil a hawng tlung mi ruang khawm ah kan lakah rêpnâk a hawng tlung mi khawm, kan Pathian nih na kan rêp mi asi ti kan theih, kan ruat ngâk a nêm hen a thibang na kan zuah nget rih.

NEHEMIAH 9:26

“Sikhawmsele, na mi tla chu an hel le, na thu an ngâi duh loh, na dân tla chu dunglei an sîttâk. Anmah rim ding hen simhtu khuavâng tla an thah na, zeiliau zawng ah an siarlo.

NEHEMIAH 9:33

Na kan rêp mi hi na dik asi, kan sual menza khawmsele, nang chu zumh na kâi.

SAM 107:11

Zeizawng tikho Pathian thupêk an ngâilo ruangah leh a sîntirnâk chu an duh lo ruangah.

SAM 119:137

LALPA, nang chu mirep na si le, na dân tla chu a dik.

SAM 119:75

LALPA, na lâirêlnâk chu a rep ti ka theih le, zumh na kâi ruangah na ka rêp mi asi.

SAM 145:17

LALPA chu a thilti zawzawngah â rep le, a thilti zawzawngah khua a ruat.

EXODUS 9:27

Lalchem, nih Mosi leh Aron a kawhtir na le, an sinah, “Tutan lam chu ka sual ngâk; LALPA chu a dik asi, ka minung leh kei kan diklo.

JEREMIA 12:1

LALPA, ka thunawk hi na sinah ka sim chun Nangnih a dik ti na theih lai. Sikhawmsele, a dik dân thu ka nan deih awt. Zei rangah misual hi an sul-le-lam a tluang zia? Zei rangah mi zumhkâilo tla anna dingchang?

JEREMIA 32:23

Sikhawmsele hi ram an hawng kal rawh chun mun an khuar le, na thupêk tla ngâilo hen na sîntir na mi hâwi hen khawm an um lo; ti ding hen thu na pêk na mi khawm an ti lo. Churuangah hi bang hâwi siatnâk zawzawng hi an tlûnah na hawng tlungtir rawh.

JEREMIA 4:17

a mi tla chu LALPA lakah an hel ruangah phâisen, mi nih an vêng mi hâwi hen Jerusalem chu an hual dak lai. LALPA nih a sim asi.

JEREMIA 49:12

“Rêp ding hen a dêng lo mi khawm nih rêpnâk hâi a din bâk lai, rêp lo hen um ding ma nâ ruat? Si rîlmâl lo, hâi lakah mi chu na din ding asi!

LUNGFÂKNÂK 1:12

Amah paltu sin kip ah, “Hawng ka zauhnik u!” ti hen a ṭap. Ka nganfâk LALPA nih a thinthawk liauah ka tlûnah A tlungtir mi hâwi hi âukhawm nih an tuar dahlo.

LUNGFÂKNÂK 3:42

“LALPA, na lakah kan sual le, kan hel le, na kan ngaihdam duh lo rawh.

LUNGFÂKNÂK 5:16

Kan umsan mi zawzawng chu zeikhawm an mâk mi a um lo. Thilsual kan ti le, tu chun kan vânduai rawh.

DANIAL 9:5

“Thilsual kan ti le, thil diklo kan ti. Thu na kan pêk mi tla chu ti ding kan duh lo le, thil dik na hawng kan muhtir mi chu kan hertâk.

DANIAL 9:7

LALPA, nang lam chu thil dik na ti kumza le, sikhawmsele kannih chu kanmah karo ningzak kanna saih kumza. Na lakah kan diklo rawh ruangah, Israel tla ram nâi leh ram lât ah na rekrâwi tir mi zawzawng tla leh Judai ram leh Jerusalem ah um mi zawzawng tla chu kanna bang hep.

AMOS 8:13

Chu ni ah chun nungâk leh tlangvâl ṭhisel tak men tîhâl ruangah an tlû lai.

ZEPHANIAH 3:5

Sikhawmsele LALPA chu khuapi sungah a um ko le, thildik a ti le, thil diklo chu a ti dahlo. Zîng siar hen a mi le tla sinah thildik a ti, sikhawmsele chunah mireplo tla nih thil diklo an ti kumza.

ZEKARIA 1:6

Ka to-aw khuavâng tla mang hen an thlâk natu tla chu thu ka pêk hen ka simhkan na le, sikhawmsele zeikhawm an rêl lo le, chu lak chun an tuar phah. Ti ding ka duh mi hâwi hen kei, LALPA nih an sual mi ruangah ka rêp na,’ ” a ti.

ROM 2:5

Thinlung lianhnâk leh thinlung khauhnâk nan nei. Churuangah Pathian thinrunhnâk leh lâirêlnâk dik tak a hawng lang tik Ni ah chun nanmah rêpnâk lian dauh nan siam asi.

ROM 3:19

Dân nih zeizawng a sim mi vial chu Dân thu thu hen um mi tla sinah a sim asi ti kan theih; kâ kip a chîp khonâk ding hen leh laikulh ah mi zawzawng Pathian lâirêl hen an um khonâk ding hen.

DEUTERONOMY 32:4

“LALPA chu nangmah vêngtu chak tak asi, a lampi zawzawngah rangtling leh rep tak asi; Na Pathian chu zumh a kâi hen a dik asi; A dik mi leh a ṭha mi vial a ti.

LÂIRÊL 1:7

Adonibezek nih, “Lalchem sâwmsarih kutpî leh kepî tan piak hen um mi tla nih ka dawhkân tangah eiphung neknâwi a tlâ mi an sar. Kei khawm an tlûnah ka ti na mi hâwitê hen ka lakah Pathian nih a ti bâk rawh mahi,” a ti. Jerusalem leiah an kalpi le, chunah chun a thi rawh.

1 SAMUEL 15:23

A lakah helnâk hi dâwithiam hen a bang le, lungkhungnâk hi milem sawnh tluk hen a sual. LALPA thu na ngâilo ruangah lalchem siding an duh lo rawh,” a ti.