LUNGFÂKNÂK 1:16 - Bawm Common Language Bible Version

¹⁶ “Churuangah asi ka mit ah mitthli tla a luang mi chu. Âukhawm nih thla an hawng ka ngamh hen lungiam an ka sak kho lo. Mêlma nih hawng ka neh le; ka mi tla nih zeikhawm an mâk lo.

LUNGFÂKNÂK 1:16 ပူးပေါင်းရင်းမြစ်များ

SAM 106:42

An mêlma tla nih an nâuneh na le, anmah thu thu hen an siah na rawh.

SAM 119:136

Tî a luang mi hâwi hen ka mitthli a zut le, mi nih na dân an zûl duh lo ruangah.

SAM 69:20

Simsâwinâk nih ka thinlung a râwk le, ka lung a dawng. Zângfahtu leh siherhtu ka lungum le, sikhawmsele pakhat khawm an um lo. Thlangamhtu ka hâwl le, âukhawm ka tawng lo.

THUSIMTU 4:1

Churawhchun, hi laikulh ah diklonâk zawzawng kal vima mi chu ka chuanh nawlh. Nâuneh hen an um mi tla chu an ṭap le, âukhawm nih an ṭangpi na lo. Anmah nehsawhtu leikâng mi tla nih thiltikhonâk an nei ruangah pakhat khawm nih an ṭangpi na lo.

ISAI 54:11

LALPA nih, “Aw Jerusalem, nang nganfâk tuartu, ṭangpitu nei lo khuapi, thlangamhtu pakhat khawm nei lo mi na lungphûm chu lungsung hen ka dirh nawlh lai.

JEREMIA 13:17

Nan ngâilo mi asi chun, nanna zûm mi ruangah a thuptê hen ka ṭap lai le; LALPA mi tla sal ah kalpi hep an si ruangah lungfâk tak hen ka ṭap lai le, ka mitthli a luang lai.

JEREMIA 14:17

LALPA nih chun, ka lawksawng thu tla zapi sinah va sim ding hen thu hawng ka pêk le: “Ka mit ah mi mitthli chu a sûn a zân hen luang seh, ka mi tla chu anna liam zia a fâk ruangah leh fâk tak hen nganfâk pêk an si ruangah ka ṭap bâng lah seh.

JEREMIA 15:5

LALPA nih, “Jerusalem mi tla, âunih pawi a nan ti awt, âu na lakah a ngaihsia awt? Âunih nang rangah na umdân deih ding hen an ngâk châwk awt?

JEREMIA 8:18

Ka lungfâknâk chu damh kho asi lo; ka thinlung ah ka ngawr.

JEREMIA 9:1

Ka lû hi tikhurchawh si sele, ka mit hi mitthli tinungva si sele ka duh, churawhchun ka mi le thah hen an um rawh ruangah a sûn a zân hen ka ṭap kho lai rawh.

JEREMIA 9:10

Kei nih, “Tlâng sâng tla leh ram ningno tla chu an châr hep le, pakhat khawm chu lakah mi velvâ an um lo ruangah ka lungfâk tukah ka ṭap. Ranrual tla hâu khawm theih asi lo rawh; va leh ramsa tla khawm an tek phin,” ka ti.

JEREMIA 9:21

Thihnâk chu kan langawtkawt ah a hawng lût le, kan lal in tla ah a va lût; khuadung ah ngâksia tla a thah na le, sumtuahnâk mun ah mi tlangvâl tla a thah na.

LUNGFÂKNÂK 1:2

Zân khuavâr hen a ṭap le; a mitthli chu a thinmakâ ah a luang. A lânah a hâwikawmh tla zawzawng anih rangah Thlangamhtu pakhat khawm an umlo. Amah lei ṭângṭawmtu nih an tleih le, amah dotu an si ver rawh.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

LUNGFÂKNÂK 2:11

Ka ṭapnâk ah ka mit khawm a dî le, Ka thinlung khawm a nawk, Ka mi tla siat leh râwknâk ruangah ngaihsia hen ka dî, Ngâksia leh fasêm tla chu khuapi zâwllâi ah an uai tep.

LUNGFÂKNÂK 2:18

Aw Jerusalem, na kulh tla chu LALPA sinah ṭaptir na! Na mitthli chu tiva hâwi hen a sûn a zân hen luang seh; ṭapnâk leh ngaihsiatnâk ruangah uai tep rawh!

HOSEA 9:12

Fa ring menza na khawmsele ka lâk ving lai le, pakhat khawm nung hen ka siah na awtlo. Hi minung tla hi ka kaltâk na tikah chun, thil ṭihnungkâi an lakah a hawng tlung lai,” a ti.