LUNGFÂKNÂK 1:14 - Bawm Common Language Bible Version

¹⁴ “Ka sual singsiahnâk zawzawng chu a lâk le, a têl hep; Ka ngâwng ah hawng ka awih le, chu rit nih chun hawng ka uaitir dadauh. LALPA nih ka mêlma sinah hawng ka pêk le, An lakah mi ṭangpitu ding ka nei lo rawh.

LUNGFÂKNÂK 1:14 ပူးပေါင်းရင်းမြစ်များ

THUFING LASUIBU 5:22

Misual tla sualnâk chu thang asi. Amah sualnâk lên nih a awh.

ISAI 14:25

Israel ram ah mi Asiria chu ka veih lai le, keimah tlâng tlûnah ka lamhbêk na lai. Ka mi tla Asiria liangbat leh an thilrit phurh lakah mi chu ka suah na lai.

ISAI 47:6

Ka mi tla lakah ka ro a thawk le; ka tâ silo rawh mi hâwi hen ka ti na. Na thu thu hen ka siah na le, an lakah khuaruatnâk na langhtir lo le; upa tiang khawm fâk tak hen na ti na.

JEREMIA 25:9

‘Marlei mi minung tla zawzawng leh ka to-aw Babulon lalchem Nebukadnezar ka fial na awt. Juda leh a ram sungah mi tla leh a kiangkam ah mi phun zawzawng tla do ding hen ka hawngpi na awt. Hi phun tla leh a kiangkam ah mi tla ka râwk na lai le, sia dep hen ka mâk na lai le, ṭihnungkâi leh lâu khit ding hen a um lai. Kei, LALPA nih ka sim asi.

JEREMIA 27:12

Juda lalchem Zedekiah sin khawm ah chu hâwi thu chu ka sim, “Babulon lalchem sinah a pêk le, amah leh a mi le rianṭuan le, na nung lai.

JEREMIA 27:8

“Sikhawmsele zei phun tal mawh zei lalram tal nih a dân a zûl lo chun, Nebukadnezar ka râwk dep lânlo chu, chu phun chu râltuknâk, pâmnâk leh râi hen ka rêp na awt.

JEREMIA 28:13

Hananiah sinah kal hen thu va sim ding hen hawng ka simh: “LALPA nih thing liangbat chu na khiak kho lai, sikhawmsele chu ruangrûl ah thîr liangbat a siah awt.

JEREMIA 28:14

LALPA Zeizawng tikho, Israel Pathian nih thîr liangbat chu chubang phun zawzawng tla tlûnah ka siah lai le, Babulon lalchem Nebukadnezar rian an ṭuan lai. LALPA nih ramsa tiang khawm nih Nebukadnezar rian an ṭuan lai,” a ti.

JEREMIA 32:3

LALPA nih, “Hi khuapi hi Babulon lalchem ka lâktir le, lalchem Zedekiah chu a suak lai lo.

JEREMIA 32:5

Zedekiah chu Babulon ah kalpi hen a um lai le, amah ka va veh lânlo chu chunah chun a um lai. Babulon mi tla chu do na menza khawmsele a neh na lai lo. Kei, LALPA nih ka sim asi,” a ti, ka ti mi ruangah lal Zedekiah nih hawng ka phiar le, chunah rêng ah hawng ka thlâk.

JEREMIA 37:17

A nehnûn chun lalchem Zedekiah nih hawng ka kawh le, lal in ah a thuptê hen thu hawng ka deih, “LALPA thawk hen thuchah a um ma?” a ti. “Kei nih, “Um ta a,” ti hen ka sâng le, “Babulon lalchem sinah pêk hen na um lai,” ka ti.

EZEKIEL 11:9

Hi khuapi lakah mi ka nan suah na lai le, ramdang mi kut ah ka nan pêk na awt.

EZEKIEL 21:31

Meialh hâwi hen na lakah ka hawng thlah tikah ka thinthawknâk chu na theih lai. Mi rualo, râwk thiam mi kutah ka nan pêk lai.

EZEKIEL 23:28

Hi hi LALPA Zahkâi nih a sim asi! “Na hua hen na fih na mi minung sinah ka nan pêk awt.

EZEKIEL 25:4

Chu hâwi nannâ lâwm ruangah saklei a mi phun tla chu nanmah nehtu ah ka siam na awt. Nan ram ah um mun an khuar lai le, chunah chun an um lai. Nan thingthei rah leh nan chaw nûk tla an ei hen an din lai.

EZEKIEL 25:7

Chu hâwi hen nan um ruangah phundang tla sinah ka nan pêk na lai le, annih nih an râwk na hen an rûn na lai. Ka nan râwk dep na lai le, phun ti tlâklo leh mah ram nei lo mi nan si lai rawh. Chu tikah kei, LALPA kasi ti nan theih lai,” a ti.

HOSEA 5:14

Chakeibaknei hâwi hen Israel leh Juda tla chu ka do na awt. Keimah tak nih ka sâm dip na lai le, ka siah thlap na awt. Ka nûk ving na tik chun âukhawm nih an sanh kho na ding asi lo.

MIKAH 2:3

Churuang chun LALPA nih, “Nan lakah siatnâk tlungtir ding ka tum, chu lakah mi chu nan âwl rêng lai lo, nanmah lawksawngnâk ding hen siat leh râwknâk hâwltu nan si, hi nûn chun zûm tak hen nan kal lai lo rawh.

DEUTERONOMY 28:48

Churuangah LALPA nih nan lakah mêlma a hawng fial ding mi tla rian nan ṭuan lai. Sungvâng leh tîhâl hen nan um lai le, ni leh puan nei lo hen zeizawng ah samphâng hen nan um lai. Nan vei dep lânlo chu LALPA nih fâk tak hen an nehsawh na awt.