LUNGFÂKNÂK 1:10 - Bawm Common Language Bible Version

¹⁰ A mêlma tla nih a neih zawzawng an râwk hep. LALPA nih phun dang tla lût ding hen a siang lo mi Biakin ah an lût mi tla khawm a muh ko.

LUNGFÂKNÂK 1:10 ပူးပေါင်းရင်းမြစ်များ

2 CHRONICLES 36:18

Babulon lal nih Biakin ah mi sum-le-pâi, lal neih-le-siah, a rianṭuantu tla thilneih zawzawng chu Babulon leiah a put hep.

NEHEMIAH 13:1

Mosia Dân zapi sinah fâk ual hen an hawng rêl rawh chun, Amon mi leh Moab mi tla hen Pathian mi tla chu a tlâinâk um lo rawh ding ti hen thuruatnâk a um.

ISAI 63:18

Kannih, na mi thenhlimh tla hi, kan mêlma tla nih zeimaw tiang chu hawng kan nar ving le; na mun thenhlimh tla an lamhbêk rawh.

JEREMIA 15:13

LALPA nih ka sinah, “Ram pumpi ah ka mi tla nih thilsual an ti ruangah, anmah rêpnâk ding hen an neih leh an rothil tla lâk piaktu ding hen mêlma tla ka fial awt.

JEREMIA 20:5

An mêlma tla chu hi khuapi mi neih zawzawng tla ka rawktir na lai le, an thil-le-rî leh neih zawzawng tla, Juda lalchem tla thil siahnâk tiang ka lâktir na lai le, Babulon ah ka puttir hep na lai.

JEREMIA 27:19

(Lalchem Nebukadnezar nih Juda lalchem Jehoiakim fapa Jehoiakin leh Juda leh Jerusalem ah ruitu tla a kalpi na liauah tung tla, dâr mâihûm, leh kari tla leh Biakin thil-le-rî tla chu a mâk.)

JEREMIA 27:21

“Jerusalem ah lal in ah mi leh Biakin ah mi thil-le-rî mâk mi thu, Kei, LALPA Zeizawng tikho, Israel Pathian nih ka sim mi chu ngâi u.

JEREMIA 50:28

(Babulon thawk hen a tek mi tla chu Jerusalem ah an hawng le, LALPA, kan Pathian nih Babulon mi tla nih a Biakin ah thil an ti mi ruangah lawhbâ a sam na mi thu an sim.)

JEREMIA 51:51

‘Ramdang mi tla nih Biakin ah mi mun thenhlimh chu an lâk rawh ruangah ningzak saih leh mualpho tak hen kan um le, kan kawng a dawng thlo rawh,’ nan ti.

JEREMIA 52:13

Biakin leh lal in, Jerusalem ah mi pawiherh in zawzawng tla a duah phin le;

LUNGFÂKNÂK 1:7

Jerusalem chu tu chun thimpem hen a um rawh le, A lânah a rokualnâk tla a theih vung rawh. Mêlma nih a neh liauah âukhawm ṭangpitu a um lo, A nehtu tla nih a tlû mi chu an nihsanh.

EZEKIEL 44:7

Fêm tanlo mi ramdang minung keimah lunglotu tla chu bâwlnâk thâu leh thisen ka sinah an ap liauah ka Biakin ah an lûttir na le, an nawmh asi. Churuangah ka mi tla nih thil fihnungkâi an ti mi zawzawng hen ka thudântuk chu an buar rawh.

EZEKIEL 7:22

Ka Biakin thil siah an nawmh tikah leh rawkmang tla nih an râwk hen an nawmh tikah ka âwva awtlo.

EZEKIEL 9:7

Pathian nih an sinah, “Biakin nawmh u. A kulh tla ruak hen khattir u. Ṭuan ding a dawmh u rawh!” a ti. Churawhchun, khuapi a mi minung tla thah anna dawmh rawh.

MARK 13:14

“Sikhawmsele, ‘Ṭhiautu Fihnungkâi’ chu a dîr lonâk ding mun ah dîr nan muh tikah, (a rêltu zawng nih a umzia theih seh), chu tikah chun Judai ram ah um tla chu tlâng ah tek seh.

DEUTERONOMY 23:3

“Amon mi mawh Moab mi mawh, an thlâk rerêng chu a san ranâk tiang khawm LALPA mi lakah telh kho asi lo.

DEUTERONOMY 23:4

Buh leh tî Aigupta ram thawk hen suak hen nan kal liauah pêk ding an duh na lo ruangah leh Mesopotamia ram ah Pethor khua mi Beor fapa Balaam chu nanmah tla siat an barh na ding hen an mang ruangah.