LUNGFÂKNÂK 1:1 - Bawm Common Language Bible Version

¹ Jerusalem, veikhat chu minung khat dul hen A um mi a king rawh chiam e! Veikhat chu laikulh pumpi nih zah hen a um mi Tu chun numei hâwi cho asi rawh. Khuapi lianchem chu sal asi ving rawh.

LUNGFÂKNÂK 1:1 ပူးပေါင်းရင်းမြစ်များ

1 Lal 4:21

Solomon lalram chu Eufretis tiva thawk hen Philistia ram leh Aigupta ramri tiang asi. A damsung zawzawng chu a sinah siah an pêk le, amah tangah an um hep.

2 Lal 23:33

A lâirêl kum chu Aigupta lalchem Neko nih Hamat ram ah Riblah ah a kalpi le, Juda ram chu tangka kilogramme sângthum leh zali leh ngûn kilogramme sâwmthum leh pali siah khawlh ding hen a siamnâk thawk hen a dawng rawh.

2 Lal 23:35

Aigupta lal nih khawlh ding hen a hauh na mi chu, a herh zat tlinh ding hen lalchem Jehoiakim nih zapi lakah an neih zia hâwi vima hen a khawlh na.

2 CHRONICLES 9:26

Anih chu ram khat ah lal zawzawng Jordan Va thawk hen Eufretis Tiva, Philistia ram leh Aigupta ramri tiang lakah mi tlûnah lâirêltu lalchem asi.

Ezra lasuibu 4:20

Lal thiltikho tak tla nih chunah chun lâi an rêl hen Eufretis ram zawzawng lâi an rêl le, siah tla an khawlh na.

NEHEMIAH 5:4

A dang tla nih, “Kan phâisen leh grep dûm siah lal sinah pêk ding hen lâng ding kan duh.

NEHEMIAH 9:37

Kan sual ruangah kanmah tlûnah lâirêltu na siah mi nih a ram mi thil suak chu â ting hep. An duh duh hen kanmah leh kan ran lakah an ti le, thungâi kanna hamh rawh!” an ti.

SAM 122:4

Hi hi Israel phun tla LALPA sinah a thupêk hâwi hen lâwmthu sim ding hen an hawng kalnâk mun chu asi.

ISAI 14:12

“Nang Babulon lalchem, deirêl ârfi chêu tak, vân ah mi chu na tlâ rawh! A lân chun phun tla na neh le, tu lam chun tual ah lawnh hen na um rawh.

ISAI 22:2

Khuapi sung mi minung tla zawzawng nih an hâu an suah le, lâwmnâk rihâu hen a khat. Na minung hi tuknâk ah thi mi tla chu râltuknâk ah an thi mi asi lo.

ISAI 3:26

Khuapi kulh kawtkâ chu a lungfâk hen a ṭap lai, khuapi chu nunau nipuan lît rel hen a to mi hâwi hen a um lai.

ISAI 49:21

Churawhchun, nangnih na thinlung ah ‘Âunih me ka rangah hi zawzawng fa an ring? Ka fa tla ka thlâu hep le, ka nei kho lo rawh mi kei tâ nih sal ah tâng hen nar hen ka um mi âunih hi zawng fa tla hi a châwm na? Keimah lâwng mâk hen ka um mi, hi bang fa tla hi zei thawk hen me an hawng?’ ” na ti lai

ISAI 50:5

LALPA nih theihthiamnâk hawng ka pêk le, A lakah ka hel lo mawh kâng dang lei khawm ka hawitâk lo.

ISAI 52:2

Jerusalem, thawsuak tak hen a lît rawh! Valeidip lakah mi thawk le, na laltophah tlûnah to! Zion ah mi saltâng tla, rêng a nan khimh na mi sût!

ISAI 52:7

Tlâng sâng tla tan hen thâwngthâng ṭha thlangamnâk thu puttu mifial hawng mi muh ding chu a chê awt a! Nehnâk thu a sim le, Zion sinah, “Na Pathian chu lalchem asi!” a ti.

ISAI 54:4

Ṭih lah, ningzak saih hen na um lai lo rawh le nâutir khawm na si lai lo rawh. Nupi seino tê hâwi hen zumh na kâi lonâk leh numei hâwi hen thim pem hen na um mi tla chu na philh lai rawh.

JEREMIA 31:7

LALPA nih, “Phun zawzawng lakah phun rokual chem Israel rangah lâwm hen la sak u. A vei bang, LALPA nih a mi tla ruang a suah na rawh ruangah sawrnâk la sak u.

JEREMIA 40:9

Gedaliah nih an sinah, “Babulon mi tla sinah va a pêk ding chu nan ṭih ding asi lo ti kan simh na. Hi ram ah um ule, Babulon lal rianṭuan ule, nan rangah zeizawng a tluang lai.

JEREMIA 42:2

“Zângfahtê hen kan deih mi chu hawng kan ti piak! LALPA, kan Pathian sinah thla hawng kan cham piak. A vei bang tla zawzawng rangah thla hawng kan cham piak. Na kan muh mi hâwi hen veikhat rangah chun tam tak kan si le, tu lam chu tâwmtê cho kan si rawh.

JEREMIA 44:2

LALPA, Zeizawng tikho, Israel Pathian nih, “Jerusalem leh Juda khuapi dang tla zawzawng tlûnah siatnâk ka hawng tlungtir mi tla chu nanmah ngelchel nih nan muh.

JEREMIA 44:6

Churuangah, ka thinthawknâk leh ka thinrunhnâk chu Juda khuapi tla leh Jerusalem khua zâwllâi ah ka thlêt le, mei hen ka duah na. Râwk dep hen an um le, muhnâk ah lâu kâi rê hen tu chun an um rawh.

JEREMIA 50:23

Babulon mi tla nih laikulh pumpi a tukboh hen a mântir dip le, tuah chu tukboh chu râwk asi rawh! Chu ram ah thil a hawng tlung mi chu phun zawzawng an lâu.

JEREMIA 9:11

LALPA nih, “Jerusalem chu nâwmpawng ah ka siam lai le, chu mun ah kâwlui tla an um lai; Juda khuapi tla chu a karo hen a um lai le, chunah chun âukhawm an um lai lo,” a ti.

LUNGFÂKNÂK 1:19

“Keimah lei ṭângṭawmtu tla ka kawh le, Sikhawmsele ṭangpi ding an ka duh lo. Bâwlpu tla leh ruitu tla chu khuapi zâwllâi ah an thi le, Chu tla chu nung ding hen buh hâwltu tla an si.

LUNGFÂKNÂK 2:1

LALPA nih a thinthawknâk hen Zion chu mûi hen a khuh. A vân rokualnâk chu siatnâk ah a changtir. A thinthawk ni ah chun, a Biakin men a kaltâk.

LUNGFÂKNÂK 2:10

Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

LUNGFÂKNÂK 4:1

Kan ngûn a tlêu mi tla khawm a nawh rawh; Biakin lung tla khawm zawllâi ah rek thu hen a um.

LUNGFÂKNÂK 5:16

Kan umsan mi zawzawng chu zeikhawm an mâk mi a um lo. Thilsual kan ti le, tu chun kan vânduai rawh.

EZEKIEL 26:16

Tipi ah um mi phun tla lal zawzawng an laltophah thawk hen thlâk an si lai. An lal thuam leh an nipuan thuamh mi tla an lit piak na lai le, tual ah thir bû hen an to lai. Na thihnâk ruangah an lâu tuk ah an thir mi an bâng kho lai lo.

EZEKIEL 26:2

“Thikho mi minung, hi hi Tura khuapi mi tla lawmhnâk chu asi. ‘Jerusalem khuapi chu a râwk rawh! A sâwlehnâk thiltikhonâk khawm a vei rawh! Hawng kan dotu asi lai lo rawh!’ ti hen an âu.

EZEKIEL 5:5

LALPA Zahkâi nih, “Jerusalem zauh. Laikulh ah ramdang zawzawng nih kulh hen a lâi chirah ka siah.

LEVITICUS 26:31

Fih hen nan khuapi tla chu ka râwk lai le, nan pathian sawnhnâk tla khawm râwk hen, nan bâwlnâk ka nawng awt.

LEVITICUS 26:33

Nan tlûnah râltuknâk ka hawng tlungtir lai le, ramdang leiah nanna thektham ver lai. Nan ram tla a karo hen a um lai le, nan khuapi tla râwk hen a um lai.

ZEPHANIAH 2:15

Chu hâwi hen khuapi mah thiltikhonâk hen zûm mi leh him ziar ding hen â ruat mi tlûnah thil a hawng tlung lai. A sungah minung tla nih an khuapi chu laikulh ah rokual chem hen an ruat. A karo hen um ding mi mun ramsa tla umnâk mun a hawng si lai le; a paltu tla zawng chu an thlingza rê lai.

THUPHUANG 18:7

A rokualtir hen nuam a chenh zia hâwitê hen, tuarnâk leh lawksawngnâk pêkrûl bâk u. A thinlung hen chun, Lalnu kasi, numei kasi lo, lawksawngnâk rerêng ka tawng lai lo, a ti asi.