LUK 9:5 - Bawm Common Language Bible Version

⁵ Chun, an lawmh lo natu zawng chu, chu khua thawk hen nan suak tikah chun anmah theihtirnâk ding hen nan kezaphah ah valeidip chu khâwng u,” a ti.

LUK 9:5 ပူးပေါင်းရင်းမြစ်များ

NEHEMIAH 5:13

Puan ka menh mi chu ka sût le, ka thing, “Âuzawng nan thutiam zûllotu chu Pathian nih hi hâwi hen thing seh. Pathian nih na in leh na neih zawzawng lâk hep sele, zeikhawm nei lo hen an siah seh,” ti hen ka sim. Chunah um mi mikip tla nih, “Amen,” an ti le, LALPA an sawr. Churawhchun, ruitu tla nih thu anna tiam rawh.

MATHAI 10:18

asi, keimah ruangah governor tla leh lalchem tla mâikaah anmah leh phundang theihnâk ding hen an put na lai.

MARK 6:11

Chun, zei khua khawm ah an lawmh na lo hen, nan thu an ngâi lonâk zawng ah chu thawk hen nan suak tikah chun anmah theihtir na ding hen nan kezaphah tangah valeidip kawp mi chu khâwng u,” a ti.

MARK 9:37

“Âuzawng ka min ruangah hi hâwi ngâksiatê pakhat khawm lawmhtu vial chu keimah lawmhtu an si lai; âuzawng kei hawng ka lawmhtu zawng chu keimah cho lawmhtu an si lo le, hawng ka fialtu lawmh khawm an si lai,” a ti.

LUK 10:16

Jisu nih a ṭhiruai tla sinah, “Âuzawng nannih thu ngâitu chu keimah thu ngâi an si; âuzawng an duh lo natu chu keimah an ka duh lo mi asi; âuzawng kei hawng ka duh lo mi chu hawng ka fialtu duh lo asi,” a ti.

LUK 5:14

Chun, a sinah, “Âukhawm simh lah, sikhawmsele bâwlpu sinah va a zauhtir le, na thianhnâk ding hen Mosi ruat hâwi hen pêk, mi tla theihtirnâk ding hen,” a ti thlir.

LUK 9:4

Chun, nan tlungnâk in zawng ah tlung kumza u, chu in thawk hen chun suak u.

LUK 9:48

Anih nih chun an sinah, “Âuzawng ka min ruangah hi ngâksiatê hi lawmhtu zawng chu keimah an ka lawmh asi; âuzawng kei an ka lawmhtu vial chu hawng ka fialtu lawmh an si; nan ektê lakah a mê chem mi hi asi rokual chem mi chu,” a ti.

THILTI 13:51

Chun, annih nih chun an tlûnah an kêzaphah valeidip an khâwng le, Ikoniam khua an tleng.

THILTI 18:6

Sikhawmsele, an do le, an fâi le, Pawl nih a puan a thing le, an sinah, “Nan thihnâk mawh chu nanmah nih phurh ko u, kei lam chu ka thiang asi; tu thawk hen Phundang tla sinah ka kal lai,” a ti.