LUK 9:41 - Bawm Common Language Bible Version

⁴¹ Chun, Jisu nih, “Tu san minung lungnâk nei lo leh lungkhung le tla, zei tiang me nan sinah ka um lai le, ka nan sang kho na lai? Na fapa chu hinah hawng put,” a ti le, a sâng.

LUK 9:41 ပူးပေါင်းရင်းမြစ်များ

2 Lal 5:8

Khuavâng Elisa nih chu thu chu a theih rawh chun, lalchem sinah thu a chah, “Zei rangah kha hâwi hen na lawksawng? Kha minung kha ka sinah hawng fial, Israel ram ah khuavâng a um ti ka zauhtir lai,” a ti.

SAM 78:8

An thlâktu tla nih an hel le, ê-aw ngâilo mi leh bir tak a Pathian zumhnâk nei lo mi, a lakah zumhkâilo mi hâwi an silonâk ding hen.

EXODUS 10:3

Churawhchun, Mosi leh Aron nih lalchem sinah, “LALPA, Hebrai tla Pathian nih, ‘Zeitiang riamruam me ka sinah na hawng a pêk ding hi na êl awt? Ka minung tla suah na, an hawng ka sawnh khonâk ding hen.

EXODUS 16:28

Churawhchun, LALPA nih Mosi sinah “Zeitiang riamruam me nannih tla nih ka thupêk nan êl awt?

JEREMIA 4:14

Jerusalem, na thinlung ah mi sualnâk chu ṭâwl rawh, na him khonâk ding hen. Zei tiang riamruam me sualnâk na dawn awt?

NUMBER 14:11

LALPA nih Mosi sinah, “Zeitiang rêmruam me, hi zapi tla nih an hawng ka nawng awt? Zeitiang rêmruam me, an lakah thilchê tam tak ka ti khawm ah an ka zumh lo awt?

NUMBER 14:27

“Zeitiang rêmruam me hi zapi minung sual tla hi ka tlûnah an chipchiar awt? Hi chipchiarnâk tla hi ka theih tâwk rawh.

MATHAI 11:28

“Nannih rianṭuan hamh leh thilrit phurh zawzawng tla, ka sinah hawng kal ule, keimah nih ka nan dîntir na lai.

MATHAI 12:39

Anih nih chun an sinah, “Tu san sual tak leh ṭângdang pawmtâk mang tak mi nih chun singsiahnâk an hâwl le, sikhawmsele khuavâng Jona singsiahnâk cho lo chu an sinah singsiahnâk rerêng pêk an si lai lo:

MATHAI 12:45

Chu kâ hen a va kal le, amah ngâk hen sual dauh mi khuri dang pasarih a put na le, chunah chun an lût le, an um kumza tâwn le; chu minung umzia nehnûn lei chu a lân ngâk hen a ṭhalo khun tâwn. Chu hâwi ber hen tu san sual tla tlûnah hin a um teh lai,” ti hen, a sâng.

MATHAI 16:4

Tu san minung sual tak leh ṭângdang pawmtâk mang tak tla nih chun singsiahnâk an hâwl le, sikhawmsele Jona singsiahnâk cho lo chu an sinah singsiahnâk rerêng pêk asi lai lo,” a ti le, a sâng. Chun, anmah a mâk na le, a kaltâk ving na.

MATHAI 17:17

Chun, Jisu nih, “Tu san lungnâk nei lo leh simh har tla, zei tiang me nan sinah ka um lai le, zei tiang me ka nan sang kho na lai? Amah chu ka sinah hin hawngpi u,” a ti le, a sâng.

MATHAI 23:36

Thungâi tak hen ka nan simh na, chubang zawzawng chu tu san mi tla tlûnah a hawng tlung lai.

MATHAI 3:7

Sikhawmsele, Farisai tla leh Sadukai tla tam tak baptis ding hen an hawng kal mi a muh kâ hen an sinah, “Rûl thlâk tla, thinrunhnâk hawng tlung ding mi hi tektâk ding hen âunih an simh na?

MARK 10:14

Sikhawmsele, Jisu nih chu chu a muh rawh chun thungâi a lungsi lo; ṭhiruai tla sinah chun, “Ngâksia tetê tla ka sinah hawng kaltir ule, nar lah na u; Pathian Ram chu hi bang mi tla tâ asi.

MARK 10:49

Chun, Jisu chu a dîr le, “Amah chu kawh u,” a ti. Chun, mitchâw chu an kawh le, a sinah chun, “Lungngam tak hen um le, thawk rawh; a nan kawh,” an ti.

MARK 9:19

Chun, anih nih chun an sinah, “Tu san lungnâk nei lo le tla, zei ri me nan sinah ka um lai le? Zei ri me ka nan sang kho na lai? Amah chu ka sinah hawng ruai u,” ti hen a sâng.

LUK 8:25

Chun, an sinah, “Zeiah me nan lungnâk?” a ti. Chun, an ṭih le, thungâi chê an ti, “Hi hi âu me si le? Thli leh tî tiang khawm thu a pêk le, anna âwi e!” anna ti.

LUK 9:40

Chun, na ṭhiruai tla sinah nar ding hen ka ngiar na le, an ti kho lo,” a ti.

LUK 9:42

Chun, a hawng kal liauah khuri nih chun a thlûk chiam le, cherkhet hamh a pêk. Sikhawmsele, khuri nâwmtâm chu a fâi le, ngâksia chu a damh le, a pa sinah chun a kaltir nawlh rawh.

JOHAN 14:9

Jisu nih a sinah, “Philip, hi tiang nan sinah ka um le, chu khawm ah na hawng ka theih lo mu? Âuzawng hawng ka muhtu chu Pa muh asi, ‘Pa chu hawng ka zauhtir rawh,’ zeitin zia hen ti me na si?

JOHAN 20:27

Chun, Thom sinah chun, “Na kutdawng hen hawng tham le, ka kut tla hi zauh rawh; na kut hawng banh le, ka nâk tham rawh; lunglo hen um lah le, lung rawh!” a ti.

THILTI 13:18

Chun, kum sâwmli bo ramkaro ah khan a zauhkhenh na.

THILTI 2:40

Chun, thu dang cherkhet hen a simhfiang le, “Hi bang misual tla sinah rêpnâk tlung ding mi lakah a vêng u,” ti hen a fawrh na.

ROM 2:4

Asi lo leh, Pathian ṭhatnâk nih rimnâk ding hen a nan ruai na tâwn ti theihlo hen, a ṭhatnâk neih tam zia leh â zauh kho zia leh â dawnhkho zia chu nêp dîk hen ma nan ruat?

DEUTERONOMY 32:5

Sikhawmsele, nannih lam chu a mi siding hen zumh nan kâilo hen nan tlâklo. Phun sual tak leh perpet mang nan si.

HEBRAI 3:19

Chun, lunglonâk ruangah an lût kho lo rawh asi ti kan theih.

HEBRAI 4:11

Kan lakah âukhawm ê-aw ngâilo ruangah an lût kho lo phah mi hâwi kan si lonâk ding hen Pathian sinah lût leh a dîn ding hen kan chelh ri kan suah lai.

HEBRAI 4:2

Thâwngthâng Ṭha an sinah sim asi hâwi hen kan sin khawm ah sim asi. Sikhawmsele, an thu theih nih chun anmah tla a ṭhatvaktir lêm lo, an thu theih chu an lung tak lo ruangah.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.