LUK 9:1 - Bawm Common Language Bible Version

¹ Chun, Jisu nih leinih tla chu a pumh na le, khuri zawzawng tlûnah thiltikhonâk leh thuneihnâk leh nganfâk tla damh khonâk a pêk.

LUK 9:1 ပူးပေါင်းရင်းမြစ်များ

MATHAI 16:19

Vân Ram renh tla ka nan pêk lai le, tual tlûnah zeizawng na khap mi vial vân ah khap asi lai; tual tlûnah zeizawng na phal mi vial vân ah phal asi lai,” a ti le, a sâng.

MATHAI 4:24

Chun, Siria ram zawzawngah a thâwng a thang le, chun mi damlo zawzawng damlonâk leh nganfâknâk kip tuar tla, khuri vawnh tla, rualthlû tla, mi khêng tla a sinah an hawng put le, a damh ver na.

MATHAI 8:9

Kei khawm mi thu hen um kasi le, ka tangah kawrsen tla an um le, chu minung chu, ‘Kal rawh,’ ka ti chun a kal tâwn, midang sinah khawm, ‘Hawng,’ ka ti chun, a hawng tâwn. Ka to-aw sinah khawm, ‘Hi hi ti rawh,’ ka ti chun, a ti tâwn,” ti hen, a sâng.

LUK 10:1

Chun, chu nûnah chun Lalpa nih midang sâwmsarih panih tla a ruat na le, a kalnâk ding khua kip ah leh mun kip ah, amah lânah panih vima hen a fial na.

LUK 10:19

Rûl tla, tlâng cha-âi tla sirh khonâk thu leh mêlma thuneihnâk zawzawng neh khonâk thuneihnâk ka nan pêk na; zeikhawm nih nganfâk an pêk kho na lai loh.

JOHAN 14:12

Thungâi tak hen ka nan simh na, âuzawng hawng ka zumhtu nih chun thil ka ti mi tla hi anih khawm nih a ti bâk lai; hi ngâk a thil rokual khawm a ti lai, Pa sinah ka kal awt ruangah.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 3:16

Chun, amah min lung ruangah a min hen chun hi minung nan muh leh nan theih mi hi a chaktir rawh asi; chun amah ruangah lungnâk a hawng um mi nih chun nan ektê mitmuh ah a damtir ver asi.

THILTI 4:30

mi tla damtir ding hen nangnih na kut hawng phar, na to-aw thenhlimh Jisu min ruangah singsiahnâk leh thilchê tak tla titir na,” an ti.

THILTI 9:34

Chun, Peter nih a sinah, “Ainias, Jisu Krist nih chun a nan damh asi; thawk le, na tangphah zual rawh.