LUK 8:52 - Bawm Common Language Bible Version

⁵² Chun, an ektê hen an ṭap chur le, an ir anna chumh le; chun anih nih chun, “Ṭap lah u, a thi lo, a it mi asi,” a ti.

LUK 8:52 ပူးပေါင်းရင်းမြစ်များ

GENESIS 23:2

Kanaan ram Hebron ah a thi le, Abraham nih a thihnâk chu a ulh.

2 SAMUEL 18:33

Lalchem chu thungâi a ngaihsia le, kulh kawtkâ tlûnah in kardang ah a lût le, a ṭap rawh. A kal pah hen, “Ka fapa! Ka fapa Absalom! Absalom, ka fapa ti hen a ṭap. Na ruangrûl lam kei thi sele, ka fapa Absalom, ka fapa,” ti hen a ṭap.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

MATHAI 11:17

‘Theikhang ka nan tum piak na le, nan lâm ṭung lo; thungâi kan ṭap le, nan ir nan chumh ṭung lo,’ ti mi tla hâwi an si.

LUK 23:27

Chun, mi zapi tam tak leh nunau zeimaw mi tla nih ir chumh leh ṭap bû hen an zûl.

LUK 23:48

Chun, chu zauhnuam chu chuanh ding hen mi zapi an hawng a pûm mi tla zawzawng nih chun thil umzia chu an muh rawh chun an ir tla chumh lemang hen an tlung nawlh rawh.

LUK 8:51

Chun, in chu a va tlung rawh chun Peter, Johan leh Jem leh ngâksia nu leh pa cho lo chu âukhawm lût a siang lo.

LUK 8:53

A thi rawh ti an theih ko dangâiah an nihsanh ko.

JOHAN 11:4

Chun, Jisu nih chu chu a theih le, “Hi damlonâk hi thihnâk ding asi lo, Pathian rokualnâk ding asi dauh, Pathian Fapa chu hi ruang hin chawnglawmh asi khonâk ding hen,” a ti.