LUK 7:30 - Bawm Common Language Bible Version

³⁰ Farisai tla leh Dân sîntirtu tla lam chu a sinah baptis rawh mi an si lo le, anmah rangah Pathian nih rem a ruat piak na mi kha an duh lo.

LUK 7:30 ပူးပေါင်းရင်းမြစ်များ

THUFING LASUIBU 1:25

Krai ka nan pêk mi chu zeikhawm na siarlo le, lungfiang an suahtu ding khawm na duh lo.

JEREMIA 8:8

Zeitin fing leh ka dân theih hen nanna ruat zia? Zauhnik u, dân chu lasuirîntu zumhkâilo tla nih an thleng hep.

MATHAI 22:35

Chun, an lakah minung pakhat, Dân sîntirtu nih amah niknâk ding hen thu a deih.

LUK 13:34

“Aw, Jerusalem! Jerusalem! khuavâng tla thahtu, na sinah Pathian nih a hawng fial mi tla lung hen thi thlap sehtu, ârpinu nih a fa tla a thla tangah a khurh hâwi hen na fa tla vei zei zat me khurh ka tum mi kha! Sikhawmsele, na duh lo.

LUK 20:6

Chun, ‘Minung thu,’ kan ti chun, mi zawzawng nih lung hen hawng kan seh lai; Johan chu khuavâng si hen an ruat ruangah,” an ti.

LUK 7:31

Chun, Jisu ber nih “Tu san minung tla hi zei hen me ka tahṭhimh lai? Zei hâwi me an si?

THILTI 20:27

Pathian ruat zawzawng a ektê hen nan sinah simh kâ sûm lo kha.

ROM 10:21

Sikhawmsele, Israel mi tla thu lakah chun, “Mi ê-aw ngâilo leh hel mang tla rangah nî tlâk hen anmah lawmh duh hen ka bân ka phar tâwn kha,” a ti.

2 KORIN 6:1

Chun, Pathian zângfahnâk nan tawng mi chu ṭhatvakpi lo hen nan um lonâk ding hen Pathian hen kanna ṭuan bâwmnâk ah kan ngiar chiam na asi.

GALATIA 2:21

Pathian zângfahnâk chu ka veih lo, Dân ruangah repnâk a um asi chun Krist chu a thawt hen a thi mi asi lai.

EPHESI 1:11

Amah duhkâng a remruat hâwi vima hen thil zeizawng titu nih a tum mi ruatkan si rawh hen amah lakah ber a mi siding ah siam kan si,