LUK 7:22 - Bawm Common Language Bible Version

²² Chun, an sinah, “Kal nawlh ule, thil nan muh mi leh nan theih mi hi Johan va simh u; mitchâw tla an mit a hawng dei rawh, kekhêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla thawh hen an um rawh, mipâm tla khawm nih Thâwngthâng Ṭha simh an tawng rawh.

LUK 7:22 ပူးပေါင်းရင်းမြစ်များ

JOB LASUIBU 29:15

Mitchâw rangah mit kasi le, kekhêng rangah kê kasi.

SAM 146:8

mitchâw rangah muhnâk a pêk. A tlû mi tla chu a thawh na le; a mirep tla chu a dâwt na.

ISAI 42:16

“An kal dah lonâk lampi tla ah ka minung mitchâw tla chu ka rui na lai. An mâika ah mûi chu chêu ah ka changtir lai le, ram siakhâ chu rual zat hen ka siam lai. Hi bang tla hi ka thutiam asi le, pakhat khawm relhlo hen ka zûl lai.

ISAI 43:8

Pathian nih, “Lâirêlnâk in ah ka mi tla kawh na u. Mit chu an nei le, sikhawmsele an mit a chaw; nâ an nei le, khawmsele an nâ a sêt!

JEREMIA 31:8

Marlei thawk hen ka hawngpi na lai le, tual dawnghnâk ah mi chu ka pumh na lai. Mitchâw leh kekhêng tla, nunau a râi mi leh fa a ring awt mi tla anmah tla sinah an hawng bâk lai. Phun rokual tak an hawng si lai.

ZEPHANIAH 3:12

Mi thinlung nâu leh niam tak, ka sinah ṭangpi duh hen hawngtu cho chunah ka siah na awt.

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 21:14

Chun, Pathian Biakin ah mitchâw tla leh kekhêng tla a sinah an hawng kal le; anmah a damh na.

LUK 4:18

“Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

LUK 7:21

Chun, chu liau takah chun Jisu nih nganfâk tla, râipi vei tla, khuri vuanh tla tam tak a damh na le, mitchâw tam tak khawm an mit a deitir na.

LUK 7:23

Chun, âuzawng ka tlûnah lungsilonâk muh lotu chu an thaw a suak,” a ti le, a sâng.

JOHAN 1:46

Chun, Nathanael nih chun a sinah, “Nazaret ah thil ṭha a suak kho mazei?” a ti. Philip nih chun a sinah, “Hawng le zauh,” a ti.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

THILTI 8:7

Mi tam tak thawk hen thlarau nâwmtâm tla chu hâu fâk tak a âu hen an hawng suak. Zeng leh kekhêng tam tak tla khawm damh an si.

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.