LUK 7:13 - Bawm Common Language Bible Version

¹³ Chun, Lalpa nih chun numei chu a muh kâ hen thungâi a siherh le, “Ṭap lah,” a ti.

LUK 7:13 ပူးပေါင်းရင်းမြစ်များ

SAM 103:13

Pa nih a fa tla lakah thinlung a nei hâwi hen, LALPA nih amah zahtu tla lakah thinlung a nei.

SAM 86:15

Sikhawmsele, LALPA nang lam chu, khuaruat mang leh dâwttu Pathian na si; dawnh kho kumza leh vâlnei leh zumhkâi na si.

SAM 86:5

Nang chu kan lakah na ṭha hen na kan ngaihdam, na sinah thlachamtu chu dâwtnâk dawnglo na pêk.

ISAI 63:9

Anmah ruangsuah natu chu vânmifial asi lo, amah LALPA tak asi. A dâwtnâk leh a lungkhamnâk ruangah ruang a suah na mi asi. A lân khawm ah a zauhkhenh kumza na le,

JEREMIA 31:20

“Israel, nang chu ka fapa duh chem, ka nan dâwt chem mi na si. Na min ka sim kip ah ka nan dâwt mi ka dawn tâwn. Na sinah ka thinlung a um le; khua ka ruat lai.

MARK 8:2

“Mi zapi tla hi tu ah ni thum ka sinah an um rawh le, ei ding zeikhawm an nei lo ruangah thungâi ka zângfah na asi.

LUK 10:1

Chun, chu nûnah chun Lalpa nih midang sâwmsarih panih tla a ruat na le, a kalnâk ding khua kip ah leh mun kip ah, amah lânah panih vima hen a fial na.

LUK 11:1

Chun, veikhat chu Jisu chu zei mun ah mawh thla a cham. Thla a cham thluh rawh chun a ṭhiruai pakhat nih a sinah, “Lalpa, thlacham dân Johan nih a sîntir na hâwi khan hawng kan simh bâk me,” a ti.

LUK 11:39

Chun, Lalpa nih chun a sinah, “Nannih Farisai nih khêng leh hâi lênglei lam chu nan ṭâwl thiang tâwn; nan sunglei lam chu lêpnâk leh sual hen a khat fâwn.

LUK 12:42

Chun, Lalpa nih, “Sum kiltu zumhkâi fing tak a pu nih a tik zawng ah an tingvo buh ṭhen piak ding hen a dawngsung tla lakah hotu ah a siam ding mi chu âu chem me si lai?

LUK 13:15

Lalpa lam nih chun a sinah, “Nannih mi perpê tla, Dinhni ah mah chawpê mawh sanatung mawh a râwl einâk ah mi sût hen tî din ding hen nan kalpi chiau tâwn lo ma?

LUK 17:5

Chun, ṭhiruai tla nih chun Lalpa sinah, “Kan lungnâk pungtir,” an ti.

LUK 17:6

Chun, Lalpa nih chun, “Anṭam chî fang khat hâwi lungnâk nan nei chun, hi theipi kûng sinah hin, ‘Hawng a phâwi le, tisumsumriat ah va a phun, nan ti lai le, nan thu a âwi ko lai,” a ti.

LUK 18:6

Chun, Lalpa nih, “Lâirêltu replo thusim chu theih u.

LUK 19:8

Chun, Zakai chu a dîr le, Lalpa sinah chun, “Ngâinik, Lalpa, ka neih khingkhuai mipâm tla sinah ka pêk lai le, chun âu lakah tal zei thil tal lêp khawmsele aleh li hen ka rulh nawlh lai,” a ti.

LUK 22:61

Chun, Lalpa chu a hawng a hawi le, Peter chu a zauh rawh chun, Peter nih chun, Lalpa nih, “Tusûn ah hin âr a khuang lânah veithum na ka pheh lai,” a sinah a ti mi thu kha a hawng theih nawlh rawh.

LUK 24:3

chun, an lût le, Lal Jisu ruak chu an muh lo.

LUK 24:34

“Lalpa chu a thawknawlh tatak asi; Simon sin khawm ah â langh rawh!” an hawng ti.

LUK 7:12

Chun, kulh kawtkhâr kiang ah a va tlung rawh chun mithi an hawng zawnh le, a nu nih a fapa neihlem mi asi le, amah tâ nih numei asi fâwn; an khua mi tla tam tak chu a sinah an um.

LUK 7:14

Chun, a va naih le, lâng chu a tawngh le; chun a zawnhtu tla chu an dîr rawh. Chun, “Tlangvâl, thawk rawh, ka nan ti,” a ti.

LUK 7:19

Johan nih a ṭhiruai tla panih a kawh na le, Lalpa sinah chun a fial na le, “Hawng kal ding mi ma na si, midang kan ngâichâng lai rih ma?” ti hen.

LUK 8:52

Chun, an ektê hen an ṭap chur le, an ir anna chumh le; chun anih nih chun, “Ṭap lah u, a thi lo, a it mi asi,” a ti.

JOHAN 11:2

Mari sariak rimthâw, Lalpa chulh hen, a sam hen a kê nâwttu, kha ṭapa Lazar kha asi, a damlo mi chu.

JOHAN 11:3

Chun, a farnu le nih Jisu sinah, “Lalpa, ngâinik, na dâwt mi kha a damlo,” ti hen, mi an fial.

JOHAN 20:13

Chun, annih nih chun a sinah, “Nunau, zei rangah na ṭap?” an ti. Anih nih chun an sinah, “Ka Lalpa an kalpi le, an siahnâk ram ka theih lo ruangah!” a ti.

JOHAN 20:15

Jisu nih a sinah, “Nunau, zei rangah na ṭap?” Âu me na hâwl?” a ti. Anih nih chun, dûm zauhtu bei a ti le; a sinah, “Pu, amah hinah mi hi na kalpi asi chun, na siahnâk mun hawng ka simh le, chuvachun ka lâk lai,” a ti.

JOHAN 4:1

Chun, Jisu nih Johan ngâk hen ṭhiruai tam dauh a siam mi leh a baptis ti Farisai tla nih an theih ti Lalpa nih a theih kâ hen,

JOHAN 6:23

Sikhawmsele, Lalpa nih lâwmthu a sim nûnah sang an einâk mun kiang ah khan, Tiberia thawk hen lawnglêng tla a hawng tlung.

1 KORIN 7:30

ṭap le tla chu ṭap lo hâwi hen an um khonâk ding leh â lâwm mi tla chu lâwm lo hâwi a an um khonâk ding leh châwktu tla chu nei lo hâwi a an um khonâk ding leh

1 THESALONIKA 4:13

Sikhawmsele, unau tla, midang lungumnâk rerêng nei lo tla hâwi a nan lawksawng lonâk ding hen, thi mi tla thâwngthâng nan theih loh ka duh lo.

HEBRAI 2:17

Chun, mi tla rangah thutluangvawrnâk siam ding hen Pathian lei thu tla lakah bâwlpu lalchem siherhnâk nei kho mi leh zumhkâi tak asi khonâk ding hen zeizawng ah a unau tla hâwi hen a hawng um mi chu a rangah a herh rerêng asi.

HEBRAI 4:15

Bâwlpu lalchem kan chak lo zia hawng kan theihpi phanh lo mi neitu kan si lo, kanmah hâwi hen thu zeizawng ah lêmnâk tawng rawh mi, sual lam chu sual lo mi, neitu kan si dauh.

LÂIRÊL 10:16

Churawhchun, ramdang pathian chu kaltâk hen LALPA chu an sawnh rawh; chun Israel tuarnâk ruangah chun a lawksawng rawh.