LUK 7:12 - Bawm Common Language Bible Version

¹² Chun, kulh kawtkhâr kiang ah a va tlung rawh chun mithi an hawng zawnh le, a nu nih a fapa neihlem mi asi le, amah tâ nih numei asi fâwn; an khua mi tla tam tak chu a sinah an um.

LUK 7:12 ပူးပေါင်းရင်းမြစ်များ

GENESIS 22:12

“Ngâksia chu nganfâk pêk lah le, zeitin khawm ti lah” a ti. “Pathian na ṭih zia leh a lakah na fapa neihlem na ûi lo zia tuah ka theih rawh,” a ti.

GENESIS 22:2

Pathian nih, “Na fapa, na neihlem mi Isak, na dâwt thlo mi kha, put le, Moriah ram ah kal rawh. Chu ram mi tlâng kan muhtir ding mi ah chun bâwlnâk ah ka sinah hawng ap,” a ti.

2 SAMUEL 14:7

Pu, ka rualsia zawzawng nih keimah thangsiat an hawng ka phurh le, a unaupa a thah mi ruangah a thahtupa chu thah bâk ding an ka deih. Kei chu fapa lo hen um ding ko rawh, ka lungumnâk chem an veih ving lai le, ka pasal chu fapa lo hen a min a tlâu awt ko rawh,” a ti.

1 Lal 17:12

Anih nih, “LALPA na Pathian min sal hen ka sim asi, sang lam chu ka nei lo thlo. Ka neihlem mi chu sangvut zapai khat, oliv sariak dûr lakah zut khat ding cho ka nei. Hinah hin thing khawmh ding hen ka hawng mi asi, in ah ka tlung chun chu ka neihlem mi tâwmtê chu kei leh ka fapa rangah timhtuah ding hen. Chu chu kan buh einâk dawnghnâk asi lai le, churawhchun buh ngei hen kan thi awt ko rawh,” a ti.

1 Lal 17:18

Numeinu nih Elija sinah, “Pathian mi, zei rangah hi hâwi na ka ti? Hinah na hawng mi hi ka sualnâk theihtir ding leh ka fapa thihtir ding hen na hawng mi asi mu?” a ti.

1 Lal 17:23

Elija chu a tanglei ah a ṭum le, a nu sinah, “Zauhnik, na fapa chu a nung rawh asi,” a ti.

1 Lal 17:9

“Tuah Sidon kiangah mi Zarephat khuapi ah va kal le, chunah chun va um rawh; nangmah châwmtu ding hen chunah mi numei chu ka ruat rawh,” a ti.

2 Lal 4:16

Elisa nih, “kum vei tutik ding ah na kut hen fapa na pawm lai,” a ti. Nunau nih chun, “Pu, nang Pathian mi, ka sinah âwkrâwl thu sim lah ko!” a ti.

2 Lal 4:20

To-aw nih a nu sinah a tlungpi le, nî sûn tiang a êl tlûnah a pawm le, chu liau chir chun a thi rawh.

JOB LASUIBU 29:13

Mi lawksawng chem tla khawm nih an ka sawr le, numei tla chu him tak hen ka ṭangpi na.

ZEKARIA 12:10

“David thlâk leh Jerusalem ah midang um mi tla chu khuaruatnâk thlarau leh thlachamnâk thlarau hen ka khattir na lai. Thi thlo an sunh mi chu an zauh lai le, mi nih a fa neihlem tlûnah a lungfâk mi hâwi a lakah an lungfâk lai. An fa tîr thi mi lakah an lungfâk hâwi hen thungâi an lungfâk lai.

LUK 7:11

Chun, sâwtlotê ah khua pakhat Nain an ti mi ah chun a kal le, a ṭhiruai tla leh mi zapi cherkhet a sinah an kal bâk.

LUK 7:13

Chun, Lalpa nih chun numei chu a muh kâ hen thungâi a siherh le, “Ṭap lah,” a ti.

LUK 8:42

Fanu pakhat cho kum leinih ding mi a nei le, chu chu thi awt tetem hen a rîl ko ruangah. Chun, Jisu a kal liauah mi zapi nih an eng dûlmâl.

LUK 8:52

Chun, an ektê hen an ṭap chur le, an ir anna chumh le; chun anih nih chun, “Ṭap lah u, a thi lo, a it mi asi,” a ti.

JOHAN 11:19

chun, an ṭapa thih ruangah lungngamh ding hen Juda tla cherkhet Marthi leh Mari sinah an hawng kal.

THILTI 9:39

Chun, Peter chu a thawk le, an sinah a kal rawh. Chun, a tlung ka hen a tlûnah mi kardang ah an kalpi le; numei zawzawng chu a kiangah dîr hen, Dorka chu an sinah a um liauah a kawrdawh siam tla, a puan siam tla zauhtir bû hen an ṭap ver.

THILTI 9:41

Chun, Peter nih chun a kut a pêk le, a thawh rawh; mi thenhlimh tla leh numei tla chu a kawh na le, dam hen a muhtir na.

JEM 1:27

Hi hi Pa Pathian nih phung thu ah sawnh dân thenhlimh leh sawnh dân dik ding ah a ngaih mi chu asi; ngâkṭah leh numei tla nih hamh an tuar liauah zauhkhenh leh laikulh nâwmtâm buaih lo hen um hi.