LUK 5:8 - Bawm Common Language Bible Version

⁸ Chun, Simon Peter nih a muh rawh chun Jisu khup kiangah a bawkbukhup le, “Lalpa hawng ka kaltâk rawh, misual kasi,” a ti.

LUK 5:8 ပူးပေါင်းရင်းမြစ်များ

2 SAMUEL 6:9

Churawhchun, David nih LALPA a ṭih le, “Tuhin hi Thudântuk Bâwm hi ka sinah zeitin ka put kho lai,” a ti.

1 Lal 17:18

Numeinu nih Elija sinah, “Pathian mi, zei rangah hi hâwi na ka ti? Hinah na hawng mi hi ka sualnâk theihtir ding leh ka fapa thihtir ding hen na hawng mi asi mu?” a ti.

EXODUS 20:19

Mosi sinah, “Nangmah nih kan sinah thu sim le, kan ngâi lai; sikhawmsele Pathian nih kan sinah thu a sim mi chu kan ṭih, kan thi lebang lai,” an ti.

ISAI 6:5

Kei nih, “Kei rangah lungumnâk a um lo rawh! Thu sual ka simnâk mûr ruangah mi vânduai kasi, thu sual simtu nâwngah um mi kasi. Sikhawmsele, ka mit ngelchel nih Lalchem, LALPA Zeizawng tikho chu ka muh rawh,” ka ti

MATHAI 17:6

Chun, ṭhiruai tla nih chu chu an theih rawh chun tual lei an buk le, thungâi an lâu.

MATHAI 2:11

Chun, in sungah an va lût le, a nu Mari sinah nâutê chu an muh le, an bawk le, mâi an mûk; chun, an robâwm tla an awng le, a sinah chun lâwmman ngûn tla, bawrâw tla leh murrah tla an pêk.

MATHAI 8:8

Chun, kawrsen zâ hotu nih chun, “Lalpa, ka in sung na lûtnâk tlâk asi lo; thu cho sim le, ka to-aw a dam ko lai.

LUK 5:7

Chun, lawng dang ah an hâwi tla chu anmah hawng bawmh ding hen kut hen an kawh na. Chun, an hawng kal le, lawng panih chu pil dedêng hen khat phak vevê hen an râwn.

LUK 5:9

An ngâ tleih chu amah leh a hâwi tla hen thungâi chê an ti.

JOHAN 11:32

Chun, Mari chu Jisu umnâk chu a va tleng le, a muh kâ hen a kê bul ah a bawkbukhup le, a sinah, “Lalpa, hinah um le chu, ka ṭapa a thi lo ding mi,” a ti.

1 KORIN 13:12

Tu lam chun thlalang ah ka muh rianruan asi, chu tikah lam chun mâitawnh hen asi lai rawh; tuah lam chun a kim lo hen ka theih, chu tikah lam chun Pathian nih a hawng ka theih kim hâwi hen ka theih kim lai rawh.

THUPHUANG 1:17

Chun, amah chu ka muh kâ hen mithi hâwi bang hen a kê bul ah ka tlû rawh. Chun, anih nih chun a kut vawrhlei chu ka tlûnah a thâng le, ka sinah, “Ṭih lah, kei masa chem leh madung chem leh,

LÂIRÊL 13:22

Manoah nih a nupi sinah, “Pathian kan muh ruangah kan thi ding ko rawh,” a ti.

1 SAMUEL 6:20

Churawhchun, Beth Semes mi tla nih chun, “LALPA, Pathian thenhlimh mâika ah âu a dîr kho lai? Kan lakah mi ṭhial ding hen zei leiah kan kaltir lai rawh,” an ti.