LUK 5:34 - Bawm Common Language Bible Version

³⁴ Jisu nih an sinah, “Mo lawmhpitu tla sinah a pasal ding mi a um kar vial mo lawmhpitu tla chu nan ngeitir kho na tâwn mazei?

LUK 5:34 ပူးပေါင်းရင်းမြစ်များ

LA TLA LA 5:8

Jerusalem nu tla, hawng ka dawttupa nan muh chun, amah duh ruangah ka uai thlo rawh ti simh ding hen ka sinah thu a tiam u. Nunau tla nih

LA TLA LA 6:1

Nunau lakah â dawh chem mi, kha zeiah a nan dâwttu a kal? A nan dâwttu kalnâk lampi hawng kan simh le, churawhchun amah tawng ding hen kan ṭangpi kho lai. Nunau nih

ISAI 54:5

Nangmah a nan siamtu a min LALPA Zeizawng tikho chu na rangah pasal hâwi asi lai. Israel Pathian thenhlimh laikulh zawzawng lâirêltu nih ruang a nan suah lai.

ISAI 62:5

Tlangvâl nih nungâk thenhlimh mo a lâk mi hâwi hen A nan siamtu nih a nan umpi lai. Pasal chu a nupi thar lakah â lâwm mi hâwi hen, Na Pathian chu na lakah â lâwm lai.

ZEPHANIAH 3:17

LALPA, nan Pathian chu nan sinah a um le; a thiltikhonâk nih nehnâk an pêk na. LALPA chu nan lakah â lâwm lai le, amah dâwtnâk ah nunchan thar a nan pêk na lai. Nan tlûnah la sak hen â lâwm lai.

MATHAI 22:2

“Vân Ram chu lalchem âumawh a fapa rangah lâwinâk puai tuah mi hen tahṭhimh asi.

MATHAI 9:15

Chun, Jisu nih an sinah, “Mo lawmhtu tla sinah a pasal ding mi a um kar vial chu mo lawmhtu tla nih chun an ulh kho mazei? Sikhawmsele, a pasal ding mi chu an sinah mi kalpi ving ni tla a tlung teh lai, chu tikah lam chun buh an ngei teh lai.

LUK 5:33

Chun, annih nih chun a sinah, “Johan ṭhiruai tla nih buh an ngei lemang le, thla an cham tâwn; Farisai tla khawm nih chu hâwitê hen an ti tâwn. Sikhawmsele, na ṭhiruai tla nih chun an ei hen an din tâwn,” an ti.

LUK 5:35

Sikhawmsele, a pasal ding mi chu an sin thawk hen lâk ving ni a hawng tlung lai, chu ni ah lam chun an ngei teh lai,” a ti.

JOHAN 3:29

Mo neitu chu mo pasal chu asi; sikhawmsele, mo pasal hâwipa dîr hen a thu theihtu chu mo pasal aw ruangah thungâi hen â lâwm tâwn; churuangah, tuhin ka lâwmnâk a rangtling rawh asi.

2 KORIN 11:2

Pathian thîknâk hen asi ka nan thîk na; Krist sinah chun nungâk thenhlimh hâwi hen ka nan pêk kho na bâk ding hen, mi pakhat, Krist chu kan hual piak na ko asi.