LUK 5:30 - Bawm Common Language Bible Version

³⁰ Chun, Farisai tla leh Dân sîntirtu tla hen, anmah murui lakah mi, a ṭhiruai tla tlûnah an chipchiar le, “Zei rangah me siah khawlhtu tla leh misual tla sinah nan ei hen nan din?” an ti.

LUK 5:30 ပူးပေါင်းရင်းမြစ်များ

ISAI 65:5

Churawhchun, midang tla sinah, ‘Kan sinah mi a kiang u, nannih tawngh ding hen kanna thenhlimh tuk! Chubang mi tla hâwi hen ka dîr kho lo, an lakah ka thinthawknâk chu mei mit kho lo mi hâwi asi.

MATHAI 5:46

An dâwt natu cho nan dâwt chun lâwmman zei me nan tawng lai? Siah khawlhtu tla khawm nih chu hâwi hen an ti bâk lo mazei?

MATHAI 9:11

Chun, Farisai tla nih chu chu an muh rawh chun a ṭhiruai tla sinah, “Zei rangah me nan sîntirtu nih siah khawlhtu tla leh misual tla sinah a ei le?” an ti.

MARK 2:16

Chun, Farisai tla lakah Dân sîntirtu tla nih chun Jisu nih misual tla leh siah khawlhtu tla a dûmpi na mi an muh rawh chun, a ṭhiruai tla sinah chun, “Zei zia me siah khawlhtu tla leh misual tla sinah a ei hen a din?” an ti.

MARK 7:3

(Farisai tla leh Juda tla zawzawng nih chun upa thurovuih chu an tleih thlir ruangah an kut ngenh tak hen an ṭâwl lo chun an ei dahlo.

MARK 9:16

Chun, anih nih chun an sinah, “Annih tla hen zei thu me nanna êl?” ti hen a deih na.

LUK 18:11

“Farisai chu a dîr le, amah lâwng hen hi hâwi hen thla a cham: ‘Pathian, midang hâwi hen lêp mang le, replo le, ṭângdang pawmtâktu kasi lo ruangah leh hi siah khawlhtu hâwi khawm hi kasi lo ruangah na tlûnah ka lâwm.

LUK 19:7

Chun, chu chu an muh kâ hen an ektê hen, “Misual sinah tlung ding hen a lût rawh khi! ” an ti le, an chipchiar.

LUK 5:17

Chun, ni khat chu a sîntir na liauah Farisai tla leh Dân sîntirtu tla an to le, chubang tla chu Galili leh Judai ram khua kip thawk hen leh Jerusalem thawk hen hawng mi tla an si le; chun mi damhtir ding hen Lalpa thiltikhonâk chu a sinah a um.

LUK 5:21

Chun, Dân sîntirtu tla leh Farisai tla nih chun, “Pathian simsiattu hi âu me si le? Pathian cho lo nih chun âunih me sual tla ngaihdam kho?” ti hen, an ruat.

LUK 7:34

Minung Fapa a hawng kal le, a ei hen a din le, nannih nih, ‘Zauhnik u, ei chak mi, uain din chak mi, siah khawlhtu tla leh misual tla hâwi khi, nan ti fâwn.

LUK 7:39

Chun, a sâwmtu Farisai nih chun chu chu a muh rawh chun a thinlung hen, “Hi minung hi khuavâng asi chun a tawnghtu nunau hi âu me asi, zei hâwi mi me asi, theih ding mi tak, misual asi dangâiah,” a ti.

THILTI 23:9

Chun, thungâi anna nawk rawh; Farisai leiah mi Dân sîntirtu tla zeimaw mi an dîr le, an êl, “Hi minung hi a sualnâk zeikhawm kan theih loh; thlarau khawm nih vânmifial khawm nih hawng kan sawnh menza khawmsele zei me pawi lai?” a ti.