LUK 5:12 - Bawm Common Language Bible Version

¹² Chun, khua pakhat ah a um liauah mi pakhat a pum hen phâr mi a um. Anih nih chun Jisu a muh le, a bawk le, “Lalpa, na duh chun na hawng ka thiangtir kho,” a ti le, a ngiar chiam.

LUK 5:12 ပူးပေါင်းရင်းမြစ်များ

GENESIS 18:14

LALPA rangah thil a har mi a um mazei? Ka sim hâwitê hen tu thawk hen a thla kuanâk ah ka hawng kîr nawlh lai le, Sari nih fapa a nei lai,” a ti.

1 Lal 18:39

Chubang chu mi zapi minung nih an muh rawh chun tual ah anna lawnh ro le, “LALPA chu Pathian asi, LALPA cho chu Pathian asi!” ti hen an âu.

2 Lal 5:1

Siria lalchem kawrsen hotu Naaman chu LALPA nih amah mang hen Siria tla nehnâk a pêk ruangah lal nih thungâi hen sunhsak hen a putso. Kawrsen zahkâi tak asi, sikhawmsele phâr vei mi asi.

2 Lal 5:27

Tuah Naaman phârnâk chu na lakah a hawng tlung lai, nang leh na thlâk tla nih nan nei pawt lai rawh!” a ti. Churawhchun, Gehazi chu a kal le, râi a vei chawlh le, a vun chu vûr hâwi hen a ngo rawh.

2 Lal 7:3

Samaria kulh lênglei ah phâr pali um mi tla nih, “Zei rangah thihnâk ngâk hen hinah kan um ko.

1 CHRONICLES 21:16

David nih vânmifial a nâmsâu put hen Jerusalem râwk ding sek hen vân lâi ah dîr mi a muh. Churawhchun, David leh zapi tla ruitu zawzawng nih salâpuan anna aih le; an mêl tual tawngh khet hen an kûn.

SAM 50:15

Na lawksawngnâk ni ah hawng ka auh le, ruang ka nan suah lai, nangnih ka thang na ṭhattir lai.”

SAM 91:15

An hawng ka auh tikah ka sâng na lai le; an lawksawng tikah an sinah ka um lai. Ruang ka suah na lai le, thangṭhatnâk ka pêk na lai.

EXODUS 4:6

LALPA nih Mosi sinah thu a sim nawlh le, “Na kawrdawh sungah na kut thuh,” a ti. Mosi nih chu hâwi hen a ti le; a kut a hawng thuak le, a kut chu phâr hen vûr hâwi hen a vâr.

LEVITICUS 13:16

A mâ chu a hawng dam hen, a hawng ngo nawlh chun, chu minung chu bâwlpu sinah a va kal nawlh lai le,

LEVITICUS 9:24

Lâkkhat ko ah LALPA nih mei a hawng thlâk le, mâichâm tlûnah duahphung thil ap leh a thâu chu a kâng hep. Chu chu zapi tla nih an muh le, an ektê hen an âu le, tual leiah an buk hep.

MATHAI 26:6

Chun, Jisu chu Bethani ah, phâr Simon in ah a um liauah,

MATHAI 9:28

Chun, in ah a lût rawh chun mitchâw tla chu a sinah an hawng kal le; chun Jisu nih an sinah, “Hi hi ti kho ding hen nan ka zumh ma?” a ti. Annih nih chun a sinah, “Zumh ta a, Lalpa,” an ti.

MARK 5:23

“Ka fanu ngâksiatê a thi awt ngâi le, â panh hen a hawng dam khonâk ding hen hawng kal le, a tlûnah na kut thâng ding hen ka nan ngiar,” ti hen, a ngiar chiam.

LUK 17:16

Chun, Jisu kê bul ah a bawkbukhup le, a lâwmthu a sim. Chu minung chu Samaria mi asi ngengê.

LUK 5:13

Chun, Jisu nih chun a vuanh le, a tawngh, “Ka duh, thenhlimh rawh,” a ti. Chun, zeikarlo ah a phâr chu a tlâu rawh.

DEUTERONOMY 24:8

“Vun râi nan nei chun, Levi bâwlpu nih an sim ziatê hen ti ding mi kha theih ule; sîntirnâk ka pêk na mi kha zûl u.

HEBRAI 7:25

Chun, amah lakah Pathian sinah hawng kal mi tla chu a dawngh tiang hen ruang a suah kho asi, anmah tla rangah thlacham piak hen zungzâl hen a nung kumza ruangah.

JOSUA 5:14

“Zei leikâng mi khawm ka silo,” ti hen chu minung nih a sâng. “Kei chu hinah LALPA kawrsen tla thupêktu ah um mi kasi,” a ti. Josua chu a mâika ah a bawkbukhup le, a mâimûk le, a sinah, “Pu, na to-aw kasi, zei ti ding na ka duh?” a ti.