LUK 4:8 - Bawm Common Language Bible Version

⁸ Chun, Jisu nih a sinah, “Lalpa na Pathian mâimûk le, amah rian cho ṭuan rawh, ti rîn asi,” a ti le, a sâng.

LUK 4:8 ပူးပေါင်းရင်းမြစ်များ

2 Lal 19:15

“LALPA, Israel Pathian; thilnung thla tlûn leiah na laltophah ah to mi, nangmah cho Pathian na si, laikulh ram zawzawngah lâi na rêl, nangnih tual leh vân na siam.

SAM 83:18

Nangmah cho chu LALPA leh tual ah lâirêltu lian na si ti an theihnâk ding hen.

ISAI 2:11

Minung khâwngnâk dawnghnâk, minung zûmnâk veihnâk a hawng tlung awt. Churawhchun, LALPA amah cho chu chungnungtir hen a um lai.

MATHAI 16:23

Anih lam chu â her le, Peter sinah chun, “Setan, ka dung leiah kal! ka rangah tlûknâk na si; Pathian thil tla ruat lo hen minung thil tla na ruat dauh mahi,” a ti.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

LUK 4:4

Chun, Jisu nih a sinah, “Minung hi sang cho hen an nung lai loh, ti rîn asi,” a ti le, a sâng.

LUK 4:7

Chuvachun, mâi hawng ka mûk le, a ektê hen na tâ ver asi lai,” a ti.

DEUTERONOMY 10:20

LALPA nan Pathian thu cho ngâi ule, amah cho sawnh u. A sinah zumhkâi tak hen um ule, amah min cho hen thutiamnâk nei u.

DEUTERONOMY 6:13

LALPA nan Pathian chu ṭih ule, amah cho chu sawnh u, amah min cho hen thutiamnâk nei u.

JEM 4:7

Churuangah, Pathian thu thu hen um u. Diabol do ule, chun an tektâk na lai.

1 PETER 5:9

Nan unau laikulh ah um mi tla lakah chun chu hâwi tuarnâk chu a hawng tlung bâk ti theih hen bir tak a lung bû hen amah chu do u.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 22:9

Chun, anih nih chun ka sinah “Hi hâwi hen ti lah, kei chu nangmah leh na unau khuavâng tla leh hi lasuibu thu zûltu tla hâwi hen to-aw kasi bâk, Pathian sawnh dauh rawh,” a ti.

1 SAMUEL 7:3

Samuel nih Israel mipi tla sinah, “LALPA leiah nan kîr ding tak asi chun nan thinlung zawzawng hen ramdang pathian tla leh pathiannu Astarte lem tla lakah nanna thliar ding asi. Nanmah tak kha LALPA sinah a pumpêk tlak ule, chu tikah Philistia thiltikhonâk ah mi chu ruang an suah na lai,” a ti.