LUK 4:41 - Bawm Common Language Bible Version

⁴¹ Chun, khuri tla khawm, “Pathian Fapa na si,” ti hen, an âu le, mi tam tak paw sungah mi an hawng suak. Chun, anmah tla a fâi le, Mesia asi ti an theih le, an hawlh a siang lo.

LUK 4:41 ပူးပေါင်းရင်းမြစ်များ

MATHAI 26:63

Jisu lam chu a dâisip. Chun, Bâwlpu Lalchem nih chun a sinah, “Pathian nung min hen ka nan fâi. Mesia, Pathian Fapa chu na si ma? Hawng kan simh,” a ti.

MATHAI 4:3

Chun, Diabol chu a hawng kal le, “Pathian Fapa na si chun hi bang lung hi sang ah chang ding hen thu pêk rawh,” a ti.

MATHAI 8:16

Chun, zânleibâi ah chun, a sinah khuri vuanh tla tam tak an hawng put le; chun thu hen khuri tla a nar le, damlo zawzawng tla chu a damh na le:

MATHAI 8:29

Chun, annih nih chun, “Pathian Fapa, kannih leh nang zei kanna tlâinâk um? Tik tiamh tling lânah hawng kan rêp ding hen na hawng mi masi?” ti hen an âu.

MATHAI 8:4

Chun, Jisu nih a sinah, “Âukhawm simh lo ding hen a thiamthih rawh; khawmsele chu bâwlpu sinah vâ a zauhtir le, Mosi nih thilpêk ding a ruat mi kha ap rawh, an theihfiangnâk ding hen,” a ti.

MARK 1:25

Chun, Jisu nih a fâi le, “Dâisip, a sungah mi hawng suak rawh,” a ti.

MARK 1:32

Chun, zânleibâi ah nî a tlâ nûnah chun damlo zawzawng leh khuri vuanh tla a sinah an hawng put.

MARK 1:34

Chun, mi cherkhet nganfâk kip hen fâk tla chu a damh na le, khuri cherkhet a nar na; khuri tla nih chun amah an theih ruangah an hawlh ding a siang lo.

MARK 3:11

Khuri nâwmtâm tla khawm nih amah chu an muh kip hen a mâika ah bawkbukhup hen, “Nang, Pathian Fapa chu na si,” ti hen, an âu tâwn.

LUK 4:39

Chun, a kiangah a dîr le, a râifanh chu a fâi le, a reh rawh le; chun a thawk sawm le, an herh phung a timhtuah piak na rawh.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JEM 2:19

Pathian chu pakhat asi ti na lung mu? A ṭha, khuri tla khawm nih an lung le, lâu hen an thir tâwn,” a ti lai.