LUK 4:23 - Bawm Common Language Bible Version

²³ Chun, anih nih chun an sinah, “Nannih nih hi tahṭhimh thu hi ‘Daktawr, nangmah a damh rawh,’ Kapernaum ah na thilti kan theih mi zawzawng kha hinah nangmah khua leiah khawm hin ti bâk,’ ti hen, nan ka ti ngelchel awt hi,” a ti.

LUK 4:23 ပူးပေါင်းရင်းမြစ်များ

MATHAI 13:54

Chun, a umnâk khua lei chu a va tleng le, anna pûmnâk in ah chun anmah a sîntir na le, chuvachun thungâi chê an ti le, “Hi minung nih hin hi finghnâk leh hi bang thiltikhonâk tla hi zei thawk hen me a tawng?

MATHAI 4:13

chun, Nazaret a kaltâk le, Kapernaum ah a va um le, chu chu Zebulun leh Naphtali bial ah rilî kap ah um mi asi.

MATHAI 4:23

Chun, Jisu nih anna pûmnâk in tla ah sîntir na hen Ram Thâwngthâng Ṭha chu sim hen, mi le tla lakah nganfâk kip leh chaklonâk kip damh hen Galili ram zawzawng a ṭawl.

MARK 6:1

Chun, chu thawk hen chun Jisu chu a suak le, a umnâk khua lei chu a tlung le, a ṭhiruai tla nih chun an zûl vima.

LUK 2:39

Chun, Lalpa Dân hâwi vima hen thil zawzawng an ti rawh chun Galili ram ah anmah khua Nazaret ah chun an tlung nawlh rawh.

LUK 2:51

Chun, an sinah a kal le, Nazaret chu an va tleng le, an thu zâwt hen a um. Chun, a nu nih chun chubang thil zawzawng chu a thinlung ah a kil ko.

LUK 4:16

Chun, a ṭhangliannâk Nazaret chu a va tlung le; chun Dinhni ah a ti dân kumza hâwi hen pumhnâk in ah a lût le, rêl ding hen a dîr.

LUK 4:31

Chun, Galili ram ah khua pakhat Kapernaum ah chun a kal rawh. Chun, Dinhni ah mi tla a sîntir le;

LUK 4:35

Chun, Jisu nih a fâi le, “Dâisip le, a sungah mi hawng suak rawh,” a ti. Chun, khuri nih chun a lâi ah a thlûk le, nganfâk pêk lo hen a sungah mi chu a suak rawh.

LUK 6:42

Mah mit lakah mi kân um mi chu muhlo hen na unau sinah, ‘Unau na mit lakah mi fungrêu kha hawng ka thawhtir,’ zeitin na ti kho le? Mi perpê, na mit lakah mi kân kha thawh masa rawh, chun na unau lakah mi fungrêu chu thawh ding hen fiang tak hen na muh lai.”

JOHAN 4:28

Chun nunau nih chun a tibêl a kaltâk le, khua ah a kal, mi zapi sinah,

2 KORIN 5:16

Churuang chun tu thawk hen kannih lam nih chun taksa leiah chun âukhawm kan theih lai lo rawh; taksa leiah Krist chu theih rawh khawmsele tu lam chun kan theih nawlh lo rawh.