LUK 4:18 - Bawm Common Language Bible Version

¹⁸ “Riangvâi tla sinah Thâwngthang Ṭha sim ding hen sariak hawng ka thuh ruangah Lalpa Thlarau chu ka tlûnah a um. Anih nih chun sal tla sinah suahnâk thu leh mitchâw tla sinah mitdei nawlhnâk thu sim ding hen, nehsawh tuar tla suaktirnâk ding tla

LUK 4:18 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

2 CHRONICLES 34:27

Jerusalem leh a mi tla rêp ding hen thihnâk thu na theih rawh chun na nipuan thlêk hen leh ṭap hen ka mâika ah nâu tak hen na rim.

SAM 102:20

Rêngtlâ rûm hâu tla a theih le, thi ding hen an mawhtir rawh mi tla chu a suah na.

SAM 147:3

Thinlung fâk tla chu a damh na hen, an mâ tla a tuam piak na.

SAM 2:2

An lal tla an hel le, An lâirêltu tla nih LALPA leh a thîm mi lal chu an phiar.

SAM 2:6

“Ka tlâng thenhlimh Zion ah, ka lal chu ka toh rawh,” a ti.

SAM 34:18

Mizer tla sinah LALPA chu a nâi; lungumnâk nei lotu tla chu ruang a suah na.

SAM 45:7

Diknâk chu na duh le, sualnâk chu na hua. Churuangah asi, Pathian, na Pathian nih a nan thîm mi chu, Lal dang zawzawng ngâk hen lâwmnâk tam dauh an pêk.

SAM 51:17

Pathian, ka bâwlnâk chu thinlung nâunâk asi, Mi â nâutir mi leh thinlung ah rim mi chu na nawng lo.

ISAI 32:3

Zapi minung thilherh lakah an nâ a fîm hen an mit a dei lai.

ISAI 35:5

Mitchâw nih a muh kho lai le, nasêt khawm nih a theih lai. rawh.

ISAI 42:7

Mitchâw mit na deitir lai le, rêngin mûi ah to mi tla chu na suah na lai.

ISAI 45:13

Keimah nih Kirus chu ka thiltum rangtlingtir leh diktir ding hen a thinlung ka thawktir mi asi. A kalnâk lampi ka dingtir lai. Anih nih ka khuapi Jerusalem a sak nawlh lai le, ka mi saltâng tla a suah na lai. Hi ti ding hen âukhawm nih an mang hen an nawh mi asi lo,” a ti. LALPA, Zeizawng tikho nih a sim asi.

ISAI 49:9

Rêngtlâ mi le sinah, ‘Thawsuak tak hen Kal u!’ ka ti lai le, mûi lakah um mi tla sinah ‘Chêu leiah hawng suak u!’ ka ti na lai! Tlângah dawrâ tla an tlawng mi hâwi an si lai le;

ISAI 50:4

Mi chaklo tla chu ka chaktir khonâk ding hen LALPA zahkâi nih sim ding mi chu a hawng ka sîntir. Zîng siar hen hawng ka sîntir mi lakah ngâi ding hen thinlung thawknâk hawng ka pêk.

ISAI 57:15

“Kei chu Pathian thenhlimh leh sâng tak um kumza mi chu kasi. Mun sâng leh mun thenhlimh ah ka um le, sikhawmsele an lungnâk leh lungumnâk ka neitir nawlh kho na ding hen mi â nautir mi leh sual rim mi sinah khawm ka um ber.

ISAI 59:21

Nan sinah thudântuk ka siam asi: Nan tâ si kumza ding hen ka thiltikhonâk leh sîntirnâk ka nan pêk na, tu thawk hen ka thu tla nan zâwt hen, nan fa tla leh nan thlâk tla tik a hawng um ding mi zawzawng lakah zûl kumza ding hen sîntir na u,” a ti.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

ISAI 66:2

Keimah nih laikulh pumpi ka siam mi asi! Nâu tak hen um mi tla leh rim hen hawng ka ṭih hen ka thu zûltu tla lakah chun ka lâwm.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

DANIAL 9:24

“Hun sarih, kum sâwmsarih chu sual lo thlo hen khuapi thenhlimh leh na mi tla an um ding mi a sâwt kar zawng Pathian nih a ruat mi zat asi. Sualnâk chu ngaihdam asi lai le, repnâk chu birhtir asi lai, chu tikah langhnâk leh simhkannâk chu a dik lai rawh, Biakin thenhlimh khawm ap nawlh asi lai rawh.

ZEPHANIAH 3:12

Mi thinlung nâu leh niam tak, ka sinah ṭangpi duh hen hawngtu cho chunah ka siah na awt.

ZEKARIA 11:11

Chu ni ah chun thudântuk chu râwk asi rawh. Hi bang dawrâ rual châwktu leh zuartu nih hin an ka zauh thlingthlâk le, ka thilti lakah LALPA nih thu a sim mi asi ti an theih.

MALAKI 4:2

Sikhawmsele ka thu ngâitu tla rang chun ruangsuahnâk thiltikhonâk chu nan lakah repnâk nî hâwi hen a hawng suak lai le, nî chêu hâwi hen damhnâk a hawng put lai. Chawlâ a rung lakah mi an suah le, thawsuak tak hen a um hâwi hen an lâwptlo lai.

MATHAI 11:5

mitchâw tla an mit a dei rawh, ke khêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla khawm thawh hen an um rawh, mipâm tla sinah Thâwngthâng Ṭha sim asi rawh.

MATHAI 12:18

“Zauhnik, ka to-aw ka thîm mi, ka duhtak, ka thinlung nih thungâi a lawmh mi hi. A tlûnah ka Thlarau ka siah lai le, chun phundang tla sinah lâirêlnâk thu a sim lai.

MATHAI 12:20

Neh ding hen lâirêlnâk ah a fial lânlo chu lâiluang fawp a thlawngh lai lo, la khû khawm a mih lai loh.

MATHAI 4:16

Mûi nâwng ah to tla nih chun chêu fâk tak an muh lai, Thihnâk mun leh a thlaliah ah um mi tla tlûnah chun, chêu a hawng suak rawh,’ ti hen, a sim mi kha a hawng tlung khonâk ding hen.

MATHAI 5:3

“Thlarau leikâng ah thinlung hamh mi tla chu an thaw a suak; Vân Ram an tâ asi ruangah!

LUK 4:17

Chun, khuavâng Isai lasuibu chu a sinah an pêk. Chun, lasuibuzual chu a samh le, hi thurînnâk hi a tawng le;

LUK 6:20

Chun, a vân a tâu le, a ṭhiruai tla chu a zauh na le, “Nannih ngâkṭah tla, nan thaw a suak, Pathian Ram nan tâ asi ruangah!

LUK 7:22

Chun, an sinah, “Kal nawlh ule, thil nan muh mi leh nan theih mi hi Johan va simh u; mitchâw tla an mit a hawng dei rawh, kekhêng tla kê hen an kal rawh, phâr tla an thiang rawh, nasêt tla khawm an nâ a fîm rawh, mithi tla thawh hen an um rawh, mipâm tla khawm nih Thâwngthâng Ṭha simh an tawng rawh.

JOHAN 1:41

Anih nih chun a masa chem hen a unau Simon a muh le; a sinah, “Mesia kan tawng rawh,” a ti, (Sariak Thuh an ti mi chu),

JOHAN 12:46

Chêutirtu ah laikulh ah hawng kal kasi hi, âuzawng hawng ka zumhtu vial chu mûi ah an um kumza lonâk ding hen.

JOHAN 3:34

Pathian fial mi nih chun Pathian thu a sim tâwn; anih nih chun a Thlarau khatnâk rangtling a pêk.

THILTI 10:38

nannih nih nan theih bâk khateh; Nazaret Jisu kha, kha hâwi hen Pathian nih anih chu Thlarau Thenhlimh leh thiltikhonâk hen a vurh zia kha; anih nih chun mi tlûnah ṭhattir leh diabol nehsawh zawzawng damh hen a ṭawl tâwn le, Pathian a sinah a um.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

THILTI 4:26

Laikulh lalchem tla nih an do; chun hotu tla khawm anna pûm le, Lalpa leh a Mesia tlûnah chun, ti hen.

THILTI 4:27

Hi khua ah hin na to-aw thenhlimh, na sariak thuh Jisu tlûnah khan Herod leh Pontia Pilat hen, Phundang leh Israel mi tla hen anna pûm chiam asi,

KOLOSA 1:13

Anih nih chun mûi thuneihnâk lakah mi hawng kan suah hen a Fapa zângfah tak ram ah hawng kan ṭhial rawh le;

JEM 2:5

Unau tla, ngâinik u, Pathian nih chun hi laikulh ah mipâm tla chu lungnâk nei tam ding leh amah dâwttu tla sinah Ram a tiamh mi luahtu ding hen a thîm na asi.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.