LUK 2:41 - Bawm Common Language Bible Version

⁴¹ Chun, kum siar hen Kût tikah chun a nu leh a pa chu Jerusalem ah an kal tâwn.

LUK 2:41 ပူးပေါင်းရင်းမြစ်များ

EXODUS 12:11

Kal sek ding hen tîm chia hen, nan kê lakah pheikawk bunh hen, nan kut ah ṭhianṭhunh put hen khulrang hen ei u. LALPA, kei nan hawng ka zahnâk ding hen Kalkanh Kût asi.

EXODUS 12:14

Hi hi Kei LALPA Pathian nih thil ka ti mi nan theih nawlh lemang ding hen Pathian lei phung nan ulh tâwn ding asi. Mâilei khawm zeiliau zawng ah nan ulh kumza ding asi,” a ti.

EXODUS 34:23

“Kei LALPA, Israel Pathian hawng ka sawnh ding hen nan mipa vial kum khat ah veithum nan hawng ding asi.

LEVITICUS 23:5

Kalkanh Kût chu LALPA zah zauhtirnâk ding hen ulh u, a thla khatnâk ni leili nî a tlâk ah a dawmh u.

NUMBER 28:16

LALPA zahnâk ding ah Kalkanh Kût chu a thla khatnâk ni leilinâk ah mang ding asi.

LUK 2:42

Chun, Jisu chu kum leinih asi liauah kût dân hâwi hen an va kal.

JOHAN 11:55

Chun, Juda tla Kalkanh Kût chu a nâi rawh le, mi cherkhet a thianh ding hen, ram thawk hen, Kalkanh Kût lânah Jerusalem ah an kal.

JOHAN 13:1

Tuhin Kalkanh Kût lânah mi ni asi. Jisu nih hi laikulh a kaltâk ding mi leh Pa sinah a kal ding tik a rangah a tlung rawh ti a theih. Laikulh ah amah tâ tla chu a dâwt kumza na le, chun a dawngh tiang hen a dâwt na.

JOHAN 2:13

Chun, Juda Kalkanh Kût a nâi rawh le, Jisu Jerusalem ah a va kal.

JOHAN 6:4

Chun, Juda tla Kalkanh Kût chu a nâi rawh.

DEUTERONOMY 12:11

LALPA nih amah nan sawnhnâk ding hen mun pakhat cho a thîm lai le, chunah chun thu kan pêk na mi thil zeizawng a sinah nan kalpi lai. Nan bâwlnâk duahphung tla leh bâwlnâk dang tla, parâ lû pakhat leh nan thil ap tla, a bîk hen LALPA sinah thilpêk nanna tiam mi tla LALPA sinah nan pêk ding asi.

DEUTERONOMY 12:18

Nanmah leh nan fa tla, nan to-aw leh nan khua lakah Levi um mi tla hen, munkhat dut hen hi bang thil ap tla hi LALPA nan Pathian nih amah sawnhnâk mun ah a thîm mi mun cho ah nan ei dut ding asi. Chunah chun nan thilti zawzawngah nanna lâwm ding asi.

DEUTERONOMY 16:16

“Nan phun ah minung zawzawng sawnhnâk mun pakhat ah LALPA sawnh ding hen kum khat ah veithum nan kal ding asi: Kalkanh kût, Fângzûn kût leh Basâ Kût liau tla ah.

1 SAMUEL 1:21

Elkanah leh a dâwngsung tla rangah kum siar bâwlnâk leh a bîk hen thu a tiamh mi rangah bâwlnâk tla LALPA sinah ap ding hen Siloh khua ah kal ding cham a tlung nawlh rawh.

1 SAMUEL 1:3

Elkanah chu kum siar hen Ramah khua thawk hen Siloh khua ah LALPA zeizawng tikho sinah bâwlnâk ap ding leh va sawnh ding hen a kal tâwn le, chunah chun Hopni leh Phinehas Eli fapa panih chu LALPA bâwlpu an si.