LUK 2:4 - Bawm Common Language Bible Version

⁴ Chun, Josef khawm David dâwngsung tla leh a thlâk asi ruangah Galili ram ah Nazaret khua thawk hen,

LUK 2:4 ပူးပေါင်းရင်းမြစ်များ

GENESIS 35:19

Rakel chu a thi rawh chun Efrat, tûliau ah Bethlehem an ti mi lam vâu ah an vûi.

GENESIS 48:7

Hi hi na nu Rakel ruangah ka ti mi asi. Anih chu Kanaan ram ah a thi le, thungâi ka lung a fâk. Mesopotamia ram thawk hen kan hawng kîr liauah Efrat khua naih zâu ah, Efrat kalnâk lam vâu ah amah chu ka vûi rawh,” a ti. (Efrat chu tûliau Bethlehem khua asi.)

MIKAH 5:2

LALPA nih, “Bethlehem, Eprathah, Juda ram khuapi ah a mêchem mi na si, sikhawmsele nangmah thawk hen Israel tla lâirêltu ding a lânah mi a dâwngsung hâwitê si nawlh ding mi ka hawng suaktir awt!

MATHAI 1:20

Sikhawmsele, chubang thu chu a dawn liauah, ngâinik, a mang ah Lalpa vânmifial a sinah â langh le, “Josef, nang David fapa, na nupi Mari chu umpi ding ṭih lah; a nâu pâwi chu Thlarau Thenhlimh lakah mi asi.

MATHAI 2:23

“Anih chu ‘Nazaret mi’ an ti lai,” ti hen khuavâng tla kâ ah a sim mi kha a hawng tlung khonâk ding hen.

LUK 2:3

Chun, mi zawzawng chu an min rîn ding hen anmah khuapi chiau ah an kal.

LUK 2:5

Mari, a nupi ham râi chawp tung hen min rîn ding hen Judai ram ah David khua Bethlehem an ti mi ah chun an kal rawh.

LUK 4:16

Chun, a ṭhangliannâk Nazaret chu a va tlung le; chun Dinhni ah a ti dân kumza hâwi hen pumhnâk in ah a lût le, rêl ding hen a dîr.

JOHAN 1:46

Chun, Nathanael nih chun a sinah, “Nazaret ah thil ṭha a suak kho mazei?” a ti. Philip nih chun a sinah, “Hawng le zauh,” a ti.

JOHAN 7:42

Mesia chu David thlâk lakah, David umnâk khua Bethlehem ah a suak ding asi ti Pathian lasui thu nih a sim lo mazei?” an ti.

RUTH 1:19

Bethlehem ah an tlung lânlo chu an kal le, an va tlung rawh chun khuapi sungah mi tla anna chaih chur. Chunah um mi nunau tla nih chun, “Hihi Naomi tak ma si?” an ti.

RUTH 2:4

A nehnûnah chun Boaz khawm chu Bethlehem thawk hen a hawng le, rianṭuantu tla chu chibai a bûk na, “LALPA nan sinah um seh,” a ti na. Annih nih an sâng le, “LALPA nih mal an sâwm seh,” an ti.

RUTH 4:11

Chubang ruitu tla leh midang tla nih chun, “Theihpitu kan si, na nupi chu Rakel leh Leah nih Jakob rangah fa tam tak an ring piak mi hâwi hen LALPA nih siam seh, nang khawm Ephrath chi lakah Bethlehem khua ah chun minei si hen na min thang seh.

RUTH 4:17

Nunau a zâwlbâwm mi tla nih Obed ti hen a min an sak piak. “Naomi rangah fapa a hawng suak,” ti hen mikip an simh na. Obed chu David ringtu Jese pa asi.

1 SAMUEL 16:1

LALPA nih Samuel sinah, “Saul ruangah zei tiang riamruam me na ngaih a sia awt? Israel lalchem asi mi chu ka nawng rawh. Sikhawmsele tuah oliv sariak lak le, Bethlehem khua ah minung pakhat Jese sinah va kal le, a fapa lakah mi pakhat chu lalchem ah ka ruat rawh,” a ti.

1 SAMUEL 16:4

Samuel chu LALPA nih a simh mi hâwi hen Bethlehem khua leiah a va kal rawh. Chu khuapi ah ruitu tla chu thir bû hen an va tawng le, Samuel sinah, “Muhtupa, na kan pal mi hi thlangamnâk thu masi?” ti hen an deih.

1 SAMUEL 17:12

David chu Jese fapa, Judai ram Bethlehem khua mi, Ephrat thlâk asi. Jese nih fapa pariat a nei le, Saul a lal liauah chun a tar ual rawh.

1 SAMUEL 17:58

Saul nih David sinah, “Tlangvâl, âu fapa me na si?” ti hen a deih. David nih a sâng le, “Na to-aw Jese, Bethlehem ah mi fapa kasi,” a ti.

1 SAMUEL 20:6

Na pa nih buh khêng dûmnâk ah ka um lo ti a theih chun kumsiar hen kan dâwngsung apnâk cham Bethlehem ah va nei ding hen keimah sinah hawng ka deih ti hen simh,” a ti.