LUK 2:13 - Bawm Common Language Bible Version

¹³ Chun, lâkkhatko ah vânmifial sinah chun vân minung tla zapi an hawng um chiam le, Pathian an sawr le:

LUK 2:13 ပူးပေါင်းရင်းမြစ်များ

GENESIS 28:12

Mang a manh le, leilâk tual thawk hen vân sunh khet mi a muh, chu lakah chun vân minung tla ṭum leh kâi mi a muh.

1 Lal 22:19

Mikaiah nih a sim vima le, “Tuah LALPA thusim hi ngâinik, LALPA chu vân ah a laltophah ah to hen a kiangkam ah vânmifial tla zawzawng hen dîr mi ka muh.

JOB LASUIBU 38:7

Chu ni khuadei ah ârfi tla chu a rual hen an tlâ le, vânminung tla chu lâwm hen an âu.

SAM 148:2

Vânmifial zawzawng tla leh a kawrsen zawzawng tla, amah chu sawr u.

SAM 68:17

LALPA chu a rang kari chak sâng tam tak hen Sinai thawk hen mun thenhlimh ah a hawng kal.

EZEKIEL 3:12

Churawhchun, Pathian thlarau nih hawng ka châwi le, ka dungleiah rihâu fâk tak ka theih le, chu hâu nih chun, “Chung vân ah mi LALPA rokual chu sawr u!” a ti.

DANIAL 7:10

chu thawk hen chun mei tiva a hawng suak, mi sâng tam tak nih a rian an ṭuan piak le, mi nuaikhat a mâika ah an dîr, lâirêlnâk chu dawmh asi le, lasuibu tla an kêu.

LUK 15:10

Ka nan simh na chu hâwi ber hen Pathian vânmifial tla lakah chun misual pakhat a rim mi tlûnah anna lâwm tâwn asi.”

LUK 2:12

Chun, hi hi nan rangah singsiahnâk ding asi: Nausêm puan hen tuam, ran râwl pêknâk khêng ah it mi nan muh lai,” a ti.

LUK 2:14

“Chungnung chem ah Pathian rokual tak hen um seh. Tual tlûnah a lawmh ngâi mi minung tla sinah remnâk lêng seh,” an ti.

EPHESI 3:10

Chun, kan Lalpa Krist Jisu ah hi a tum mi a zungzâl remruat hâwi vima hen tu liauah vân mun tla ah khin lalnâk leh thuneihnâk tla sinah chun Pathian finghnâk kip kawhmi tla ruangah theihtir hen a um kho lai.

1 TIMOTHE 3:16

Chun, Pathian sunhsaknâk thuthup chu êi kho lo rê hen a rokual asi: “Taksa ah a hawng lang, Thlarau ah diknâk langhtir ding hen, vânmifial tla nih muh hen Phun tla nâwngah phuang ding hen, laikulh ah hin mi nih lung hen, vân ah lâk hen a um.

HEBRAI 1:14

Vânmifial tla chu zei an si ne? Annih tla chu Thlarau ver Pathian rianṭuantu, ruangsuahnâk tawngtu ding mi tla sinah ṭangpi ding hen fial an si.

1 PETER 1:12

Tuah thudik leikâng thu an sim mi nan theih hâwi hen Pathian nih chun khuavâng tla sinah a rianṭuan chu an rangah ṭhatvaknâk rang ding silo hen, nanmah ṭhatvaknâk rang ding dauh hen Pathian chu khuavâng tla sinah â langh asi. Thâwngthâng ṭha simtu mifial tla, vân thawk hen Thlarau thiltikhonâk hen fial mi nih chun hi thudik hi a nan simh na asi. Hi thudik tla hi asi, vânmifial tla khawm nih theih an duh mi chu.

THUPHUANG 5:11

Chun, ka zauh le, laltophah leh thilnung pali leh upa tla kiangah chun vânmifial a sîng a sîng tam tak aw-hâu chu ka theih. Thilnung tla leh upa tla leh laltophah hêl hen an dîr le, hâu fâk tak hen,