LUK 2:11 - Bawm Common Language Bible Version

¹¹ Tusûn ah hin nan rangah David khua ah Ruangsuahtu a suak rawh-Lalpa Krist chu!

LUK 2:11 ပူးပေါင်းရင်းမြစ်များ

GENESIS 3:15

Nang leh hi nunau hi kan huatir na lai; na thlâk leh a thlâk anna mêlma kumza lai. A thlâk nih na lû thî a suah lai le, nangnih a thlâk tla kê na chuk lai.

GENESIS 49:10

Juda nih lal ṭhianṭhunh â ting lai le, A thlâk tla khawm nih lâi an rêl kumza lai. Phun tla nih a sinah siah an pêk lai. Ê-aw ngâi tak hen a mâika ah an kûn lai.

SAM 2:2

An lal tla an hel le, An lâirêltu tla nih LALPA leh a thîm mi lal chu an phiar.

ISAI 9:6

Kan lakah ngâksia a hawng suak! Fapa pêk hen kan um! Anih chu kan lâirêltu asi lai. “Remruattu Che,” “Pathian chak,” “Zungzâl Pa,” “Remnâk Lal” an ti lai.

MATHAI 1:21

Fapa a ring lai le, a min ah JISU na sak lai; anih nih chun a mi tla an thilsual ti lakah mi ruang a suah na awt ruangah,” a ti.

MATHAI 16:16

Chun, Simon Peter nih, “Mesia, Pathian nung Fapa chu na si, ” a ti le, a sâng.

MATHAI 16:20

Churawhchun, Mesia asi ti âukhawm simh lo ding hen ṭhiruai tla chu thu a kilh thlir.

LUK 1:43

Ka Lalpa nu ka sinah na hawng kal hi zei zia me si le?

LUK 1:69

A to-aw David dâwngsung tla lakah chun, Ruangsuahtu chak hawng kan dirh piak dangâiah.

LUK 2:26

Chun, Lalpa Mesia chu a muh lânlo chu a thi lai loh ti Thlarau Thenhlimh nih a theihtir chia rawh.

LUK 2:4

Chun, Josef khawm David dâwngsung tla leh a thlâk asi ruangah Galili ram ah Nazaret khua thawk hen,

JOHAN 1:41

Anih nih chun a masa chem hen a unau Simon a muh le; a sinah, “Mesia kan tawng rawh,” a ti, (Sariak Thuh an ti mi chu),

JOHAN 1:45

Philip nih chun Nathanael a muh le, a sinah, “A thâwngthâng Mosi nih Dân lasuibu ah a rîn mi leh khuavâng tla nih an rîn mi kha, amah chu kan muh rawh. Nazaret Jisu Josef fapa chu,” a ti.

JOHAN 11:27

Anih nih chun a sinah, “Lung ta a, Lalpa; Mesia, Pathian Fapa, laikulh ah a hawng kal ding mi chu na si ti ka lung,” a ti.

JOHAN 20:31

Sikhawmsele, hi bang hi, Jisu chu, Mesia, Pathian Fapa asi ti nan lung khonâk ding hen leh nan lung ruangah a min hen nungnâk nan nei khonâk ding hen rîn asi.

JOHAN 4:25

Chun, nunau nih chun a sinah, “Mesia, (Sariak Thuh an ti mi chu) a hawng kal awt ti ka theih, anih chu a hawng kal tikah zeizawng hawng kan simh lai,” a ti.

JOHAN 4:42

Chun annih nih chun, nunau sinah chun, “Tu lam chun na thusim ruangah lung kan si lo rawh; kanmah ngelchel nih a thu kan theih le, hi minung hi laikulh Ruangsuahtu asi ngelchel ti kan theih rawh,” an ti.

JOHAN 6:69

Nang Pathian Mi Thenhlimh chu na si ti kan lung hen kan theih rawh,” a ti le, a sâng.

JOHAN 7:41

Midang tla nih, “Anih chu Mesia chu asi hi!” an ti. Zeimaw mi lam nih chun, “Zeitin Mesia chu Galili ram thawk hen a hawng suak lai?

THILTI 10:36

Anih nih chun lungngamnâk Thâwngthâng Ṭha Jisu Krist kâ ah sim hen, Israel thlâk tla sinah thu a kuat le, (Jisu chu mi zawzawng Lalpa asi.)

THILTI 13:23

Chu minung thlâktu lakah chun Pathian nih thu a tiamh hâwi vima hen Israel tla sinah Ruangsuahtu Jisu a hawng tlunh.

THILTI 17:3

leh Mesia chu hamhnâk tuar ding rerêng a sizia tla mithi lak mi thawk nawlh ding a sizia tla chu a simhfiang le, a langhtir tâwn. “Hi Mesia a thu ka nan simh na mi hi, amah hi Krist chu asi,” a ti tâwn.

THILTI 2:36

“Chun, Jisu nan khenhbêk mi ngelchel kha Pathian nih Lal leh Mesia si hen a siam rawh ti Israel phun kip nih theih chiau seh,” a ti.

THILTI 5:31

Amah ngelchel kha Pathian nih Ruitu leh Ruangsuahtu rangah um ding hen a vawrhlei ah a chawnglawmh rawh, Israel tla sual rimtir ding leh ngaihdam ding hen.

1 KORIN 15:47

Minung masa chem chu tual a mi valei hen siam asi; minung panihnâk chu vân ah mi asi.

PHILIPI 2:11

Pa Pathian rokualnâk ding hen, lei kip nih, “Jisu Krist chu Lalpa asi,” ti hen, an phuang lai.

PHILIPI 3:8

asi chiammâm, ka Lalpa Krist Jisu theihnâk rokual khun ruangah thil zeizawng khawm dawknâk ah ka ruat asi; amah ruangah thil zeizawng ka dawk ver le, chubang chu thanawmrawpâi tluk cho ah ka ruat le,

KOLOSA 2:6

Churuangah, Krist Jisu, Lalpa chu nan lawmh hâwi khan, amah lakah ram thlâk leh dirh hen sangh dadauh a um hen, an sîntir na hâwi khan nan lungnâk ah chun bir tak a um hen, lâwmthusim nei tam hen amah lakah chun um u.

1 JOHAN 4:14

Chun, Pa nih a Fapa chu laikulh ruangsuahtu ding hen a hawng fial asi ti kan muh le, midang tla khawm kan theihtir na asi.

1 JOHAN 5:1

Âuzawng “Jisu chu Mesia asi” ti lungtu chu Pathian fa asi, âuzawng a pa zângfahtu nih chun a fa khawm a zângfah asi.