LUK 2:10 - Bawm Common Language Bible Version

¹⁰ Chun, vânmifial nih chun an sinah, “Ṭih lah ule, ngâi u, mikip tâ ding thâwngthâng ṭha lawmh thanuam kâi tak ka nan thanh na.

LUK 2:10 ပူးပေါင်းရင်းမြစ်များ

GENESIS 12:3

Mal a nan sâwmtu chu mal ka sâwm lai, sikhawmsele siat an barhtu chu siat ka barh lai. Chun nangmah ruangah phun zawzawng mal ka sâwm lai,” a ti

ISAI 40:9

Jerusalem, tlâng sâng tak ah kâi le, thâwngthâng ṭha sim rawh. Zion, hâu fâk tak hen âu le, thâwngthâng ṭha chu sim rawh. Thu sim le ṭih lah. Juda khuapi tla chu nan Pathian a hawng ti hen simh na!

ISAI 41:27

Kei, LALPA, Zion sinah thâwngthâng sim masachemtu ding chu kasi; Jerusalem ah thusim ding hen mi ka fial le, ‘Na mi tla an hawng! In leiah an hawng tlung!’ ti ding hen;

ISAI 49:6

LALPA nih ka sinah, “Ka to-aw na rang ding ah ti ding rokual tak ka nei. Israel thibang tla rangah rokualtir natu cho na si lai lo le, phun tla rang khawm ah chêu ah ka nan siam lai, laikulh zawzawng ruangsuah an si khonâk ding hen,” a ti.

ISAI 52:10

LALPA nih a thiltikhonâk thenhlimh a mang lai le; a mi tla ruang a suah na lai le, laikulh ah mi zawzawng nih an muh lai.

ISAI 52:7

Tlâng sâng tla tan hen thâwngthâng ṭha thlangamnâk thu puttu mifial hawng mi muh ding chu a chê awt a! Nehnâk thu a sim le, Zion sinah, “Na Pathian chu lalchem asi!” a ti.

ISAI 61:1

LALPA zahkâi nih a thlarau hen hawng ka khattir. Mipâm tla sinah thâwngthâng ṭha sim ding, Thinlung fâk mi tla damh ding, Sal tang tla sinah suahnâk thu sim ding, Rêngtlâ sinah suaknâk thu sim ding hen Hawng ka thîm le, hawng ka fial.

DANIAL 10:19

Anih nih, “Pathian nih a nan dâwt, zeikhawm nih a nan dîttir hen a nan lâutir lah seh,” a ti. Hi a sim liau chirah tâwm chak dauh hen ka theih le, kei nih, “Pu sim ding na duh mi chu hawng ka simh. Na ka ṭhattir dauh rawh,” ka ti.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

MATHAI 14:27

Sikhawmsele, Jisu nih anmah a sawnh sawm na rawh, “Lungngam tak hen um u, keimah kasi, lâu lah u,” a ti.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MATHAI 28:5

Chun, vânmifial nih chun nunau tla chu a sawnh na le, an sinah, “Nannih nih chun ṭih lah u, Jisu an khenh mi kha nan hâwl ti ka theih.

MARK 1:15

“Tik chu a hawng tlung rawh, Pathian Ram khawm a hawng nâi rawh; rim ule, Thâwngthâng Ṭha hi lung u,” a ti vima.

MARK 16:15

Chun, an sinah, “Laikulh zawzawng ah kal ule, thilsiam zawzawng sinah chun Thâwngthâng Ṭha hi sim u.

LUK 1:13

Sikhawmsele, vânmifial nih chun a sinah, “Zekaria, ṭih lah, Pathian nih na deih mi kha a theih asi, na nupi Elizabet nih fapa a nan ring piak lai, a min ah Johan na sak ding asi.

LUK 1:19

Chun, vânmifial nih chun a sâng le, a sinah, “Gabriel, Pathian mâika ah dîr mi kasi le; a nan sawnh ding leh chubang thu ṭha chu a nan simh ding hen fial kasi.

LUK 1:30

Chun, vânmifial nih chun a sinah, “Mari, ṭih lah; Pathian sunhsaknâk na tawng.

LUK 2:11

Tusûn ah hin nan rangah David khua ah Ruangsuahtu a suak rawh-Lalpa Krist chu!

LUK 24:47

amah min hen rimnâk thu leh sual ngaihdamnâk thu Jerusalem thawk hen phun kip sinah an sim lai,’ ti hen.

LUK 8:1

Chun, a nehnûn dauh ah chun Jisu thusim leh Pathian Ram Thâwngthâng Ṭha tlungtir hen khua lian leh khuatê tla a ṭawl vima le, a sinah leinih tla chu an um.

THILTI 13:32

Kannih khawm nih thlâktu tla sinah thu tiamh kha a thâwngthâng lawmhkâi kan hawng sim asi hi, kha hâwi hen Pathian nih Jisu a thawh mi lakah khan, kannih an fa tla sinah hin a rangtlingtir asi. Sam panihnâk ah: ‘Ka fapa na si; tusûn hin ka nan ring,’ ti rîn hâwi khan.

ROM 10:15

Fial an si lo chun zeitin thu an sim lai? “Thâwngthâng Ṭha simtu tla hawng kal chu a chê a!” ti hen Pathian lasui thu nih a sim hâwi khan.

EPHESI 3:8

Phundang tla sinah Krist neihsiahnâk sût châwklo rê thâwngthâng sim ding leh thuthup zungzâl thawk hen Pathian zeizawng siamtu lakah thuh hen a um mi zauhkhenhnâk chu zeise asi ti, mi mêchem ngâk a mê dauh sinah chu zângfahnâk chu pêk asi.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.