LUK 18:1 - Bawm Common Language Bible Version

¹ Chun, lungdawng lo hen thla an cham kumza ding asi ti theihnâk ding hen ṭhiruai tla sinah tahṭhimh thu a sim:

LUK 18:1 ပူးပေါင်းရင်းမြစ်များ

KOLOSA 4:2

Thlacham vima ule, chu lak chun lâwmthu sim bû hen ruat tet u.

ROM 12:12

Lungumnâk leikângah chun a lâwm ule, hamhtuar leikângah chun felfê ule, thlachamnâk leikângah chun thlacham kumza ule;

1 THESALONIKA 5:17

bâng lo hen thlacham ule,

PHILIPI 4:6

Zei lak khawm ah lawksawng lah u; zeizawng ah thlacham leh deih hen, lâwmthusim tel vima hen, nan duhnâk tla chu Pathian sinah theihtir hen um dauh seh.

EPHESI 6:18

thlachamnâk leh deihnâk kip hen zeiliau zawng ah Thlarau a thlacham hen chu leikângah chun mi thenhlimh zawng rangah ṭhanemsemsê ngâi tak hen leh deih thlir hen a ringrâwn u.

JEREMIA 29:12

Churawhchun, nan hawng ka auh lai rawh. Nan hawng hen ka sinah thla nan cham lai le, kei nih kan sâng na lai.

LUK 21:36

A ringrâwn u, Minung Fapa mâika ah nan dîr khonâk ding hen leh thil hawng tlung ding mi tla zawzawngah him ding leh chaknâk nan nei khonâk ding hen thlacham u,” a ti.

GALATIA 6:9

Chun, thil ṭha ti neng lo ding; kanna dâithlanh lo chun a tikah kan ât awt ruangah.

SAM 86:3

Nang ka Pathian na si, churuang chun ka lakah khuaruat le; nî tlâk hen na sinah thla ka hawng cham.

SAM 102:17

A kaltâk mi minung tla a âwva lai le, an thlachamnâk a ngâi lai.

2 KORIN 4:1

Churuangah chun zângfahnâk kan tawng hâwi vima hen rianṭuannâk hi kan nei ruangah kan duai lo;

KOLOSA 4:12

Epaphra nanmah lakah mi, Krist Jisu to-aw nih hin chibai a nan bûk na. Anih nih chun Pathian duhzia zawng upat leh lung thlirnâk nei hen nan dîr khonâk ding hen a thlachamnâk tla ah chun nanmah tla rangah â ṭang kumza tâwn asi.

JONA 2:7

Ka nungnâk hi vei ving rawh hen ka theih le, churawhchun na sinah LALPA, thla ka cham. Na Biakin thenhlimh ah na ka ngâi piak.

SAM 65:2

thlachamnâk na sâng ruangah kan thutiam chu na sinah kil.

SAM 27:13

Tuliau san ah hin LALPA ṭhatnâk chu muh ding hen ka dam lai ti ka theih.

ISAI 40:31

Sikhawmsele, ṭangpitu ding ah LALPA lakah â ngauh mi nih chun chaknâk thar a tawng lai. Mupi hâwi hen thla hen an zuang lai le; an tek lai le, an dî lai lo; an kal lai le, an uai lai lo.

ISAI 62:7

Jerusalem chu dirh asi lânlo chu an dîntir awtlo, Khuapi chu laikulh pumpi sawr tlâk ah siam ding hen.

1 SAMUEL 1:12

Hanah nih LALPA sinah thla a cham vima le, Eli nih a mûr a châng mi chu a zauh ko.

LUK 11:10

Âuzawng a deihtu vial nih chun an tawng tâwn le, âuzawng a hâwltu nih chun an tawng tâwn le, âuzawng a kiktu chu an awng piak awt asi.