LUK 17:2 - Bawm Common Language Bible Version

² Hi bang mi mê tla lakah pakhat khawm tlûktir ngâk chun a tlûktirtu ngâwng ah fâng rialnâk lung awihtir hen tisumsumriat ah thlâk sele a rangah a ṭha dauh lai.

LUK 17:2 ပူးပေါင်းရင်းမြစ်များ

ISAI 40:11

A ranrual tla chu dawrâpu hâwi hen a zauhkhenh na lai le, dawrâ fa tla chu a pumh na lai le, a bân hen a put na lai; an pinu tla chu thiamthih tê hen a rui na lai.

ZEKARIA 13:7

LALPA Zeizawng tikho nih, “Nâmsâu, thawk le, ka rianṭuantu dawrâ vêngtu chu do rawh! Thah le, dawrâ chu anna rek phin lai.

MATHAI 17:27

Sikhawmsele, nang rilî ah va kal le, siau va thlâk le, ngâ a hawng suak masa mi chu tleih rawh. Chun a kâ na kêu kâ hen stater khat na muh lai; chu chu lâk le, kei leh nangmah rangah an sinah pêk na, chu lo chun annih chu an lung kan sitir lo lebang lai,” a ti.

MATHAI 18:10

“Hi bang mi mê tla lakah pakhat khawm hi zauhnawmh lo ding hen a thiamthih u; an vânmifial tla nih vân ah ka Pa vân ah mi mêl chu an muh kumza tâwn ti ka nan simh na hi.

MATHAI 18:14

Chu hâwi ber hen mi mê tla lakah pakhat a vei mi khawm hi nan Pa vân ah mi duhzia asi lo.

MATHAI 26:24

Minung Fapa hi a thâwngthâng an rîn hâwitê khan a kal awt asi. Sikhawmsele, Minung Fapa tleihtirtu ding minung tlûn chu a pit! Chu minung chu suak lah sele a rangah a ṭha dauh lai,” ti hen a sâng.

MARK 9:42

“Âuzawng hi bang hawng ka zumhtu mi mê tla lakah pakhat khawm tlûktirtu zawng chu an ngâwng ah fâng rialnâk lung lianpi awihtir hen tisumsumriat ah thlâk sele an rangah a ṭha dauh ding asi.

JOHAN 21:15

Chun, zîngbuh an ei thluh ah, Jisu nih Simon Peter sinah chun, “Simon, Johan fapa, hi bang tla ngâk hen nangnih kei na ka dâwt dauh ma?” a ti. Anih nih chun a sinah, “I, Lalpa, ka nan dâwt ti na theih,” a ti. Jisu nih chun a sinah, “Ka dawrâ fa tla zauhkhenh rawh,” a ti.

1 KORIN 9:15

Sikhawmsele kei lam nih chun chubang chu pakhat khawm ka mang lo asi. Ka tlûnah chu hâwi nan tinâk ding hen hi thu hi ka rîn asi lo, âuzawng nih ka putso mi hi zeikhawm lo ah an siam ngâk chun thi thlo sele ka rangah a ṭha dauh asi.

1 KORIN 9:22

Chak lo tla ka luh kho na ding hen chak lo tla sinah chak lo hâwi hen ka um tâwn; zeitin mawh zeimaw mi tal ruang ka suah kho na ding hen mi zawzawng sinah zeizawng kasi rawh.