LUK 16:9 - Bawm Common Language Bible Version

⁹ “Chun, ka nan simh na, sum telê hen nan rangah hâwi tla siam u; sum a veih tikah zungzâl umnâk ah chun an umtir na nâk ding hen.

LUK 16:9 ပူးပေါင်းရင်းမြစ်များ

SAM 73:26

Ka thinlung leh ka taksa hi chak lo khawmsele, Pathian chu ka chaknâk asi; zeiliau zawng ah ka herh kumza mi chu.

THUFING LASUIBU 14:24

Mifing tla chu neihnâk hen lâwmman pêk an si. Sikhawmsele, mi mâwl chu an âtnâk lakah â thei.

THUFING LASUIBU 19:17

Mipâm sinah thil na pêk mi chu LALPA rangah na lângtir mi asi le, LALPA nih a nan rulh nawlh lai.

THUFING LASUIBU 23:5

Na tangka chu mîmthlalek hâwi hen a vei sawm lai le, mupi thla a nei mi hâwi hen a zuang ving lai.

THUSIMTU 11:1

Ramdang ah sawlehnâk ah na tangka pungtir le, zei tik ni ah mawh na dingchang lai.

ISAI 57:16

Ka mi tla chu nungnâk ka pêk tâwn le, an lakah phiarnâk leh thinthawknâk ka umtir kumza awtlo.

DANIAL 4:27

Churuangah Bâwipa, ka thusim hi ngâi rawh. Sual thilti bâng le, thil dik ti rawh, mipâm tla lakah khuaruat. Chu tikah na sul-le-lam a tluang lai,” a ti.

MATHAI 19:21

Jisu nih a sinah, “Ṭha rangtling hen um na duh chun, kal le, na neih chu zuar le, mipâm tla sinah pêk rawh; chuvachun vân ah ro na nei lai, chun hawng le, hawng ka zûl,” a ti.

MATHAI 6:19

“Tual ah rûlchawn leh a êk nih a einâk ah, mifîr tla nih an phûl hen an fîrnâk ah nan ro tla khawng lah u.

MATHAI 6:24

“Âukhawm nih hotu panih rian an ṭuan kêp kho lo, pakhat hua hen pakhat a duh lai, asi lo leh, pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai lo.

LUK 11:41

Sikhawmsele, a sungah thil um chu mipâm sinah pêk ding hen mang u; chun, nan rangah zeizawng a thenhlimh lai.

LUK 12:33

Nan neih zawzawng zuar ule, mipâm tla sinah pêk u; vân ah mifîr kal lonâk ah, rûlchawn nih a râwk lonâk ah chun, tangka sâwngkhâwi li kho lo tla, neih vei kho lonâk ah nan ro khawng u.

LUK 14:14

Chun, chubang nih chun an rulhnâk ding an nei lo ruangah na thaw a suak lai; mirep tla thawknawlh tikah Pathian nih a rulh na awt ruangah,” a ti.

LUK 16:11

Sum telê lakah men zumh nan kâilo chun âunih me sum tak chu an kiltir na lai?

LUK 16:13

To-aw âukhawm nih hotu panih rian a kêp kho lo; pakhat hua hen pakhat a duh lai, asi lo leh pakhat ṭanh hen pakhat a zauhnawmh lai. Pathian leh sum rian nan ṭuan kêp kho lai loh,” a ti.

LUK 16:4

Sum kil a hawng ka phelh tikah an in ah an hawng ka umtir khonâk ding hen ka ti ding dân ka theih rawh,’ a ti.

THILTI 10:31

‘Kornelia, na thlachamnâk kha theih hen a um rawh, mi sinah na thilpêk tla khawm kha Pathian nih a theihkumza.

THILTI 10:4

Chun, Kornelia nih chun anih chu a zauh ko le, a ṭih, “Pu, zei mesi?” a ti. Chun, anih nih chun a sinah, “Na thlachamnâk leh na thilthawt pêk tla kha ka theihkumza ding hen Pathian mâika ah a tlung rawh.

2 KORIN 4:17

Kanna hamhnâk nêptê, tu mitthlep sung cho ah um ding mi nih hin rokualnâk cherkhet zungzâl rang ding hawng kan siam piak dadauh asi.

JUD 1:21

Kan Lalpa Jisu Krist nih a khuaruatnâk ruangah zungzâl nungnâk a nan pêk na mi chu ngâk hen Pathian zângfahnâk ah chun a kil u.