LUK 16:3 - Bawm Common Language Bible Version

³ Chun, sum kiltu nih chun a thinlung hen, ‘Ka pu nih ka sum kil a ka phelh awt mi hi zeitin ka ti lai aw? Tual chawh tâ nih ka huam lo, kutdawnh tâ nih ka ningzàk fâwn.

LUK 16:3 ပူးပေါင်းရင်းမြစ်များ

ESTHER 6:6

Churawhchun, Haman chu a hawng lût le, a sinah, “Minung âumawh zahkâi tak hen siam ding ka duh, chu minung rangah chun zei hâwi ti sele a ṭha lai?” ti hen a deih. Haman nih a thinlung hen, “Lal nih chu hâwi tluk hen zahkâi hen siam ding a duh mi chu âu me si lai, keimah kasi ngelchel lai,” ti a ruat.

THUFING LASUIBU 13:4

Mi zângzê nih zeizat tal thil duh khawmsele a tawng lêm lo. Hamh tak hen rianṭuantu nih zeizawng a tawng.

THUFING LASUIBU 15:19

Na zângzê chun zei ram zawng ah harsatnâk na rangah a um lai le, sikhawmsele mi zumhkâi na si lam chun zei mun khawm ah nawknâk na nei lai lo.

THUFING LASUIBU 18:9

Mi zângzê chu mi zeimaw mi siat-le-râwk hen an um mi hâwi asi.

THUFING LASUIBU 19:15

Na duh chun zângzê tak hen um le, it kumza ko; na sung a vâng nget lai.

THUFING LASUIBU 20:4

Phâisen nâwntu a zângzê ruangah a tik takah phâisen nâwn lotu nih fângât ding a nei lai loh.

THUFING LASUIBU 29:21

Na to-aw chu a ngâksia liau thawk hen a duh mi vial na pêk chun, zeitik ni mawh chun na neih zawzawng a lâk hep lai.

ISAI 10:3

Pathian nih an rêp na tikah zeitin nan ti awt? Ram lât tak thawk hen nan siatnâk a hawng tlungtir tikah zeitin nan ti awt? Ṭangpitu hâwl hen zeiah nan tek awt? Nan neih zeiah nan thuh awt?

JEREMIA 5:31

khuavâng tla nih âwkrâwl thu lo chu zeikhawm an sim lo; khuavâng tla thupêk hâwi hen bâwlpu tla nih lâi an rêl le, ka mi tla nih êlnâk an nei lo. Sikhawmsele a dawnghnâk a hawng tlung tikah zeitin an ti awt rawh?” a ti.

HOSEA 9:5

LALPA zahnâk ding hen kût ni a hawng tlung tikah zei an ti lai rawh ne?

MATHAI 20:8

“Chun, zânleibâi rawh chun grep dûm dâwngpu nih chun a sum kilkâwitu sinah, ‘Rianṭuantu tla kha kawh na le, a madung chem ah dawmh hen a masa chem tiang hen an lawh pêk na rawh,’ a ti.

MARK 10:46

Chun, Jeriko ah an hawng tlung rawh. Jisu chu Jeriko thawk hen chun a ṭhiruai tla leh mi zapi cherkhet hen a suak liauah kutdawnh mitchâw, Timai fapa Bartimai chu lam vâu ah a to.

LUK 12:17

chun a ruat le, ‘Zeitin ka ti lai aw? Ka mîm-le-fâng siahnâk ka nei lo,’ a ti.

LUK 16:2

Chun, anih nih chun amah chu a kawh le, a sinah, ‘Na thu ka theih mi hi zei zia mesi? Na sum zauhkhenh thâwngthâng hawng ka rîn piak ver rawh; tu ri hen sum kiltu ah na um kho lai lo rawh,’ a ti.

LUK 16:20

Chun, a min Lazar kutdawnh pakhat mâ hen a khat phak mi kawtkari ah an siah tâwn le,

LUK 16:22

“Chun, kutdawnh chu a thi le, vânmifial tla nih an put le, Abraham ṭângkâ ah an siah. Minei khawm chu a thi le, phûm hen a um rawh.

LUK 16:4

Sum kil a hawng ka phelh tikah an in ah an hawng ka umtir khonâk ding hen ka ti ding dân ka theih rawh,’ a ti.

LUK 18:4

Chun, sâwt tak a duh lo le; sikhawmsele a nehnûn ah chun a thinlung hen, ‘Pathian ṭihlo hen minung sunhsak lah khawmsele,

JOHAN 9:8

Chuvachun, a zâwlbâwm tla leh a lânah a kut dawnh muh tâwntu tla nih, “Hi minung hi to bû hen kut dawnh tâwn kha asi lo ma?” an ti.

THILTI 3:2

Chun, patling âumawh a suak tîr thawk hen kekhêng an hawng zawnh le, chu minung chu Pathian Biakin ah an lût mi tla sinah kut dawnh ding hen “Kawtkhâr Dawh,” an ti mi bul ah chun nisiar an ittir tâwn asi.

THILTI 9:6

Sikhawmsele, thawk le, khua ah lût rawh, chun na ti ding mi a nan simh lai,” a ti.

2 THESALONIKA 3:11

Nan lakah zeimaw mi zângzê hâwi hen an um tâwn mi tla thâwngthâng kan theih le, chubang nih chun rian rerêng an ṭuan lo le, midang nawktir ding hen anna sawk salam tâwn asi.